PAPS 2019 کی جھلکیاں: نئی گاڑیاں، دلچسپ اسٹالز اور بڑے پیمانے پر عوام کی شرکت


PAAPAM کے تین روزہ پاکستان آٹو پارٹس شو (PAPS) 2019ء نے کراچی کے ایکسپو سینٹر میں عوام کو اپنا گرویدہ بنا لیا کہ جو ہزاروں کی تعداد میں آٹوموٹِو انڈسٹری کے لیے پاکستان کے سب سے بڑے ایونٹس میں سے ایک میں شریک ہوئے تھے۔ نئی گاڑیوں کے علاوہ کہ جو آٹو شو میں ڈسپلے پر لگائی گئی تھیں، ہم نے مختلف اسٹالز بھی دیکھے کہ جہاں صارفین کی بڑی تعداد موجود تھی۔

PAPS 2019 ایونٹ نے آٹو انڈسٹری میں مقابلےکو مزید سخت بنانے کے لیے ملک میں آنے والے نئے اداروں کو اپنی طاقت کے اظہار کا پلیٹ فارم فراہم کیا۔ 244 نمائش کنندگان کے اسٹالز ایونٹ میں موجود تھے کہ جس میں 89 مقامی اور 109 بین الاقوامی کمپنیاں شامل تھیں۔ تین جامعات نے بھی ایونٹ میں حصہ لیا جبکہ پاکستان ریلویز، پاکستان انٹرنیشنل ایئرلائنز (PIA) اور پاکستان آرمی کے پروکیورمنٹ ڈپارٹمنٹس بھی مقامی طور پر تیار کی جانے والی مصنوعات کا معیارجانچنے کے لیے مدعو کیے گئے تھے۔

تھائی لینڈ، چین، جاپان، ملائیشیا، کوریا اور نیدرلینڈز سے تعلق رکھنے والے نمائش کنندگان تقریب میں شریک رہے۔

3 روزہ PAPS 2019 کی چند جھلکیاں یہ ہیں:

آلٹو 660cc آ گئی ہے:

پاک سوزوکی نے ملک میں بننے والی 660cc انجن کی حامل پہلی گاڑی کی رونمائی کی۔ کمپنی نے اسے “2019ء کی سب سے بڑی پیشکش” قرار دیا۔

پاک سوزوکی نے آٹو شو میں آلٹو 660cc کے تین ویریئنٹس کی رونمائی کی۔ ان ویریئنٹس میں شامل ہیں:

سوزوکی آلٹو VX (بغیر AC کے)

سوزوکی آلٹوVXR (AC کے ساتھ)

سوزوکی آلٹو VXL AGS (AC اورآٹومیٹک ٹرانسمیشن کے ساتھ)

سوزوکی آلٹو 2019ء کی چند خصوصی تصاویر دیکھیں:

اس دوران ہم نے پاک سوزوکی کی ویگن آر اور کلٹس بھی ایونٹ میں دیکھی۔

وڈیو:


ہونڈا سینسنگ:

PAPS 2019 کے دوران ہونڈا اٹلس نے ہونڈا سینسنگ متعارف کروائی – ایک ایسا فیچر جو آپ کو ورچوئل طور پر ڈرائیونگ سیکھنے میں مدد دیتا ہے۔ اس کے علاوہ حال ہی میں لانچ کیا گیا سوِک X فیس لفٹ اور فیس لفٹ RS ٹربو بھی نمائش کے لیے پیش کیا گیا تھا۔

ہونڈا سوِک فیس لفٹ تفصیلات اور قیمت: http://ow.ly/lbUV30opaBu

ہونڈا سینسنگ ورچوئل بوتھ بنیادی کار کنٹرولز کو VR ٹیکنالوجی کے ساتھ ملاتا ہے۔ VR ہیڈسیٹ پہن کر لوگوں کو ایک CR-V کیبن کے اندر لے جایا گیا۔ جس کے بعد وہ کسی اصلی گاڑی میں بیٹھے بغیر ہونڈا سینسنگ کے 6 بنیادی فیچرز کا مکمل تجربہ اٹھا سکتے ہیں۔

ہونڈا سینسنگ کی 3D دنیا میں یہ خصوصیات ہیں:

