اسلام آباد میں ٹریفک حادثات میں 29 فیصد کمی


اسلام آباد ٹریفک پولیس نے کہا ہے کہ ٹریفک حادثات میں 29 فیصد کمی آئی ہے۔ 

اسلام آباد پولیس کے مطابق حادثات میں اس کمی کی وجہ شہر میں ٹریفک قوانین کے حوالے سے عوام میں شعور اجاگر کرنے کے لیے پولیس کی کوششیں ہیں۔ 2018ء میں ہونے والے 157 حادثات کے مطابق میں 2019ء میں محض 111 حادثات ہوئے ہیں۔ 2019ء کے پہلے آٹھ ماہ میں ایسے حادثات میں 76 افراد مارے گئے جبکہ متعدد حادثات میں 67 لوگ زخمی ہوئے۔ 

اسلام آباد پولیس نے پہلے آٹھ مہینوں میں کل 131 حادثات رپورٹ کیے۔ اسلام پولیس کا کہنا ہے کہ IG پولیس نے وفاقی دارالحکومت میں سڑکوں پر حالات بہتر بنانے کے معاملات میں ذاتی دلچسپی لی۔ شہر کے مختلف حصوں میں لگے ہوئے اسپیڈ چیکنگ کیمروں نے حادثات کی تعداد کم کرنے میں مدد دی۔ یہ کیمرے رفتار اور لین کی خلاف ورزی دونوں چیک کرتے ہیں۔ 

اسلام آباد پولیس نے پایا کہ 13 مقامات ایسے ہیں کہ جہاں حادثات کے خدشات زیادہ ہیں۔ ان مقامات میں فیض آباد، کشمیر ہائی وے، قذافی چوک، بلو ایریا، سیونتھ ایونیو اور IJP روڈ بھی شامل ہیں۔ 

اسلام آباد ٹریفک پولیس نے گُڈ سٹیزن پٹرول کے نام سے ایک مہم شروع کی تھی۔ یہ منصوبہ قانون کی پیروی کرنے والی شہریوں کی حوصلہ افزائی کے لیے شروع کیا گیا۔ یہ یونٹ قانون کی پیروی کرنے والے شہریوں کو “گڈ سٹیزن اسٹیکر” دینے کے لیے شہر کے مختلف علاقوں میں متحرک رہا۔ مزید یہ کہ یونٹ ٹریفک قواعد و ضوابط کی مناسب انداز میں پیروی کرنے والے افراد کے لیے کافی مگ اور دیگر تحفے بھی دے رہا ہے۔ 

مزید دلچسپ اور معلوماتی خبروں کے لیے پاک ویلز پر آتے رہیے۔ اپنی رائے نیچے تبصروں میں پیش کیجیے کہ آپ ٹریفک حادثات میں کمی کے لیے اسلام آباد ٹریفک پولیس کی جانب سے اٹھائے جانے والے اقدامات کے بارے میں کیا رائے رکھتے ہیں۔


Google App Store App Store

Top