حکومت پنجاب نے لاہور میں میٹرو فیڈر بس سروس کا آغاز کر دیا

untitled-2

وزیراعلی پنجاب شہباز شریف نے میٹرو بس سروس کے لیے اس نئی ایئر کنڈیشنڈ فیڈر بس سروس کا 20 مارچ 2017 کو افتتاح کیا۔ اس نئی فیڈر بس سروس کا مقصد باقی لاہور شہر کو 27 کلومیٹر لمبے میٹرو بس کوریڈور سے ملانا ہے۔ 200 بسوں کے ساتھ یہ سپیڈو بس سروس 129 کلومیٹر لمبا روٹ کور کرے گی اور 14 مختلف روٹس کے زریعے شہریوں کو سفری سہولت مہیا کرے گی۔ مزید یہ کہ اس سروس کو ای ٹکٹنگ سسٹم کے ساتھ متعارف کروایا گیا ہے اور ہر 10 منٹ بعد بس کی آمد اس سروس کو ممتاز بناتی ہے۔

مزید یہ کہ اس میں آٹو میٹک اناونسمنٹ سسٹم، سرویلنس سسٹم، معزور افراد کے لیے ریمپ اور مختص سیٹس، اور مسافروں کی حفاظت کے لیے دروازوں کے سنسر جیسے فیچرز شامل ہیں۔ ان بسوں میں ٹیمپریچر نوٹیفکیشن بھی نصب ہے جسے کنٹرول سنٹر سے دیکھا جا سکتا ہے۔

چونکہ اس فیڈر بس سروس کا مقصد باقی شہر کو میٹرو بس سروس سے ملانا ہے اس لیے اس ٹرانزٹ سروس میں میٹرو بس کارڈ استعمال کرنے کی سہولت بھی موجود ہے۔

1234

کرائے:

اس ٹرانزٹ سروس میں فی سفر کرایہ 15 روپے مختص کیا گیا ہے جس کا انحصار آپ کے طے کیے گئے فاصلہ پر نہیں ہے جبکہ مسافروں کو میٹرو بس سروس میں منتقل کرنے کے 5 روپے اضافی دینا ہوں گے۔ اس بس سروس کے زیادہ سے زیادہ کرایہ کی حد 25 روپے مقرر کی گئی ہے۔ مزید یہ کہ میٹرو بس سے فیڈر بس سروس میں آنے والے مسافروں سے کوئی اضافی کرایہ وصول نہیں کیا جائے گا جبکہ فیڈر بس سے فیڈر بس میں منتقل ہونے والے مسافروں کو 5 روپے اضافی کرایہ دینا ہو گا۔

فیڈر بسیں صبح 6 بجے سے رات 11 بجے تک کام کریں گی۔

65

Top