افواہیں گردش میں ہیں،کہ شائد ہنڈا اٹلس’سٹِی‘ کی ایک اور فیس لفٹ متعارف کروائے۔

city-newborn

پچھلا ہفتہ کافی کشمکش میں تھا،کہ جب سے ہنڈا اٹلس نے کسی نئی چیز کی ٹیزِر تصاویر جاری کیں سوشل میڈیا میں پیشین گوئیاں ہونا شروع ہو گئیں۔ہنڈا اٹلس ہمارے لئے ”ایکسلریٹنگ پرفیکشن“سے جڑی کوئی نئی چیز متعارف کروا رہی ہے۔میں نے بھی اپنے پڑھنے والوں کے سوالات کے جوابات دینے کے لئے لگاتار دو مضمون شائع کیئے۔لیکن ہر طرف سے کچھ ملی جلی رائے تھی کہ ہنڈا اٹلس کی جانب سے کیا نیا لایا جا رہا ہے۔ زیادہ تر لوگوں کی نظر میں یہ ہنڈا سِٹی یا ہنڈا سوِک سے متعلق ہی کچھ تھا۔
اگر ہم ٹیِزر کو ذہن میں رکھتے ہوئے سوِک کی بات کریں تو، ہم اس نتیجہ پر پہنچتے ہیں کہ اس وقت انجن میں کھڑکھڑاہٹ کے مسئلہ کی وجہ سے ون پوائنٹ فائیو ٹی کی بکنگ رکی ہوئی ہے،جیسا کہ اس حوالے سے ہنڈااٹلس نے ابھی تک کوئی حتمی بیان جاری نہیں کیا کہ ملک بھر میں تمام ڈیلر شپس سوِک ٹربو کے آرڈر نہیں لے رہیں بلکہ اس آرڈر کو ون پوائنٹ ایٹ ماڈل سے تبدیل کرنے کی تررغیب کی جاتی ہے۔
حالیہ تفصیلات کے مطابق،ہنڈا اٹلس اس مسئلہ کو حل کر رہی ہے،اور افواہیں گردش میں ہیں کہ اٹلس جلد ہی سوِک کی بکنگ دوبارہ شروع کرنے والی ہے۔ مگرجیسا کہ گزشتہ بلاگ میں بھی بات کی گئی تھی کہ،ٹیِزر میں جو شارک نما انٹینا نظر آ رہا ہے وہ انٹر نیشنل ماڈلز کے انٹینا سے میل نہیں کھاتا۔تو اس بات کے بھی چانسز ہیں کہ یہ ٹیِزر سوِک سے متعلق نہیں ہے،اورکیا آپ یہ خیال کرتے ہیں کہ اٹلس ہنڈا کوئی بالکل نئی چیز پاکستانی ڈمیسٹک ماڈل میں لگائے گا۔
اس سے بھی زیادہ پریشان کن آپشن سِٹی کی ہے۔کیونکہ ماہرین کا کہنا ہے کہ یہ ٹیِزرز کب سے انتظار کی جانے والی سکستھ جنریشن ہنڈا سِٹی سے متعلق ہیں،اور کافی زیادہ لوگوں کی یہ رائے بھی ہے کہ یہ ٹیِزر
اپریل 2017میں متعارف کروائی گئی نئی ہنڈا سٹی کی ایک اور نئی فیس لفٹ سے متعلق ہیں۔ٹیِزر میں موجود ایک تصویر میں چھت کے اوپر شارک نما انٹینا دیکھا جاسکتا ہے۔اگر اس انٹینے کے ڈیزائن اور بناوٹ کا بغور جائزہ لیا جائے تو ہم اس نتیجہ پر پہنچتے ہیں کہ یہ انٹینا دنیا بھر کی مارکیٹ میں متعارف کروائی جانے والی ہنڈا سِٹی کی سکستھ جنریشن سے کسی صورت میل نہیں کھاتا۔اس سے ہم یہ سوچنے پر مجبور ہو جاتے ہیں کہ شاید یہ ٹیِزر سکستھ جنریشن ہنڈا سِٹی کا بھی نہیں ہے۔
ان سب سے ہم اس نتیجہ پر پہنچتے ہیں اور یہ اندازہ لگانے کے قابل ہو تے ہیں کہ شایہ یہی سچ ہے کہ ہنڈا اٹلس ہنڈا سٹی کی فیس لِفٹ کے ساتھ ایک اور فیس لِفٹ لا رہی ہے۔ففتھ جنریشن سِٹی کو دنیا بھر میں کبھی بھی اس قسم کے شارک نما انٹینے کے ساتھ نہیں متعارف کروایا گیا۔اس سے ہمارا یقین مزید پختہ ہوتا ہے کہ ہو سکتا ہے ہنڈا اٹلس نے ان ہاؤس کو ئی تبدیلی کی ہو جو کہ ہم ہنڈا سِٹی میں دیکھیں گے۔ہنڈا سِٹی کا شمار سب سے زیادہ فروخت ہونے والی گاڑیوں میں ہوتا ہے اور اسی طرح ”ایکسیلریٹنگ پرفیکشن“کا یہ مطلب ہو سکتا ہے کہ ہنڈا اٹلس اس کی پرفیکشن اور کامیابی کو ایک قدم مزید آگے لے کر جا رہی ہے۔