فارورڈ کولیژن وارننگ

روڈ ڈپارچر مٹی گیشن

لین کیپ اسسٹ سسٹم

لو-اسپیڈ فالو

ایڈاپٹِو کروز کنٹرول

کولیژن مٹی گیشن بریکنگ سسٹم

کِیا کچھ نیا لاتا ہوا

کوریائی آٹومیکر کِیا PAPS 2019 میں متعدد سرپرائز پیکیج لایا۔ اس میں اسٹنگر، پکانٹو، اسپورٹیج، کارنیوَل اور نیرو شامل رہیں۔ ہم اپنے قارئین کے لیے ان گاڑیوں کا مختصر جائزہ لے چکے ہیں۔ یہ اعلان کیا گیا کہ کیا اسپورٹیج اور کیا پکانٹو بالترتیب اگست اور اکتوبر سے دستیاب ہوں گی۔

کِیا اسٹنگر کوریائی آٹو مینوفیکچرر کی ایک ہائی پرفارمنس اسپورٹس سیلون ہے اور BMW 3 اور آؤڈی S4 کا براہ راست مقابلہ کرتی ہے۔ بہترین کنفیگوریشن کے ساتھ یہ 3.3L ٹوئن ٹربو GDI انجن رکھتی ہے اور تقریباً 365hp پیدا کرسکتی ہے۔ البتہ پرفارمنس پیکیج ممکنہ طور پر یہاں پاکستان کے لیے نہیں ہوگا اور شاید ہمیں درمیانی طاقت کی 255hp رکھنے والی 2.0L ٹربو GDI کی حامل گاڑی موجود ہو۔

PAPS 2019 میں کِیا اسٹنگر کی چند خصوصی تصاویر یہ ہیں:

کیا کی فلیگ شپ اسپورٹس سیلون اسٹنگر کی کچھ جھلکیاں یہ ہیں:

جدید اسمارٹ کروز کنٹرول

لین چینج اسسٹ

ڈرائیور اٹینشن وارننگ (DAW)

الیکٹرانک پارکنگ بریک (EPB)

فارورڈ کولیژن اوائیڈنس (FCA)

فارورڈ کولیژن وارننگ سسٹم (FCWS)

ہائی بیم اسسٹ (HBA)

لین ڈپارچر وارننگ (LDW)

لین کیپ اسسٹ سسٹم (LKAS)

ریئر کراس ٹریفک کولیژن وارننگ (RCCW)

رین-سینسنگ وائپرز

کارکردگی کے لحاظ سے 2.0L انجن اس گاڑی کو 6 سیکنڈوں میں 0 سے 100 کلومیٹر فی گھنٹے کی رفتار تک پہنچا سکتا ہے اور اس کے بعد 260 کلومیٹر فی گھنٹے کی ٹاپ اسپیڈ تک لے جا سکتا ہے۔ تو بلاشبہ کارکردگی یہاں ایک پلس پوائنٹ ہوگا اور کِیا کی جانب سے گاڑی میں کی گئی ٹوئیکس کے تو کیا کہنے کہ جو اسے ٹرن  اور ہینڈل کرنے کے لیے فیملی کار سے زیادہ اسپورٹس کار بناتے ہیں۔

کِیا پکانٹو، جسے 2004ء سے ‘سٹی کار’ قرار دیا جاتا ہے، بھی ایونٹ میں موجود تھی۔

PAPS 2019 میں موجود کِیا پکانٹو کی چند خصوصی تصاویر یہ ہیں:

کِیا کی پکانٹو 1000cc کی 5-دروازے رکھنے والی ہیچ بیک ہے۔ مقامی مارکیٹ میں اس کا مقابلہ سوزوکی کلٹس اور ویگن آر سے ہوگا۔ پکانٹو اِنکلائن 3-سلینڈرز 1.0 MPI انجن سے لیس ہے، جو 998cc کی گنجائش رکھتا ہے اور 9.6/3,500 کا زیادہ سے زیادہ ٹارک اور 69/6,200 کی زیادہ سے زیادہ طاقت پیدا کرتا ہے۔

