پولیس نے اسٹریٹ کرائم روکنے کے لیے موٹر سائیکل اسکواڈ بنا لیا

bikes

اسٹریٹ کرائمز کو روکنے کے لیے ضلع کورنگی کی سٹی پولیس نے ایک خصوصی موٹر سائیکل اسکواڈ تشکیل دے دیا ہے جسے اینٹی-اسٹریٹ کرائم فورس کا نام دیا گیا ہے۔

کورنگی کے باسیوں کے لیے اسٹریٹ کرائمز وبال جان بن چکے ہیں اور موبائل چھیننے اور دیگر ڈکیتیوں کی کئی شکایتوں کے بعد پولیس نے بالآخر علاقے سے ایسے عناصر کا خاتمے کا چیلنج قبول کرلیا ہے۔ ایس ایس پی کے مطابق نیا اسکواڈ آرمی کے تربیت 100 اہلکاروں پر مشتمل ہے، جن کے پاس 50 موٹر سائیکلیں ہیں۔

یہ اسکواڈ فیکٹری مالکان اور دیگر افراد کے ساتھ رابطے میں رہے گا تاکہ اسٹریٹ کرائم کی صورت میں فی الفور قدم اٹھایا جائے۔

ایس ایس پی کورنگی نے ایکسپریس ٹریبیون سے بات کرتے ہوئے کہا کہ ضلع میں اسکواڈ کے آغاز کے بعد اسٹریٹ کرائم یقیناً کم ہوں گے۔ ضلع کورنگی مختلف حصوں میں تقسیم ہے اور ہر حصے کا احاطہ دو موٹر سائیکلیں اور چار متعلقہ کانسٹیبل کریں گے، ایس ایس پی نے مزید بتایا۔

کورنگی پولیس کے اسٹریٹ کرائم کے خلاف ان اقدامات کے علاوہ اٹک پولیس نے حال ہی میں ایک موٹر سائیکلیں چوری کرنے والے گروہ کو پکڑا تھا جو خیبر پختونخوا اور پنجاب میں کام کرتا تھا۔

زیادہ عرصہ نہیں ہوا اینٹی کار لفٹنگ سیل کراچی (ACLC) نے بھی دو پیشہ ور موٹر سائیکل چوروں کو گرفتار کیا تھا۔ یہ ملزمان 25 سال کے عرصے میں شہر سے 2000 سے زیادہ موٹر سائیکلیں چوری کر چکے تھے۔ مجرموں نے یہ بھی دعویٰ کیا کہ ہر موٹر سائیکل چوری پر انہیں 5000 روپے ملتے تھے۔

ملک بھر میں دو قانون نافذ کرنے والے ادارے مجرموں کے خلاف کریک ڈاؤن کر رہے ہیں تاکہ عوام کو ریلیف حاصل ہو۔

ہماری طرف سے اتنا ہی، اپنے خیالات نیچے تبصروں میں پیش کیجیے۔


Top