20615552_1417420325016484_3914844720154790539_o
میں نے اسی حوالے سے پاک وہیل کے ممبران سے کافی تفصیلی بات چیت کی، ان میں سے کچھ نے اپنے ڈیلرز اور اٹلس ہنڈا کے کار کنان سے تعلق کے پیشِ نظر غیر حتمی طور پر یہی بیان دیا،جس سے یہ بات کافی واضح ہو جاتی ہے کہ ہنڈا اٹلس فیس لفٹ کی ایک اور فیس لفٹ لارہی ہے۔مجھے یقین ہے کہ آپ بھی اسی مخمصے کا شکار ہوں گے کہ آخر کیا نیا آرہا ہے۔جیسا کہ ابھی کوئی حتمی بات سامنے نہیں آئی مگر ہم ایک سرسری سا جائزہ لیتے ہیں:
٭     یہ اپ گریڈزصرف ون پوائنٹ فائیِو لیٹر سِٹی ایسپائر سے جڑی ہیں۔
٭     شاید ہنڈا اٹلس اپنی قیمت میں بھی اضافہ کرے۔
٭     دو اضافی رنگوں کی بھی امید کی جا رہی ہے جو کہ بیج اور مٹیلِک براؤن ہو سکتے ہیں۔
٭      ایکسٹیریئر میں نئے کروم ڈور ہینڈلز ہوں گے۔
٭     ایس آر ایس ایئر بیگز جو کہ ڈرائیور اور اگلی سواری کے لئے ہوں گے۔
٭     بنیادی ایموبی لائزر(آپشنل)۔
٭     سن روف۔
٭     سٹیئرنگ وہیل آڈیو کنٹرول۔
٭     نئے انٹیریئر ڈور ٹرِم،پینلزشمول نئی انسرٹس۔
٭      ہو سکتا ہے کہ ڈیش بورڈ میں بھی بعض جگہوں پر کروم کا استعمال ہو۔
٭      اور سب سے زیادہ ذِکر میں رہنے والی چیز ”شارک نما انٹینا
٭      ایک اور چیز جس کے متعلق قیاس آرائیاں کی جا رہی ہیں وہ کروز کنٹرول مگر اس کے ہونے یا نہ ہونے سے متعلق ابھی کوئی حتمی بات کہنے سے ہم قاصر ہیں۔اوپر بیان کی گئی تمام معلومات ابھی غیر حتمی ہیں۔

