سکینیا پاکستان میں پریمیم بسیں اور ٹرک لانچ کرنے والا ہے

short-story

سکینیا سویڈن کا ایک بڑا آٹو مینوفیکچرر ہے جو کہ کمرشل بسیں اور ٹرک بناتا ہے، اس کمپنی نے اعلان کیا ہے کہ وہ پاکستان میں اپنی پروڈکشن لائن قائم کرنے والے ہیں۔ پاک چین اقتصادی راہداری کے قیام کے اعلان کےبعد کچھ عرصے میں ہی دنیا بھر کی بہت سی کمپنیوں نے پاکستان میں اپنے بزنس کو وسعت دینے میں دلچسپی ظاہر کی، سی پیک کے تحت بننے والی نئی سڑکوں کی وجہ سے مختلف ممالک میں تجارت کو فروغ ملے گا۔ جس کی مطلب یہ ہے کہ مارکیٹ میں ہیوی ڈیوٹی وہیکلز کی مانگ میں اضافہ ہوگا اور جو بزنس اپنے کاروبار کو ترقی دینا چاہیں گے وہ ضرور نئی کمرشل وہیکلز خریدیں گے۔

سکینیا اور یوسف دیوان کے مشترکہ منصوبہ کے تحت سکینیا پاکستان میں پریمیم بسیں اور ٹرک لانچ کرے گا اور ان کی کامیابی کے بعد توقع ہے کہ وہ پاکستان میں اپنی پروڈکشن لائن بھی بنائے گا۔ دیوان موٹرز اس سے پہلے بھی دنیا کی کئی جانی مانی کمپنیوں کے ساتھ کام کر چکی ہے جن میں بی ایم ڈبلیو بھی شامل ہے۔

اعلی حکام کے مابین ہونے والی ایک میٹنگ کے دوران دونوں کمپنیوں نے اس ارادہ کا اظہار کیا کہ سی پیک کی وجہ سے پیدا ہونے والے مواقع کاروبار کے لیے بہترین ہیں۔

لیون نے کہا کہ ” ہم پاکستان میں اپنی کوالٹی بسیں اور ٹرک متعارف کروانے پر بہت خوش ہیں۔ پاکستان دنیا بھر میں تیزی سے سرمایہ کاری کے  لیے بہترین ملک کے طور پر ابھر رہا ہے۔ اور سی پیک کی وجہ سے خصوصی طور پر پاکستان کی آٹو موبائل انڈسٹری میں سرمایہ کاری کی بہت زیادہ صلاحیت پیدا ہو گئی ہے”

اس وقت پاکستان میں دو کمپنیاں کمرشل گاڑیاں فراہم کر رہی ہیں اور ان کے نام ہینو اور والوو ہیں۔ سکینیا کی پاکستان میں اینٹری سے ان دونوں کمپنیوں کو سخت مقابلے کا سامنا ہو سکتا ہے۔ سکینیا کے مارکیٹنگ حکام کا کہنا ہے کہ وہ مارکیٹ کی صلاحیت کا بغور معائنہ کر رہے ہیں تاکہ مدمقابلوں کا بہترین انداز میں مقابلہ کیا جا سکے۔

چونکہ پاکستان کی سڑکوں پر موجود زیادہ تر بسیں اور ٹرک پرانے اور غیر محفوظ ہیں۔ اسی وجہ سے سی پیک میں شامل کمپنیوں کی یہ کوشش ہوگی کہ وہ قابل اعتماد، محفوظ، اور تیز رفتار کمرشل گاڑیاں حاصل کریں جس سے وہ تجارت اور سفر کو بہترین بنا سکیں گے۔ سکینیا کی وہیکلز ہائی کریش ٹیسٹ ریٹنگ، فیول اکانومی، اور بہترین حفاظتی انتظامات کی وجہ سے مشہور ہیں۔

Awais Yousaf

One thing which he will never give up on is his love for cars. He is one of the first to jump in the conversations if you say any word related to automotive industry. Some say he thinks about cars so much that he often forgets that there exists a world around him! Poor soul. He also knows programming and is a very sociable guy. You can follow him on Facebook: www.facebook.com/awais.xlr and Instagram: awais_yf

Top