پی آئی اے کا یوم آزادی سے نئی پریمیئر سروس شروع کرنے کا اعلان

pia

طویل عرصے سے مختلف تنازعات کا شکار رہنے والی سب سے بڑی قومی ایئر لائن پاکستان انٹرنیشنل ایئر لائنز (پی آئی اے) ایک بار پھر بہتری کی جانب گامزن ہونے کی کوششوں میں مصروف ہے۔ 1946 میں اوریئنٹ ایئرویز کے نام سے قائم ہونے والے ادارے کو قیام پاکستان کے بعد قومی ایئرلائن کا درجہ حاصل ہوا تھا۔

بیسویں صدی میں پی آئی اے نے متعدد کامیابی سمیٹیں جن میں دنیا کی بہترین ایئرلائن کا اعزاز حاصل کرنا بھی شامل ہے۔ لیکن اکیسویں صدی کی شروعات پی آئی اے کی بدقسمتی کا پروانہ لے کر آئی اور مختلف وجوہات کے باعث یہ ادارہ مسلسل گراوٹ کا شکار رہا۔ غیر معیاری سروس، پروازوں میں تاخیر اور مالی اعتبار سے شدید خسارے میں جانے کے بعد حکومت مجبور ہوگئی کہ پی آئی اے کی نجکاری سے متعلق سوچا جائے۔ تمام تر مشکلات کے باوجود آج بھی پی آئی اے کو پاکستان کی سب سے بڑی ایئر لائن کا اعزاز حاصل ہے۔ یاد رہے کہ پاکستان میں اس وقت چالیس سے زائد ایئرلائنز کام کر رہی ہیں جن میں کئی ایک بین الاقوامی اداروں کے تحت چلنے والی ایئرلائنز بھی شامل ہیں۔

CoOjdO_XEAANYBh

پی آئی اے کی جانب سے ایک بار پھر اپنے پاؤں پر کھڑے ہونے کی کوشش کی جارہی ہے۔ اس ضمن میں پی آئی اے نے سری لنکن ایئرلائنز سے 4 ایئربس A330 حاصل کرنے کا فیصلہ کیا ہے۔ چونکہ اس معاہدے کے تحت صرف جہاز ہی پی آئی اے کو فراہم کیے جائیں لہٰذا ضروری امور انجام دینے کے لیے سری لنکا کے ماہر اساتذہ پاکستان سے تعلق رکھنے والوں افراد کو تربیت دیں گے۔

یہ بھی پڑھیں: ایک مریض کی زندگی بچانے کے لیے F-16 جنگی جہاز کا استعمال

CoOjdO8WcAA2hbQ

اس بات کا اعلان وزیر اعظم نواز شریف کی صاحبزادی مریم نواز نے ایک ٹویٹ کے ذریعے کیا ہے۔ انہوں نے اپنی ٹویٹ میں نئے جہازوں کی تصاویر بھی شامل کی ہیں۔ تازہ ترین پیغامات سے ظاہر ہوتا ہے کہ حکومت پی آئی اے کے بہتر مستقبل کے لیے خاصی پُرامید ہے۔ دلچسپ بات یہ ہے کہ سری لنکا سے حاصل کیے جانے والے جہاز صرف دو ماہ پہلے ہی تیار کیے گئے ہیں اور ان میں دور جدید کی ہر ممکن سہولت شامل ہے۔

اس حوالے سے پی آئی اے کے نمائندے دانیال گیلانی نے بتایا ہے کہ پاکستان انٹرنیشنل ایئرلائن کی جانب سے 70ویں یوم آزادی کے موقع پر ایک نئی سروس کا آغاز کیا جارہا ہے۔ انہوں نے کہا کہ نئے جہازوں اور معیاری سروس کے ساتھ ہم اپنے مسافروں کو بہترین سفری تجربہ فراہم کریں گے۔ انہوں نے مزید کہا کہ تازہ پیش رفت سے پی آئی اے کو قومی اور بین الاقوامی سطح پر کھویا ہوا مقام حاصل کرنے میں مدد ملے گی۔

یہ بھی پڑھیں: پاکستانی طالب علموں نے شمسی توانائی سے چلنے والی برقی گاڑی تیار کرلی!

a330-f-wwka

Adan Ali

Adan is a Tribe Leader at Drive Tribe, who writes to share his passion for cars, culture and gadgetry through words. So far his writings and contributions have been able to make their way to media outlets like PakWheels and Dawn. Reach out to him by tweeting @adanali12

Top