پاک سوزوکی نے اپنی کاروں کی قیمتوں میں 6,95,000 روپے تک کا اضافہ کردیا


اپڈیٹ: 

پاک سوزوکی نے اگست 2019ء کے لیے اپنی کاروں کی قیمتیں بڑھا دی ہیں۔ پاکستان بھر میں ڈیلرز کو بھیجے گئے سرکلر کے مطابق اس نے اس نے صرف آلٹو کے ویرینٹس اور وِٹارا GLX کی قیمتیں بڑھائی ہیں۔ 

آلٹو VX کی نئی قیمت 11,35,000 روپے ہے جبکہ آلٹو VXR کی نئی قیمت 12,38,000 روپے جبکہ VXL کی قیمت بڑھا کر 14,33,000 روپے کردی گئی ہے۔ علاوہ ازيں وِٹارا کی قیمت 49,90,000 روپے ہوگئی ہے – پورے 6,95,000 روپے کے اضافے کے بعد۔ نئی قیمت یکم اگست 2019ء سے لاگو ہوگی۔ سرکلر دیکھیں: 

واضح رہے کہ PakWheels.com نے اپنے باخبر ذرائع سے پہلے ہی بتا دیا تھا کہ کمپنی آئندہ چند دنوں میں اپنی کاروں کی قیمتیں بڑھائے گی۔ 

قبل ازیں: 

پاک سوزوکی نے  15 جون 2019ء کو پاک-چائنا فرینڈشپ سینٹر میں آلٹو 660cc متعارف کروائی، جس کا اِس سال سب سے زیادہ انتظار کیا جا رہا تھا۔ 

پاک سوزوکی نے اسے سال کی سب سے بڑی رونمائی قرار دیا۔ بلاشبہ پاکستان میں بننے والی تاریخ کی پہلی 660cc کار سے بہت امیدیں وابستہ ہیں۔ کمپنی کی مشہورِ زمانہ مہران کے متبادل کی حیثیت سے آلٹو کو مقامی صنعت میں بہت بڑے خلا کو پُر کرنا ہے۔ 

کمپنی نے یہ کار تین مختلف ویرینٹس میں لانچ کی: VX، VXR اور VXL  پاکستانی صارفین کے لیے جن کی قیمتیں بالترتیب 9,99,000، 11,01,000 اور 12,95,000 روپے تھیں۔ البتہ ہمارے باخبر ذرائع کے مطابق کمپنی اگست 2019ء سے آلٹو 660cc کی قیمت میں 1 سے ڈیڑھ لاکھ روپے اضافے کے لیے تیار ہے۔ ذرائع نے واضح طور پر بتایا ہے کہ کمپنی قیمتوں میں اضافہ کرے گی۔ 

نئی آلٹو  رائٹ ہینڈ ڈرائیو (RHD) آپشن کے ساتھ 5 دروازوں والی ہیچ بیک ہے۔ یہ 3-سلنڈر 658cc R06A انجن رکھتی ہے جو 5-اسپیڈ مینوئل یا آٹو گیئر شفٹ (AGS) ٹرانسمیشن کے ساتھ آتا ہے۔ ہیچ بیک 6500rpm پر زیادہ سے زیادہ 39hp اور 4000 rpm پر 56Nm ٹارک دیتی ہے۔ 

آلٹو 660cc کی قیمت میں ممکنہ اضافے کے بارے میں اپنی رائے نیچے تبصروں میں پیش کریں۔ 


Google App Store App Store

My name is M. Ali Laghari and I love to read and write about Cars.

Top