رولز روئس ڈان: پرتعیش گاڑیوں میں ایک نیا اضافہ

DQ6U8920.0

پرتعیش گاڑیوں یعنی لگژری کارز کا ذکر ہوتو سب سے پہلے رولز روئس کا نام آتا ہے جو 100سال سے بھی زائد عرصے سے بہترین پرتعیش گاڑیاں پیش کر رہا ہے۔ رولز روئس، جسے اب بی ایم ڈبلیو نے خرید لیا ہے، نےاپنی روایت کو برقرار رکھتے ہوئے آج ایک نئی گاڑی متعارف کروائی ہے جسے رولز روئس ڈان کا نام دیا گیا ہے۔ ہمیں یقین ہے کہ اس گاڑی سے متعلق پڑھنے کے بعد آپ بھی یہ ماننے پر مجبور ہوں گے کہ یہ اب تک کی سب سے بہترین رولز روئس ہے۔ رولز روئس کے چیف ایگزیکٹو آفیسر ٹورسٹن مولر-اوٹوز نے بھی اس بارے میں کہا کہ

صرف اتنا کہوں گا کہ یہ گاڑی اب تک بنائی گئی تمام رولز روئس میں سب سے زیادہ پرکشش ہے۔

رولز روئس کی ‘ڈان’ کو دراصل گھوسٹ سیریز II اور رولز روئس ریتھ کا مجموعہ کہا جاسکتا ہے۔ اس گاڑی کے ڈیزائن کا بنیادی خیال سلور ڈان ڈراپ ہیڈ 1952 سے لیا گیا ہے۔ رولز روئس ڈان کے عقب میں موجود مڈگارڈ ، جنہیں ‘ڈان کا نسوانی حسن’ قرار دیا جارہا ہے، کے ساتھ 20 اور 21 انچ کے بالکل نئے پہیے قابل ذکر ہیں۔ گاڑی میں گھوسٹ جیسا 563 براک ہارس پاور (بی ایچ پی) اور 575 پاؤنڈ فیٹ ٹارک موجود ہے جو 6.6 لیٹر وی12 انجن کا حامل ہے۔ اس کے علاوہ ریتھ کی مصنوعی سیارے سے منسلک آٹھ-اسپیڈ خود کار یونٹ کی خصوصیت بھی اس گاڑی میں شامل ہے جو جی پی ایس کی مدد سے دوران سفر سڑکوں کے اونچا نیچا ہونے یا گاڑی موڑنے کے حوالے سے معلومات فراہم کرتا ہے۔

یہ ایک ایسی گاڑی ہے جس کی چھت حسب ضرورت لگائی اور ہٹائی جاسکتی ہے۔ گاڑی کی چھت ہٹانے یا لگانے کا پورا عمل صرف 21 سیکنڈ میں مکمل ہوجاتا ہے۔ گاڑی کی چھت غائب ہو تو یہ ریتھ جیسی رفتار دیتی ہے جو تقریباً 160 کلومیٹر فی گھنٹہ تک جا پہنچتی ہے۔ رولز روئس ڈان کے بارے میں جس چیز کا آپ زیادہ ذکر سنیں گے وہ ہے اس کی گھڑی۔ رولز روئس کا کہنا ہے کہ گاڑی کی چھٹ ہٹانے اور لگانے کا تمام عمل بغیر کوئی آواز کیے مکمل ہوتا ہے اور ادارے کی تاریخ دیکھتے ہوئے اس پر بالکل یقین کیا جاسکتا ہے۔ بھاری بھرکم اور کافی بڑی چھت کے باوجود اندرونی حصہ ریتھ کوپ کی طرح کافی وسیع ہے جو اسے چار سیٹ والی دنیا کی بہترین پرتعیش گاڑی قرار دیتی ہے۔

رولز روئس ہمیشہ گاڑی کے باہری اور اندرونی حصوں کو یکساں اہمیت دیتی ہے اور اس بار ڈان کے لیے بھی یہی حکمت عملی اختیار کی گئی ہے۔ مینڈرین چمڑے کے ساتھ مڈنائٹ سیفائر کا ملاپ اور اس کے ساتھ استعمال ہونے والی لکڑی کو آپ اپنی مرضی کے مطابق تبدیل بھی کروا سکتے ہیں۔ ڈان کے آرڈر پہلے سے ہی لے لیے گئے ہیں جن کا آغاز 4 لاکھ امریکی ڈالر سے ہوا۔

Top