پاک سوزوکی نے GS150 کا نیا ماڈل متعارف کروا دیا

789

پاکستان میں سوزوکی گاڑیاں اور موٹر سائیکل فروخت کرنے والے ادارے پاک سوزوکی نے اپنی GS150 موٹر سائیکل کا بہترین ماڈل متعارف کروا دیا ہے۔ اس نئے ماڈل کو GS150 SE کا نام دیا گیا ہے۔ سوزوکی GS150 کے نام سے منسلک SE دراصل انگریزی لفظ اسپیشن ایڈیشن کا مخفف ہے۔ 6 ستمبر 2016 کو موصول ہونے والے اعلامیے کے مطابق نئی سوزوکی موٹر سائیکل میں قابل قدر خصوصیات شامل کی گئی ہیں۔ یہ اعلامیہ پاکستان بھر کے تمام ہی ڈیلرز کو ارسال کیا گیا ہے جس کی نقل آپ ذیل میں بھی ملاحظہ فرما سکتے ہیں۔

14202719_308601612837942_2788344324353308464_n

سوزوکی GS150 اسپیشل ایڈیشن میں شامل کی جانے والی چند خصوصیات یہ ہیں:
٭ اگلی جانب نئے ڈسک بریکس
٭ نئے اسٹیکرز / گرافکس
٭ اگلی جانب نئے ڈیزائن کا حامل فینڈر
٭ الائے رمز
٭ پہلے سے بہتر شاک آبزرور
٭ پچھلی جانب نیا ٹائر

حسب توقع نئی موٹر سائیکل کی پیشکش کے ساتھ قیمت میں بھی اضافہ کردیا گیا ہے۔ نئی سوزوکی GS150 اسپیشل ایڈیشن کی قیمت 1,58,500 روپے رکھی گئی ہے جو سوزوکی GS150 کی قیمت سے 25 ہزار روپے زیادہ ہے۔

مجھے یہ کہنے میں کوئی عار نہیں کہ سوزوکی GS150 ایک اچھی موٹر سائیکل ہے لیکن اس کا ڈیزائن کافی پرانا معلوم ہوتا ہے۔ اس کے مقابلے میں روڈ پرنس ویگو 150 اور کیوے RKS150 اسپورٹ کافی بہتر اور اچھے ڈیزائن کی حامل موٹر سائیکلیں کہی جاسکتی ہیں۔ البتہ یہ بات بھی اپنی جگہ درست ہے کہ کیوے اور ویگو موٹر سائیکلوں کی قیمت 1,85,000 سے زائد ہے۔ لیکن اگر جدید انداز اورکارکردگی کی بات ہو تو یہ دونوں موٹر سائیکلیں بھی کسی سے ہر گز بھی کم نہیں ہیں۔

یہ بھی پڑھیں: یاماہا YBR 125 اور YBR 125G ماہانہ اقساط پر بھی دستیاب!

We all make mistakes in life but I believe in learning from them and that is why I have opted to become an auto-journalist. I have a tech background but I prefer to write and express my views on cars because I am petrol head.

Top