پشاور آٹو شو 2015: پاک ویلز کامیاب انعقاد کے لیے پُر عزم

featured-image-2

اسلام آباد، لاہور، ملتان اور کراچی میں شاندار آٹو شوز منعقد کرنے کے بعد پاک ویلز پہلی بار خیبرپختونخوا کے سب سے بڑے شہر میں گاڑیوں کا میلہ لگانے جا رہا ہے۔ پشاور اور گردو نواح میں موجود گاڑیوں کا شوق رکھنے والے افراد کے لیے بہترین موقع ہے کہ وہ پاک ویلز پشاور آٹو شو 2015 میں شرکت کر یں اور اپنے ہم مشغلہ لوگوں ملاقات کریں۔ پاک ویلز کی طرف سے آٹو شو منعقد کرنے کے بہت سے مقاصد ہیں جن میں سے ایک تمام عمر کے مقامی افراد کو دوست اور احباب کے ساتھ بھرپور تفریحی مواقع فراہم کرنا بھی شامل ہے۔

پاک ویلز پشاور آٹو شو 2015 کو ہر ممکن طریقے سے کامیاب بنانے کے لیے کوششوں میں مصروف ہیں۔ ہمیں امید ہے کہ اسلامیہ کالج، پشاور کے کرکٹ گراؤنڈ میں لوگوں کی بڑی تعداد کے ساتھ نادر و نایاب گاڑیوں سے جدید برانڈز تک سب ہی شامل ہوں گی۔ یوں یہ پاکستان کے سب سے بڑے آٹو شوز میں سے ایک بن جائے گا۔ ہمیں امید ہے کہ تمام قارئین سے 8 نومبر کو پاک ویلز پشاور آٹو شو 2015 میں ضرور ملاقات ہوگی۔

8 نومبر کو ہونے والے اس آٹو شو کے منفرد سلسلوں میں موسیقی کا پروگرام بھی شامل ہے۔ اس کے علاوہ گاڑیوں کی مختلف مصنوعات بھی برائے فروخت دستیاب ہوں گی۔ بچوں کے لیے بھی ایک حصہ مختص ہے جہاں دلچسپ تصاویر کے لیے فوٹو بوتھ نصب کیا گیا ہے۔ اس کے علاوہ خاندان کے تمام افراد کے لیے کھانے پینے کے لیے مختلف لوازمات بھی دستیاب ہوں گے۔

پشاور آٹو شو میں شرکت کرنے والوں کے لیے قرعہ اندازی کے ذریعے انعامات بھی تقسیم کیے جائیں گے جن میں آئی پوڈز، اسمارٹ فونز سمیت مختلف تحائف شامل ہیں۔ پروگرام میں اپنی گاڑیوں سمیت شرکت کرنے والے افراد کے درمیان بھی مختلف مقابلے کروائے جائیں گے جن میں شعبے کے ماہرین “بہترین درآمد “، “موسیقی کے بہترین نظام” اور “بہترین اصلاحات” کی حامل گاڑیاں منتخب کریں گے۔

پاک ویلز کے زیر انتظام لاہور اور اسلام آباد میں ہونے والے آٹو شوز کی جھلکیاں ملاحظہ کریں:

Watch the video of highly successful 2015 Islamabad Auto Show below:

Top