پاک سوزوکی نے اپنی کمرشل گاڑیوں کی قیمتوں میں تبدیلی کردی


پاک سوزوکی نے 9 جولائی 2018ء سے اپنی کمرشل گاڑیوں کی قیمتوں پر نظرثانی کی ہے۔ 

نئی تفصیلات کے مطابق سوزوکی راوی کی قیمت 9,65,000 روپے سے گھٹا کر 9,41,000 روپے کردی گئی ہے اور سوزوکی بولان کارگو کی قیمت 10,15,000 سے کم کرکے 9,90,000 روپے کی گئی ہے۔ مزید برآں سوزوکی میگا کیری کی قیمت 13,64,000 روپے سے کم کرکے 12,99,000 روپے کی گئی ہے۔ 

واضح رہے کہ وفاقی حکومت کی جانب سے فیڈرل ایکسائز ڈیوٹی (FED) نافذ کرنے کے بعد گاڑیوں کی قیمتوں میں تبدیلی کی گئی تھی۔ البتہ یہ واضح ہو گیا کہ بجٹ تقریر میں کیا گیا FED اضافہ صرف مسافر گاڑیوں پر لاگو ہوگا، کمرشل گاڑیوں پر نہیں۔ یہی وجہ ہے کہ سوزوکی کی جانب سے کمرشل گاڑیوں کی قیمتیں بڑھانے پر عوام نے حیرت کا اظہار کیا تھا۔ 

پاکستان بھر میں اپنے ڈیلرز کو بھیجے گئے سرکلر میں لکھا ہوا ہے کہ بجٹ پر معاملہ واضح ہونے کے بعد کہ FED کمرشل گاڑیوں پر لاگو نہیں، کمپنی اپنی مصنوعات کی قیمتیں کم کر رہی ہے۔البتہ جیسا کہ اوپر ذکر کیا گیا یہ پہلے ہی بجٹ تقریر میں واضح تھا اور تمام مقامی صنعتی ماہرین بھی زور دے رہے تھے کہ FED مسافر گاڑیوں پر لگایا گیا ہے۔ سرکلر ذیل میں دیکھیں: 

آپ ان تباہ کن معاشی حالات میں پاکستان میں آٹوموبائل انڈسٹری کامستقبل کیا دیکھتے ہیں؟ اپنے رائے سے تبصروں میں آگاہ کیجیے اور آٹوموبائل انڈسٹری کی تازہ ترین خبروں کے لیے پاک ویلز پر آتے رہیے۔


Google App Store App Store

My name is M. Ali Laghari and I love to read and write about Cars.

Top