کِیا اسپورٹیج ایک کومپیکٹ SUV (اسپورٹس یوٹیلٹی وہیکل) ہے جسے پہلی بار 1993ء میں لانچ کیا گیا تھا۔ یہ ایک مزدا پک اپ ٹرک کے پلیٹ فارم پر مبنی تھی۔ دوسری جنریشن کی اسپورٹیج 2005ء میں لانچ کی گئی جبکہ تیسری جنریشن کی پیداوار 2010ء سے 2015ء کے دوران جاری رہی۔ آپ نے جو حالیہ تصاویر دیکھی ہوں گی وہ کِیا اسپورٹیج کی چوتھی اور جدید ترین جنریشن ہے جو 2015ء کے اختتام پر لانچ کی گئی تھی اور اب بھی اس کی پروڈکشن جاری ہے۔ کوریائی آٹومیکر کِیا مقامی آٹومیکر انڈسٹری میں گاڑیاں پیش کرنے کے لیے یونس برادر کے ساتھ کام کر رہا ہے۔

کِیا کارنیوَل: جنوبی کوریائی آٹوموٹِو مینوفیکچرر کِیا نے اپنے مقامی پارٹنر یونس برادرز گروپ کے ساتھ کِیا لکی موٹرز کے برانڈ نام کے تحت پاکستان میں گرینڈ کارنیوَل لانچ کی۔ کِیا گرینڈ کارنیوَل کہ جس کا بہت زور و شور تھا – ایک کئی نشستیں رکھنے والی لگژری گاڑی ہے جو یکم جون 2019ء کو لانچ کی گئی تھی۔

پہلی جنریشن کی یہ گاڑی 1998ء میں متعارف کروائی گئی تھی اور تیسری جنریشن 2015ء میں۔ پاکستان میں پیش کی جانے والی گرینڈ کارنیوَل تیسری جنریشن کا فیس لفٹ ہے، جو کمپنی نے 2018ء کے آغاز میں دنیا بھر میں لانچ کی تھی۔ بین الاقوامی سطح پر یہ پٹرول اور ڈیزل دونوں ویریئنٹس میں متعارف کروائی گئی تھی؛ البتہ پاکستان میں کمپنی نے پہلےپٹرول ویریئنٹ پیش کیا ہے۔

PAPS 2019 میں کِیا نیرو کو بھی دیکھا گیا۔ نیرو ایک ہائبرڈ سب کومپیکٹ کراس اوور ہے جو کِیا موٹرز 2016ء سے تیار کر رہا ہے۔ 2017ء کے اختتام پر برطانیہ میں اور 2018ء کے آغاز پر امریکا میں ایک پلگ-اِن ورژن جاری کیا گیا تھا۔

نیرو ہائبرڈ کراس اوور 1.6 GDI انجن سے لیس ہے جو الیکٹرک موٹر کے ساتھ 1.56 kWh بیٹری سے لیس ہے۔ کراس اوور لیول-2 اسسٹنس فیچرز کے ساتھ ایک ڈوئل-کلچ ٹرانسمیشن رکھتی ہے۔ کِیا نے جنیوا موٹر شو 2019ء میں نیرو کا ایک پلگ-اِن ہائبرڈ ورژن بھی متعارف کروا چکا ہے۔ کِیا کی پلگ-اِن ہائبرڈ کراس اوور ہائبرڈ ورژن جیسی ہی خصوصیات رکھتی ہے سوائے اس کے کہ اس میں ہیوی ڈیوٹی 8.9 kWh کی بیٹری ہے۔ یہ زیادہ سے زیادہ 65 کلومیٹر کی الیکٹرک رینج کی حامل ہے۔

مقامی طور پر اسمبل شدہ چنگن کاریں

چنگن نے بھی پاکستانی مارکیٹ کے لیے پیش کردہ اپنی مصنوعات نمائش کے لیے پیش کیں۔ ہم نے PAPS 2019 میں چنگن کی پیش کردہ مختلف گاڑیوں کو دیکھا – بشمول A 800 اور CX70T کے۔

ماسٹر موٹرز لمیٹڈ (MML) نے PAPS 2019 کے دوران اپنی تین گاڑیوں کا اعلان کیا – چنگن M-8، چنگن M-9 اور چنگن کاروان – جو مقامی طور پر اسمبل کی جائیں گی اور پھر پیش ہوں گی۔

MML کے CEO دانیال ملک نے کہا کہ کراچی میں ان کا مینوفیکچرنگ پلانٹ 30,000 گاڑیوں کی سالانہ پیداوار رکھتا ہے۔ انہوں نے کہا کہ چنگن ماڈلز تین سال یا 60,000 کلومیٹر کی اسٹینڈرڈ وارنٹی کے ساتھ آئیں گے۔

