عنقریب پیش کی جانے والی سوزوکی ویتارا کی خفیہ تصاویر پاک ویلز کو حاصل

Suzuki Vitara 2

پاکستان میں سوزوکی گاڑیاں فروخت کرنے والا ادارہ پاک سوزوکی عنقریب نئی سوزوکی ویتارا تعارف کروانے جارہا ہے۔ پاک ویلز کو حاصل ہونے والی مصدقہ معلومات اور خفیہ تصاویر سے بھی اس خیال کو مزید تقویب حاصل ہوئی ہے۔ باخبر ذرائع کے مطابق نئی سوزوکی ویتارا کی پہلی کھیپ کراچی میں محمد بن قاسم بندرگاہ پہنچ چکی ہے۔

پاکستان میں جلد پیش کی جانے والی سوزوکی ویتارا کا نام پہلی مرتبہ 1988 میں سامنے آیا تھا۔ اس وقت عالمی سطح پر سوزوکی ویتارا کی چوتھی جنریشن پیش کی جارہی ہے۔ باخبر ذرائع کے مطابق پاک سوزوکی آئندہ ماہ یعنی دسمبر 2016 میں نئی SUV کو باضابطہ طور پر متعارف کروائے گا۔ اب دیکھنا یہ ہے کہ پاک سوزوکی ویتارا کو کن خصوصیات اور کس قیمت پر متعارف کرواتا ہے۔

یاد رہے کہ پاکستان میں جاپان سے استعمال شدہ سوزوکی ویتارا بھی درآمد کی جاچکی ہیں۔ پاک ویلز پر موجود برائے فروخت استعمال شدہ گاڑیوں کے زمرے میں دستیاب سوزوکی ویتارا کی قیمت زیادہ سے زیادہ 25 لاکھ روپے ہے۔

مزید پڑھیں: سوزوکی ویتارا کا تاریخی جائزہ

پاک سوزوکی ایک ایسے وقت میں نئی SUV متعارف کروانے جا رہا ہے کہ جب پاکستان میں متعدد غیر ملکی ادارے نت نئی گاڑیوں کے ساتھ قدم رکھنے کی تیاریاں کر رہے ہیں۔ ان میں آوڈی اور بی ایم ڈبلیو جیسے معروف کار ساز ادارے بھی شامل ہیں جنہوں نے اپنی کم قیمت گاڑیاں پاکستان میں پیش کرنے کا اعلان کر رکھا ہے۔ ان اداروں کی آمد دراصل نئی آٹو پالیسی 2016-20201 کا ایک ثمر ہے جس میں نئے سرمایہ کاروں کو متعدد مراعات فراہم کی گئی ہیں۔

نئی سوزوکی ویتارا کی پاکستان میں کامیابی کا بہت زیادہ دارومدار اس کی قیمت پر ہوگا۔ اس سے قبل پاک سوزوکی نے نئی اور جدید خصوصیات کی حامل سوزوکی کزاشی بھی متعارف کروائی تھی تاہم پاکستان میں اسے ناکامی کا منہ دیکھنا پڑا جس کی بڑی وجہ اضافی قیمت کو قرار دیا جاتا ہے۔ کچھ ایسا ہی معاملہ ٹویوٹا انڈس موٹرز کی متعارف کردہ ٹویوٹا پرایوس کے ساتھ بھی پیش آیا۔

مزید پڑھیں: ٹویوٹا انڈس موٹرز پاکستان میں ایک بھی پرایوس فروخت نہ کرسکا

Top