پاکستان مقامی طور پر تیار کردہ کرینیں برآمد کرنے لگا


پاکستان اب تک بڑے پیمانے پر مقامی گاڑی بنانے میں تو کامیاب نہیں ہوا لیکن تعمیرات اور دیگر شعبوں میں عام استعمال ہونے والی گاڑیاں جیسا کہ بسیں اور ٹرک بنانے میں کافی آگے ہے۔ 

ایسا ہی ایک ادارہ جاوید انڈسٹریل کمپنی (JIC) ہے۔ کمپنی ڈیزل ٹرکوں، ٹریکٹروں اور دیگر گاڑیوں پر نصب ہونے والی کرینیں بناتا ہے کہ جنہیں ہینو ٹرکوں پر بھی لگایا جا سکتا ہے۔ JIC ایسے ٹرک اور کرینیں مختلف اداروں کو فروخت کرتا ہے، جن میں کنسٹرکشن یعنی تعمیرات اور دیگر کاروباروں سے منسلک ادارے شامل ہیں۔ 

کمپنی نے حال ہی میں بنگلہ دیش میں ایک ادارے کو ایسی گاڑیاں فروخت کرنے کا کامیاب معاہدہ کیا ہے۔ ان کی مصنوعات کے بہترین معیار کو مدنظر رکھیں تو یہ حیران کن نہیں ہے۔ تعمیرات، ویسٹ مینجمنٹ  بلکہ بجلی کی فراہمی سے وابستہ بڑے اداروں کے لیے بنیادی طور پر معیار ہی سب سے بڑی کشش رکھتا ہے۔ 

یہ دیکھنا بہت خوشی کا باعث ہے کہ ایسے پیچیدہ آلات ملک میں بنائے جا رہے ہیں۔ پھر اس طرح کی برآمدات ملک کی معیشت  کو آگے لے جانے اور اسے بحال کرنے میں بہت کام آ سکتی ہیں۔


Google App Store App Store

Top