درآمد شدہ جاپانی گاڑیوں کی آکشن شیٹ کی آن لائن تصدیق کا طریقہ

auction-sheet-online-verification

جاپان سے درآمد کی جانے والی گاڑیوں کی آکشن شیٹ میں رد و بدل کے بڑھتے ہوئے واقعات کے باعث صارفین اس کی تصدیق سے متعلق کافی پریشان نظر آتے ہیں۔ گاڑیوں کے کاروبار سے منسلک چند بدنیت افراد گاڑیوں کو مہنگے داموں فروخت کرنے کے لیے آکشن شیٹ کی نقل حاصل کر کے ان میں من مانی تبدیلیاں کردیتے ہیں۔ ایسے میں ایک عام آدمی کے لیے ضروری ہے کہ وہ پسند کی گئی گاڑی کی آکشن شیٹ کے درست ہونے کی تصدیق بھی کرلے۔ گاڑیوں کی درآمد سے متعلق اپنے پچھلے مضامین میں تفصیل سے ذکر کرچکا ہوں کہ آکشن شیٹ کیا ہوتی ہے اور اس میں درج معلومات کو کیسے سمجھا جاسکتا ہے۔ اب آکشن شیٹ کی تصدیق کے طریقہ کار سے متعلق بات کرتے ہیں۔

سب سے پہلے آپ کے لیے یہ جاننا ضروری ہے کہ آکشن شیٹس کی تصدیق کیسے ممکن ہے۔ نیلامی گھر (آکشن ہاؤس) میں جب کوئی گاڑی فروخت کے لیے پیش کی جاتی ہے تو اس کی تمام معلومات بشمول خالق ادارے کا نام، ماڈل، چیسز نمبر وغیرہ جاپانی سروسز پر محفوظ کرلی جاتی ہیں۔ آکشن شیٹ کی تصدیق کے لیے آپ کو ان سرورز تک رسائی درکار ہے جس کے لیے چند ایک ویب سائٹس آپ کی مدد گار ثابت ہوسکتی ہیں۔ ویب سائٹ پر آپ گاڑی کے چیسز نمبر اور لاٹ نمبر درج کر کے دیگر معلومات دیکھ سکتے ہیں۔

اپنی پسندیدہ گاڑی پاکستان منگوانے کے لیے یہاں کلک کریں

مثال کے طور پر ایک روسی ویب سائٹ (http://arsenal.aleado.ru) پر آپ درکار معلومات فراہم کر کے آکشن شیٹ کی تصدیق کرسکتے ہیں۔ جب آپ مذکورہ ویب سائٹ کھولیں گے تو آپ کو کچھ ایسا صفحہ نظر آئے گا:

websiteEnter

یہ صفحہ اس وقت روسی زبان میں دکھایا جا رہا ہے۔ سب سے اوپر موجود نیلی پٹی کے دائیں جانب Eng پر کلک کر کے آپ صفحے کو انگریزی میں دیکھ سکتے ہیں۔ اس صفحے پر پوچھے گئے نام کی جگہ ‘ arsenal’ لکھیں اور پاسورڈ میں ‘ motors’ لکھ کر سائن اِن پر کلک کریں۔ اب آپ کو کچھ ایسا صفحہ نظر آئے گا:

selectSoldPrices

یہاں سب سے اوپر موجود پٹی میں Japanese Auto Auctions Sold Prices منتخب کریں۔ جس کے بعد ظاہر ہونے والے صفحے پر آپ سے دیگر تفصیلات پوچھی جائیں گی۔

مثال کے طور پر میں نے ڈائی ہاٹسو کو maker اور ڈائی ہاٹسو میرا ES کو model کے طور پر منتخب کیا۔ results کے سامنے ‘All lots’ منتخب کریں اور ذیل میں موجود اسکرین شاٹ کی طرح تمام چیک باکسز پر چیک لگادیں۔ اس کے بعد گاڑی کا چیسز نمبر لکھیں اور bid نمبر (لاٹ نمبر) درج کریں۔ اگر آپ کو گاڑی کی تاریخِ نیلامی کا علم نہیں تو جنوری تا دسمبر کا دورانیہ منتخب کرلیں۔ اس کے بعد Search پر کلک کریں۔

searchFill

searchFill2

چونکہ یہ ویب سائٹ زیادہ اپڈیٹس نہیں کی جاتیں اس لیے ممکن ہے کہ آپ کو کوئی بھی گاڑی نظر نہ آئےاور آپ کو کچھ ایسا صفحہ نظر آئے:

NoResult

اس صورت میں آپ ایک بار پھر تلاش کرنے کی کوشش کیجیے اور اگر ممکن ہو تو ویب سائٹ کو فراہم کی گئی معلومات میں کمی بیشی کر کے بھی دیکھیں۔ مثال کے طور پر میں نے لاٹ نمبر درج کر کے چیسز نمبر ہٹا دیے اور دوبارہ سرچ کروایا۔ اب مجھے دو ڈائی ہاٹسو میرا گاڑیاں دکھائی گئی ہیں جو ایک ہی لاٹ میں شامل تھیں۔

searched

میں نے پہلی والی گاڑی کو منتخب کر کے اس پر کلک کیا۔

searched1

گاڑی کی تصاویر کے ساتھ آکشن شیٹ کی بھی نقل میرے سامنے ظاہر ہوگئی۔ یہ وہ اصلی آکشن شیٹ ہے کہ جو نیلامی گھر میں گاڑی شامل ہوتے ہی بنائی گئی تھی۔ اگر آپ کے پاس موجود آکشن شیٹ بھی بالکل یہی ہے تو سمجھیے تصدیق مکمل ہوئی۔

searched2

یہ طریقہ کار کافی آسان اور سادہ ہے۔ یاد رہے کہ جاپانی گاڑی خریدتے ہوئے ہمیشہ آکشن شیٹ ضرور طلب کریں اور اس کی تصدیق بھی کریں کہ آیا آپ کو دی گئی گاڑی یا اس کی آکشن شیٹ میں کوئی گڑ بڑ تو نہیں کی گئی۔ گاڑیوں کی درآمدات کے حوالے سے مضامین کا سلسلہ آگے بھی جاری رہے گا۔ اگر آپ کسی خاص موضوع پر معلومات حاصل کرنا چاہیں تو تبصرے ضرور آگاہ کریں۔

Shaf Younus

I'm an Auto Enthusiast, a Student of Computer Science and above all, Citizen of Pakistan.

  • Waqas Khawaja

    AoA, Given ID n Password is not working.
    However i found another way to Verify, Succesfully verified some auction sheets by myself.
    If anyone want , i’ll do it for free.
    03463301089

    Regards

  • Usman Ali Abid

    Hw?cn u plz share

  • M Waqas

    Hello, Why don’t you share here?

Top