اورنج لائن میٹرو ٹرین کے انڈر گراؤنڈ اسٹیشنز مکمل


اورنج لائن میٹرو ٹرین کے ٹھیکیدار نے انڈر گراؤنڈ یعنی زیرِ زمین اسٹیشنوں کی تکمیل کا اعلان کردیا ہے، ایک مقامی میڈیا ادارے نے بتایا۔

تفصیلات کے مطابق مرکزی ٹھیکیدار – چائنا ریلویز کارپوریشن (CR) اور چائنا نارتھ انڈسٹریز کارپوریشن (NORINCO) نے زیرِ زمین پٹریوں کو مکمل کرلیا ہے، یہ مشترکہ منصوبہ ٹرین پروجیکٹ کے تمام الیکٹریکل اور مکینیکل کام، ٹرینوں کی سپلائی اور پٹریاں بچھانے کا ذمہ دار ہے۔

میڈیا سے بات کرتے ہوئے چیف انجینیئر CR-NORINCO فینگ شو نے کہا کہ ٹرین پروجیکٹ لاہور کے عوام کے لیے ایک بڑا اثاثہ ثابت ہوگا، کیونکہ یہ ہزاروں افراد کو روزمرہ بنیاد پر نقل و حرکت میں مدد دے گا۔

ٹرین بجلی پر چلے گی اور ایک مرتبہ میں 1,000 افراد کی گنجائش کی حامل ہوگی۔ یہ روزانہ 250,000 افراد تک کو خدمات فراہم کر سکے گی۔ البتہ 2025ء تک اس کی گنجائش کو 500,000 تک بڑھایا جائے گا۔ مزید برآں، رُوٹ دو حصوں میں تقسیم کیا گیا ہے، ایک پُلوں پر مشتمل ہے جو 25.4 کلومیٹر ہے اور دوسرا انڈر گراؤنڈ سیکشن، جو 1.7 کلومیٹر طویل ہے۔

لاہور اورنج لائن ٹرین مندرجہ ذیل اسٹاپوں سے گزرے گی:

علی ٹاؤن

ٹھوکر نیاز بیگ

کینال ویو

ہنجروال

وحدت روڈ

اعوان ٹاؤن

سبزہ زار

شاہ نور

صلاح الدین روڈ

بند روڈ

سمن آباد

گلشنِ راوی

چوبُرجی

لیک روڈ

جی پی او

لکشمی

ریلوے اسٹیشن

سلطان پورہ

یو ای ٹی

باغبان پورہ

شالیمار گارڈن

پاکستان مِنٹ

محمود بوٹی

اسلام پارک

سلامت پورہ

ڈیرہ گُجراں

ہماری طرف سے اتنا ہی، اپنے خیالات نیچے تبصروں میں پیش کیجیے۔


Top