بہترین کارکردگی کا حامل شیل وی- پاور فیول پاکستان میں متعارف


شیل پاکستان نے ملک بھر میں جدید ترین فیول شیل وی-پاور متعارف کرادیا ہے۔موہٹہ پیلس کراچی میں شیل وی-پاور کی تعارفی تقریب کا انعقاد کیا گیا جس میں وفاقی وزیر برائے پیٹرولیم و قدرتی وسائل شاہد خاقان عباسی اور وزیر مملکت برائے پیٹرولیم جام کمال خان نے بھی شرکت کی۔

شیل وی-پاور ایک جدید ترین پریمیم فارمولے کے مطابق تیار کردہ ایندھن ہے جوانجن کو زنگ اور دیگر جمع والی ہوجانے والے مواد سے تحفظ فراہم کرتا ہے۔ شیل کو پیٹرولیم مصنوعات تیار کرنے میں سو سال سے زیادہ کا تجربہ حاصل ہے جس میں سو سے زائد سائنس دان اور ماہرین دنیا بھر میں جدید فیول کی تیاری اور پروڈکٹ کی تیاری میں مصروف عمل ہیں۔

اس موقع پر شیل پاکستان کے منیجنگ ڈائریکٹر جواد چیمہ نے بتایا کہ فیول مارکیٹ کی ڈی ریگولیشن کی وجہ سے شیل ایک بار پھر پاکستانی صارفین کو اعلیٰ معیار کا فیول شیل وی-پاور فراہم کر رہا ہے۔ شیل وی-پاور کے ذریعے شیل نے مقامی فیول مارکیٹ میں ایک نیا انقلاب برپا کردیا ہے بالکل ویسے ہی جیسے 1994 میں شیل نے پہلی بار جدید پیٹرول پمپس متعارف کروائے تھے۔

انہوں نے خوشی کا اظہار کرتے ہوئے کہا کہ ہم پاکستانی صارفین کواپنے موجودہ پورٹ فولیو میں ہی بہترین فیول کی جدت سے آراستہ ٹیکنالوجی پیش کررہے ہیں۔ ہمارے صارفین کو ہمارے ہراقدام میں مرکزیت حاصل ہے اور شیل وی پاور ایک ایسا پریمیم فیول ہے جو پرانی گاڑیوں کے انجن کو ناصرف صاف کرتا ہے بلکہ نئی گاڑیوں کے انجن پر بھی بہترین اثرات مرتب کرتا ہے۔ میں تمام گاڑیوں کے مالکان کو دعوت دیتا ہوں کہ وہ اس پروڈکٹ کا بہترین تجربہ حاصل کریں۔

جواد چیمہ نے کہا کہ ہم مین گریڈ فیول کو بہتر بنانے اور پریمیم فیول کو ڈی ریگولیٹ کرنے کے فیصلے پر حکومت کے شکرگزار ہیں جواس بات کی واضح علامت ہے کہ حکومت پاکستان کو عالمی فیول مارکیٹ کی سطح پر لانے اور ملک بھر کے صارفین کو بہترین کسٹمر ویلیو پروپوزیشن فراہم کرنے کے لیے کوشاں ہے۔


Top