اکتوبر 2018ء کے لیے پیٹرول کی قیمتوں میں کوئی تبدیلی نہیں کی گئی


وزیر اعظم پاکستان عمران خان کے حکم پر ملک میں اکتوبر 2018ء کے لیے پیٹرولیئم مصنوعات کی قیمتوں میں کوئی تبدیلی نہیں کی گئی۔

ذرائع ابلاغ سے گفتگو کرتے ہوئے وزیر خزانہ اسد عمر نے کہا کہ حکومت نے یہ فیصلہ پاکستان کے عوام کو ریلیف دینے کے لیے کیا ہے۔ قبل ازیں آئل اینڈ گیس ریگولیٹری اتھارٹی نے پیٹرولیئم مصنوعات کی قیمتوں میں 4.41 روپے تک کے اضافے کی تجویز دی تھی۔

یہی نہیں کہ اتھارٹی نے اضافہ تجویز کیا تھا بلکہ وزير خزانہ نے بھی اپنی منی بجٹ 2018-2019ء تقریر میں اشارہ دیا تھا کہ ڈالر کے مقابلے میں روپے کی گرتی ہوئی قدر کی وجہ سے پیٹرول اور تیل کی دیگر مصنوعات کی قیمتوں میں 20 روپے تک ک اضافہ ہو سکتا ہے، لیکن اب تصدیق ہو چکی ہے کہ اکتوبر میں قیمتیں یکساں رہیں گی۔

موجودہ قیمتیں کچھ یوں ہیں:

موجودہ قیمتیں

پیٹرول 92.83 روپے
ہائی-اسپیڈ ڈیزل 106.57 روپے
مٹی کا تیل 83.50 روپے
لائٹ-اسپیڈ ڈیزل 75.96 روپے

اب تک ڈیزل پر جنرل سیلز ٹیکس 17.5 فیصد اور پیٹرول پر 4.50 فیصد ہے۔ مزید برآں، یہ بات قابل ذکر ہے کہ  تیل کی مصنوعات کی درآمد میں اگست 2018ء میں 38 فیصد کمی آئی جو 1.46 ملین ٹن سے گھٹ کر 912,370 ٹن تک جا پہنچی۔ مزید برآں، اگست 2018ء میں ملک میں تیل کی فروخت میں بھی سال بہ سال میں 1.5 ملین ٹن کی کمی آئی۔

اس تازہ ترین پیشرفت کے بارے میں آپ کیا سمجھتے ہیں، ہمیں تبصروں میں بتائیے۔


My name is M. Ali Laghari and I love to read and write about Cars.

Notable Replies

  1. اگر میں تبصرہ شروع کر دوں تو بڑا گرما گرمی کا ماحول پیدا ہو جائے گا، اِس لیے میرا خاموش رہنا ہی بہتر ہے!

    بہرحال، بڑے پھڑکتے ہوئے دعوے ہوئے تھے الیکشن سے پہلے جنہوں نے اچھے بھلے بڑھے لکھے لوگوں کو دیوانہ بنا دیا مگر ملک تو ابھی تک جوں کا توں کھڑا ہے, بلکہ غالباً تھوڑا پیچھے ہی آ گیا ہے۔

    ابھی تک تو بَلا ، بلے بلے کرنے میں ہی مست ہے۔ دیکھتے ہیں کیا تبدیلی آتی ہے اور یہ تبدیلی کیا گُل کھلا کر جاتی ہے۔

    :smile_cat:

  2. shab53 says:

    Tabdeeli will come after by-elections. Then you will feel the change. :joy:

  3. dakoon says:

    Gul aisae hi khilae gi kae mehangai zabardasti awam kae hulq main sae guzari jae gi

Post a Comment

Participants

Top