dual-srs-airbagsایک اور بات جو زبان زدِ عام ہے کہ اٹلس ہنڈا اپنی بیس ماڈل ون پوائنٹ تھری لیٹر کو منسوخ کر رہی ہے،دوبارہ ہم یہی کہیں گے کہ یہ بھی اس وقت محض افواہ ہے اور اس سے متعلق بھی کوئی حتمی فیصلہ سامنے نہیں آیا۔
٭      درحقیقت،کچھ تحقیقات کے بعد ہمیں یہ پتا چلتا ہے کہ یہ تمام تبدیلیاں سکستھ جنریشن کے تعارف سے تقریباًایک سال پہلے ماضی میں 2013اور 2012کو ففتھ جنریشن ہنڈا سِٹی کے بین الاقوامی ماڈل میں بھی کی گئی تھیں۔
٭      اگر اوپر بیان کی گئی تمام تفصیلات بالکل درست ہیں اور ہمیں کچھ دن میں اس کا اندازہ بھی ہو جائے گا،تو یہ ان لاتعداد لوگوں کے لئے کافی مایوس کن ہو گا جو کہ ہنڈا سِٹی کی نئی جنریشن کے انتظار میں تھے۔اور یہ ان کے لئے بھی ایک دھماکے سے کم نہ ہوگاجنہوں نے حال ہی میں اپنی اپریل 2017میں متعارف کروائی گئی سٹی کی فیس لفٹ حاصل کی ہے۔
٭     مجھے امید ہے کہ وہ تمام صارف جو کہ اپنی گاڑی بک کروا چکے ہیں اور اس کی ڈلیوری کا انتظار کر رہے ہیں انہیں بھی یہ موقع دیاجائے گا کہ وہ اسے نئے اپ ڈیٹڈماڈل سے تبدیل کر سکیں۔میں یہ امید بھی کرتا ہوں کہ اٹلس ہنڈا ان کی قیمت بالکل وہی رکھے گی،نہ کہ ان تبدیلیوں کو قیمت کی بڑھوتی کے لئے استعمال کرے گی۔
٭     صارفین ”ایکسلریٹڈپرفیکشن“کے ساتھ اپنی گاڑیوں کی جلد از جلد ڈلیوری، ایک بہترین کوالٹی تو چاہتے ہیں مگر وہ یہ بھی چاہتے ہیں کہ انہیں صحیح معنوں میں بین الاقومی میعارکے مطابق اپ ڈیٹِڈ ماڈل فراہم کئے جائیں نہ کہ صدیوں پرانے ماڈل جھوٹ موٹ کے تبدیلی کے ساتھ۔
٭       ہم ہمیشہ ہی سوزوکی مہران کواس حوالے سے تنقید کا نشانہ بناتے ہیں مگر اب ہمیں ہنڈا سِٹی کی صورت میں ایک نئی مثال مل گئی ہے۔میرا خیال ہے کہ اٹلس ہنڈا کو اپنے اس سیزن فائیو کا اختتام کر دینا چاہئے اور سیزن سِکس کی جانب پیش قدمی کرنی چاہئے۔پاکستانی صارفین ابھی تک ہنڈا سِٹی  2017کو قیول کرنے سے جھجک رہے ہیں اور کافی تنقید کا نشانہ بنا رہے ہیں،میں نہیں سمجھ سکا کہ وہ اس نئی فیس لفٹ کو کس طرح کامیاب بنائیں گے جس سے کچھ ماہ قبل ہی ایک فیس لفٹ متعارف ہو چکی ہے۔
٭     ذاتی طور پر،میں نہیں سمجھ سکا کہ ہنڈا سِٹی کیا چھپا رہی ہے،مگر عنقریب ہی بلی تھیلے سے باہر آنے والی ہے۔
٭     اسی حوالے سے مزید معلومات کے لئے پاک وہیل سے جڑے رہیں۔مزید اسی موصوع پر گفتگو کے لئے ہمیں جوائن کریں

dashboard

i25950 i25940

9465094271_3c331e7494_h

Fazal Wahab

I am Civil Engineer by Profession and have love for High Rise Towers, Underground construction and Carbon Fiber Composites, automobiles is my first love. Its my passion to know and share about anything new in automobile industry.

Top