شاہ سلمان بن عبد العزيز کی مرسڈیز کا جلوس


سعودی عرب کے شاہ سلمان بن عبد العزيز بہت جلد ریاستہائے متحدہ امریکہ کا دورہ کرنے جا رہے ہیں اور اپنی پرانی روش کو برقرار رکھتے ہوئے انہوں نے اس بار بھی گاڑیوں کا جلوس اپنے ہمراہ لے جانے کا فیصلہ کیا ہے۔ لیکن امریکا کے دورے کی خاص بات یہ ہے کہ ان کے جلوس میں شامل تمام گاڑیاں مرسڈیز ہوں گی۔

سوشل میڈیا کے ذریعے حاصل ہونے والی تصویر میں سینکڑوں مرسڈیز بینز دیکھی جاسکتی ہیں جو جوائنٹ بیس اینڈریوس پر شاہ کے استقبال کے لیے قطار بنائے کھڑی ہیں۔ اس کے علاوہ شاہ سلمان کی قیام گاہ فور سیزنز ہوٹل میں بھی خصوصی انتظامات کیے گئے ہیں اور ان کی آمد پر سرخ قالین بچھائے جانے کا اہتمام بھی کیا جائے گا تاکہ انہیں گھر سے دور گھر جیسا ماحول فراہم کیا جاسکے۔


Top