رینو پاکستان میں جون 2020ء تک گاڑیاں متعارف کروائے گا


جیسا کہ پہلے بتایا گیا تھا کہ فرانسیسی کار میکر رینو (رینالٹ) الفطیم کے تعاون سے پاکستان میں جون 2020ء تک گاڑیاں پیش کرے گا۔

فریقین گزشتہ سال نومبر 2017ء میں ایک معاہدے پر دستخط کر چکے ہیں اور انہوں نے FIEDMC، فیصل آباد میں زمین بھی حاصل کرلی ہے جس پر جلد ہی پلانٹ کی تعمیر کا آغاز ہوگا۔

ای ٹی کے ساتھ ایک انٹرویو میں FIEDMC کے سی او او عامر سلیمی نے کہا کہ مشترکہ منصوبہ تمام حفاظتی انتظامات کی حامل جدید ترین آٹوموٹو ٹیکنالوجی اور ملک میں بڑی غیر ملکی سرمایہ کاری بھی لائے گا۔ 50,000 گاڑیوں کی سالانہ پیداواری صلاحیت کے ساتھ ادارہ ملک میں بگ تھری؛ ٹویوٹا IMC، ہونڈا اور سوزوکی، کی اجارہ داری توڑنے کے لیے تیار ہے۔

مزید برآں، متوقع ہے کہ کمپنی ابتدائی طور پر مقامی مارکیٹ میں اپنی شاندار ڈسٹر متعارف کروا کر SUV شعبے کو حاصل کرے گی۔

الفطیم آٹوموٹو کے صدر لین ہنٹ نےن کہا کہ پاکستان مڈل کلاس کی بڑی آبادی رکھتا ہے اور مارکیٹ زبردست صلاحیت رکھتیت ہے۔ یہ ہمارے لیے ایک تزویراتی مارکیٹ ہے اور ہم رینو کی نمائندگی کرنے پر بہت خوش ہیں۔

تازہ ترین خبروں کے لیے PakWheels.com کے بلاگ پر آتے رہیے۔


Top