بہاولپور میں اسپیڈو بس سروس کا آغاز


پنجاب حکومت نے اہلیان بہاولپور کو سستے اور آرام دے سفر کی سہولت فراہم کرنے کے لیے شہر میں نئی اور تیز رفتار ’’اسپیڈو‘‘ بس سروس متعارف کروا دی ہے۔ 12 بیڑوں پر مشتمل یہ بس سروس مقامی مسافروں کو مناسب قیمت اور ایئر کنڈیشننگ جیسی سہولیات کے ساتھ پرسکون سفری فراہم کرے گی۔ مختلف راستوں پر بس چلانے کے لیے 24 تربیت یافتہ ڈرائیو موجود ہیں۔ ان ڈرائیور صاحبان کو مخصوص یونیفارم فراہم کرنے کے علاوہ اور خصوصی تربیت بھی دی گئی ہے تاکہ وہ دوران سفر مسافروں کے ساتھ بہترین رویہ اختیار کر سکیں۔

ڈائیوو سروس کی جانب سے اس اسپیڈو بس سروس کو تکنیکی معاونت فراہم کی جا رہی ہے۔ یہ بات بھی قابل ذکر ہے کہ حکومت نے عوام کو اسپیڈو کی طرف راغب کرنے کے لیے اس بس سروس کے باقاعدہ افتتاح سے پہلے دو دن مفت سروس فراہم کرنے کا اعلان کیا ہے۔ میری نظر میں یہ ایک منفرد اور بہترین حکمت عملی ہے۔

جہاں تک کرایوں کی بات ہے، تو مقامی ٹراسپورٹ حکام کے مطابق سفری فاصلے کے لحاظ سے 10، 20 یا 30 روپے وصول کیا جائے گا۔

اسپیڈو سروس کے بس اسٹاپ درج ذیل ہیں:

  • جنرل بس اسٹیشن
  • فرید گیٹ
  • ڈرنگ اسٹیڈیم
  • کراچی موڑ
  • بندرا پلی
  • ون یونٹ چوک
  • ڈی سی آفس چوک
  • ٹیکنالوجی کالج
  • میلے والی گلی
  • بغداد کیمپس اسلامیہ یونیورسٹی
  • 10 / بی سی

اس بس سروس کا افتتاح میئر بہاولپور عقیل نجم ہاشمی اور ڈپٹی کمشنر رانا سلیم افضل نے کیا۔ گزشتہ ایک سال کے دوران تمام حکومتیں، بشمول مقامی اور وفاقی حکومتیں، عوام کو نقل و حمل کی بہترین سہولیات فراہم کرنے کی کوشش کر رہی ہیں۔ اس کی مثال لاہور میں دیکھی جاسکتی ہے جہاں مقامی مسافروں کی ضروریات کو پورا کرنے کے لیے صوبائی حکومت اورنج لائن میٹرو ٹرین پروجیکٹ پر تیزی سے کام کر رہی ہے۔ کراچی میں بھی اسی نوعیت کی بس سروس پر کام جاری ہے۔

Punjab-Speedo-Bus-Service-Multan

Speedo Bus Service – Multan

میری نظر میں نقل و حمل کی سہولت فراہم کرنے کے لیے موجودہ حکومت کی کوششیں قابل تعریف اور موجودہ دور کی ضروریات کے عین مطابق ہیں۔ آپ بھی اس حوالے سے اپنی رائے بذریعہ تبصرہ دے سکتے ہیں۔


My name is M. Ali Laghari and I love to read and write about Cars.

Top