سوزوکی مہران سے بھی سستی سیڈان – اور کیا چاہیے!

Datsun on-DO

پچھلے ماہ پاک ویلز نے اپنی روایت برقرار رکھتے ہوئے پاکستان میں آزمائشی سفر کرنے والی ڈاٹسن گو کی تصاویر پہلی مرتبہ قارئین کی خدمت میں پیشں کیں۔ ڈاٹسن گو وہی گاڑی ہے کہ جس کی آمد سے چھوٹی گاڑیوں کے شعبے میں زبردست ہلچل کی توقع کی جارہی ہے۔ یہ شعبہ اس وقت قدیم زمانے اور پرانی ٹیکنالوجی کی حامل گاڑیاں سے بھرا ہوا ہے۔ ڈاٹسن گو سے بہت زیادہ توقعات وابستہ کرنے کی ایک وجہ یہ بھی ہے کہ اس گاڑی نے بھارت میں ماروتی 800 کے مقابلے میں زبردست پزیرائی حاصل کی۔ بلکہ یہ کہا جائے تو غلط نہ ہوگا کہ ڈاٹسن گو کی بھارت میں زبردست کامیابی ہی کی وجہ سے 2013 میں نسان (Nissan) کے ماتحت ہونے کے بعد ڈاٹس کو ایک بار پھر کار ساز ادارے کے طور پر سر اٹھانے کا موقع ملا۔

مزید پڑھیں: نسان ڈاٹسن گو اور گو+ کی پاکستان میں خفیہ جانچ؛ تصاویر منظر عام پر آگئیں

ڈاٹس گو کی پاکستان آمد سے متعلق بہت سی باتیں کی جاچکیں ہیں لیکن آج میں جس گاڑی کا تعارف کروانے جارہا ہوں وہ ڈاٹسن کے قافلے میں شامل کم قیمت سیڈان ہے کہ جسے ڈاٹسن آن-ڈو (on-Do) کے نام سے پہچانا جاتا ہے۔ چار دروازوں والی یہ سیڈان صرف روس ہی میں دستیاب ہے۔ ڈاٹس آن-ڈو کی قیمت 3,60,000 روسی روبل ہے جو پاکستانی روپے میں 5,95,000 کے مساوی رقم بنتی ہے۔جبکہ پاکستان میں دستیاب سب سے سستی گاڑی سوزوکی مہران کی قیمت بھی اس سے زیادہ ہے۔

on-DO VS Mehran Price

سوزوکی مہران (Mehran) کی پاکستان میں شہرت سے انکار نہیں ہے لیکن ہمیں ان گاڑیوں سے متعلق جاننے اور لوگوں کا آگاہ کرنے کی ضرورت ہے کہ جو دیگر ممالک میں مہران کے مساوی قیمت پر فروخت کی جارہی ہیں۔ اس سے گاڑیاں خریدنے بالخصوص مہران لینے والوں کو کم از کم اس بات کا بخوبی اندازہ ہوسکے گا کہ جس قیمت پر ہمیں دہائیوں پرانی گاڑی مل رہی ہے اتنی ہی قیمت پر دیگر ممالک کے لوگوں کو جدید اور بہتر گاڑیاں دستیاب ہیں۔

ڈاٹسن آن-ڈو کے اندرونی حصے میں جھانکنے سے پہلے ظاہری انداز کا جائزہ لیتے ہیں۔ آن-ڈو کی لمبائی 4337 ملی میٹر اور چوڑائی 1700 ملی میٹر ہے جبکہ اس کا ویل بیس 2476 ملی میٹر ہے۔ اس پیمائش کے اعتبار سے بھی دیکھا جائے تو مہران سے کم قیمت میں یہ گاڑی کسی نعمت سے کم نہیں ہے۔ اس کے علاوہ سیڈان ہونے کی وجہ سے اس میں 530 لیٹر گنجائش والی ڈگی بھی دستیاب ہے۔

یہ بھی پڑھیں: پیش خدمت ہے نئی سوزوکی مہران – سال 2050 کا خاص تحفہ!

on-DO VS Mehran

Datsun on-DO trunk

ڈاٹسن آن-ڈو میں 1600cc انجن شامل ہے جو 5-اسپیڈ مینوئل ٹرانسمیشن کے ساتھ 87 ہارس پاور فراہم کرسکتا ہے۔ دیگر سہولیات کی بات کریں تو آن-ڈو میں پاور ونڈوز، تمام نشستوں اور دائیں و بائیں جانب آئینوں میں گرمائش کی خاصیت،برسات سے آگاہ کرنے والے سینسرز، ریموٹ کنٹرول چابی، دو ایئر بیگز بھی شامل ہیں اور یہ سب کچھ 6,00,000 روپے کی قیمت میں پیش کیا جارہا ہے۔

Datsun on-DO interior

گو کہ اس وقت ڈاٹسن آن –ڈو صرف روس ہی میں دستیاب ہے تاہم کار ساز ادارہ اسے دیگر مارکیٹوں میں بھی پیش کرنے کا ارادہ ظاہر کرچکا ہے۔ اگر ڈاٹسن کی پاکستانی مارکیٹ میں دلچسپی اور ڈاٹسن گو کی ممکنہ آمد کو مدنظر رکھا جائے تو اس بات کا قوی امکان ہے کہ ڈاٹسن آن-ڈو کے ذریعے بھی پاکستانی خریداروں کو اپنی جانب جلد متوجہ کروانے کی کوشش کرے۔

کیا آپ سمجھتے ہیں کہ پاکستان میں ڈاٹسن (Datsun) کی آمد سے چھوٹی گاڑیوں میں سوزوکی مہران کی طویل آمریت کا خاتمہ ہوجائے گا؟ یا آپ سمجھتے ہیں کہ مہران بعد میں بھی سرفہرست گاڑیوں میں شامل رہے گی؟ اس حوالے سے ہمیں اپنی رائے سے ضرور آگاہ کریں۔

یہ بھی پڑھیں: ہونڈا بریو: پاکستان میں سوزوکی مہران کا عہد تمام کرسکتی ہے!

on-DO Russia Rear

Adan Ali

Adan is a Tribe Leader at Drive Tribe, who writes to share his passion for cars, culture and gadgetry through words. So far his writings and contributions have been able to make their way to media outlets like PakWheels and Dawn. Reach out to him by tweeting @adanali12

  • Umer Ahmed

    This car will be available in pakistan or just in pakwheels posts ?

  • Analyist

    Datsun is not coming to Pakistan…..That’s all fake…Just to promote PAKWHEELS website among us….

  • Ghazali BJs

    Pakistani people have its own mindset there is some reason behind the success of Mehran and the first reason is affordable parts easy to maintain and second reason is that all mechanics know Mehran very well. third reason is availability of parts. A middle class person always preferred Mehran because he knows that he can afford this car and whenever he need cash he can sale it anywhere any time.

  • Saqib Jamal Siddiqui

    Pak Suzuki is selling their worst; those who will provide car according to international market in Pakistan will survive.
    Good luck to Datsun

  • Asim

    If the price of Datsun is 600000 rupees if launched in Pakistan, duty of this car will be 200% of original price it is 1200000. Total price of the vehicle will be 1800000/-. In this price corolla will be better than Datsun. And don’t be worried about mehran. Nothing will happen to mehran

Top