راولپنڈی: بغیر ہیلمٹ موٹر سائیکل سواروں کے پشاور روڈ میں داخلے پر پابندی لگا دی گئی


عوام کے تحفظ کو یقینی بنانے کے لیے راولپنڈی انتظامیہ نے ہیلمٹ استعمال نہ کرنے والے موٹر سائیکل سواروں کے مشہور مال روڈ/پشاور روڈ میں داخل ہونے پر پابندی عائد کردی ہے۔

تفصیلات کے مطابق اتھارٹی نے حادثات کو اس پابندی کی وجہ قرار دیا ہے۔ گزشتہ دس ماہ میں اس سڑک پر ہیلمٹ نہ پہننے کی وجہ سے 46 مختلف حادثات پیش آئے کہ جن میں 16 افراد کی جانیں گئیں۔ میڈیا سے بات کرتے ہوئے ڈپٹی کمشنر راولپنڈی ڈاکٹر عمر جہانگیر نے کہا کہ شہریوں کی زندگیاں ہمارے لیے بہت قیمتی ہیں اور کئی لوگ ہیلمٹ نہ پہننے کی وجہ سے اپنی جانیں گنوا چکے ہیں۔

انہوں نے مزید کہا کہ ہم سٹی ٹریفک پولیس کے تعاون سے ایک مہم شروع کر رہے ہیں کہ جو ہیلمٹ پہننے پر عوام کی حوصلہ افزائی کرے گی۔ مزید یہ بھی واضح رہے کہ انتظامیہ نے شہر میں اسٹالز بھی لگا دیے ہیں کہ جہاں سے عوام مناسب قیمتوں پر ہیلمٹ خرید سکتے ہیں۔

ذیل میں نوٹیفکیشن ملاحظہ کیجیے:

بغیر ہیلمٹ کے پشاور روڈ پر داخلے سے روکنے کے راولپنڈی انتظامیہ کے فیصلے کے علاوہ اسلام آباد میں بھی ہیوی موٹر سائیکل سواروں کو رات 9 سے صبح 6 بجے تک رہائشی علاقوں میں داخل ہونے سے روک دیا گیاہے۔ یہ قدم اسلام آباد کے باسیوں کی جانب سے بہت زیادہ شکایات موصول ہونے کے بعد اٹھایا کیا ہے۔ اپنی شکایتوں میں شہریوں کا کہنا تھا کہ ہیوی موٹر سائیکلیں شور مچاتی ہیں اور دارالحکومت میں ٹریفک میں رکاوٹ میں اضافہ ہوا ہے۔

لاہور میں سٹی ٹریفک پولیس لاہور ہائی کورٹ کے حکم پر ہیلمٹ نہ پہننے والے افراد کے مال روڈ پر داخلے پر پابندی لگا چکی ہے۔

ہماری طرف سے اتنا ہی، اپنے خیالات نیچے تبصروں میں پیش کیجیے۔


My name is M. Ali Laghari and I love to read and write about Cars.

Top