کمپنی نے اپنی گاڑیوں میں نئے فیچرز متعارف کروانے کا وعدہ کیا، جن میں اینٹی-لاک بریکنگ سسٹم (ABS)، الیکٹرانک اسٹیبلٹی کنٹرول اور ڈرائیور اینڈ پیسنجر ایئر بیگز شامل ہیں۔

ماسٹر موٹرز لمیٹڈ (MML) ماسٹر موٹرز کارپوریشن لمیٹڈ (MMCL) اور چنگن انٹرنیشنل کارپوریشن کے درمیان ایک جوائنٹ وینچر ہے۔ وہ 70/30 ایکوئٹی پارٹنرشپ رکھتے ہیں۔

پاک ویلز چنگن کاروں کا جائزہ لیتے ہوئے:

چنگن A 800 ایک ماحول دوست اَربن MPV ہے۔ یہ 1.5L ٹربو چارجڈ DVVTانجن رکھتی ہے، جو 5500 rpm پر زیادہ سے زیادہ 115kw پیدا کرتا ہے۔ اس کا سادہ لیکن تفصیلی سامنے والا حصہ اس کے MPV نظارے کو نمایاں کرتا ہے۔ دیگر خصوصیات اور فیچرز میں 16 انچ ویلز، 7 انچ LCD انسٹرومینٹل پینل، پینورامک سن روف، سیٹ ہیٹر، اسٹیبلٹی کنٹرول، پارکنگ سینسرز، بلائنڈ اسپاٹ مانیٹر، ایکو آئیڈل، کروز کنٹرول، اسٹیئرنگ کنٹرول وغیرہ شامل ہیں۔ یہ MPV اب تک لانچ نہیں کی گئی ہے، لیکن جلد ہی کردی جائے گی۔ یہ 6 ایئر بیگز کے ساتھ آتی ہے۔

چنگن CX70T ایک 7 نشستوں کی SUV ہے۔ یہ SUV انٹرنیشنل انجینئرنگ اینڈ مشینری ایشیا ایکسپو 2018ء میں نمائش کے لیے پیش کی گئی تھی کہ جو ایکسپو سینٹر لاہور میں ہوئی تھی۔CX70T، 1.5L کے ایک “بلوکور” ٹربوچارجڈ اور ڈائریکٹ-انجیکٹڈ اِنلائن-4 انجن سے لیس ہے جو 147 HP اور 230 Nm ٹارک پیدا کرتا ہے۔ یہ 6-اسپیڈ آٹومیٹک ٹرانسمیشن رکھتی ہے۔ یہ 6-لیدر سیٹس، سن روف، کروز کنٹرول، وہیکل اسٹیبلٹی کنٹرول اور بلائنڈ اسپاٹ مانیٹر وغیرہ رکھتی ہے۔ یہ ایک ڈیش کیم پیش کرتی ہے کہ جو انوکھا سیفٹی فیچر ہے۔ یہ SUV فی الحال لانچ نہیں کی جا رہی، لیکن جلد کردی جائے گی۔

چنگن کاروان ایک 7 نشستوں کی مسافر گاڑی ہے۔ یہ کروم ایکسٹیریئر، پروجیکٹر ہیڈلیمپس وغیرہ کے ساتھ آتی ہے۔ کاروان ڈوئل AC کے ساتھ آتی ہے۔ اس کی ایکس-فیکٹری قیمت 10,80,000 ہے۔ اسے 2,00,000 روپے سے بک کروایا جا سکتا ہے۔

PAPS 2019 میں پاک ویلز

پاک ویلز نے گاڑیوں کی خرید، فروخت اور دیکھ بھال کے حوالے سے عوام کو رہنمائی دینے کے لیے خصوصی اسٹال ترتیب دے رکھا تھا۔ ہمارے ماہرین کی ٹیم نے گاڑیوں کے حوالے سے تمام سوالات کے جواب دیے۔ مختصر یہ کہ پاک ویلز اپنے نعرے “If it’s on wheels, we’ve got it covered” کی عملی صورت بنا رہا۔

ان کوششوں کو سراہتے ہوئے PAPS 2019 کے منتظمین نے ایک ایوارڈ کے ذریعے ہماری “غیر معمولی سپورٹ” کو تسلیم کیا۔

پاکستان کی آٹوموٹِو انڈسٹری کی زیادہ بڑی اور بہتر خبروں کے لیے پاک ویلز کے ساتھ رہیے۔


Google App Store App Store

Top