کیا آپ جانتے ہیں: SUV اور کراس اوور میں کیا کیا فرق ہوتے ہیں؟

suv

عالمی درجہ حرارت میں اضافہ اور اس میں گاڑیوں سے خارج ہونے والے ایندھن کے کلیدی کردار سے متعلق آگہی سے قبل SUV گاڑیاں اپنے بھاری بھرکم حجم اور تیز رفتار کے باعث کافی مشہور تھیں۔ لیکن پھر وقت تبدیل ہونا شروع ہوگیا۔ لوگوں نے بڑھتے ہوئے درجہ حرارت کو سنجیدگی سے لینا شروع کیا اور پھر ایسی گاڑیوں کو ترجیح دی جانے لگی کہ جو ایندھن بچانے کی صلاحیت رکھتی ہیں۔ یہی وہ وقت تھا کہ جب کراس اوور (crossover) گاڑیاں کا نقطہ آغاز ہوا۔ اس طرز کی جدید گاڑیوں میں جہاں SUV گاڑیوں کی چند قابلیتیں موجود ہیں وہیں یہ کم ایندھن استعمال کرتے ہوئے زیادہ سفر کرنے کی صلاحیت بھی رکھتی ہیں۔ یہی وجہ ہے کہ انہیں قومی اور بین الاقوامی سطح پر بہت جلد زبردست پزیرائی حاصل ہونے لگی ہے۔

لیکن سوال یہ پیدا ہوتا ہے کہ آخر SUV اور کراس اوور طرز کی گاڑیوں میں بنیادی فرق کیا ہے؟ آج اپنے مضمون میں، میں اسی سوال کا جواب دینے کی کوشش کر رہا ہوں اور مجھے پوری امید ہے کہ اس موضوع میں دلچسپی رکھنے والوں کے لیے یہ کافی معلوماتی ثابت ہوں گے۔

1: پلیٹ فارم (Platform)

800px-ToyotaTundraChassis

Proton_Prevé_RESS_(Reinforced_Safety_Structure)_(03)

SUV اور کراس اوور میں فرق سے متعلق سوال پوچھنے پر اکثر لوگوں کا یہی جواب ہوتا ہے کہ ان گاڑیوں کے پلیٹ فارم میں فرق ہے۔ شاید یہی ان دونوں گاڑیوں کو مختلف ثابت کرنے کا آسان طریقہ ہے۔ SUV دراصل Sports Utility Vehicle کا مخفف ہے جسے پک اپ ٹرکس کے چیسز پر بنایا جاتا ہے۔ اس طرز کی گاڑیاں تیار کرنے کے لیے باڈی کو فریم میں رکھا جاتا ہے۔ جبکہ دوسری جانب کراس اوورز گاڑیاں تیار کرنے کے لیے uni-body طریقہ کار اختیار کیا جاتا ہے۔ عام گاڑیوں کی تیاریوں میں استعمال ہونے والے اس طریقہ کار میں باڈی اور فریم یکجان ہوتے ہیں۔ چونکہ SUV میں باڈی علیحدہ اور فریم علیحدہ ہوتا ہے اس لیے اس طرز کی گاڑیاں بھاری بھرکم اور بہت مضبوط ہوتی ہیں۔

2: حفاظتی معیارات (Safety)

یہ وہ نکتہ ہے کہ جس پر عام افراد اور ماہرین مختلف رائے رکھتے ہیں۔ جدید SUV اور کراس اوور گاڑیوں میں کرمپل زونز شامل کیے جاتے ہیں جس کا مقصد کسی بھی حادثے کی صورت میں مسافروں کو محفوظ رکھنا ہوتا ہے۔ تاہم ذاتی طور پر متعدد حادثات کی ریکارڈنگ دیکھنے کے بعد میں اس نتیجے پر پہنچا ہوں کہ چھوٹے موٹے تصادم کو تو SUVs بخوبی سہہ لیتی ہیں اور مسافروں کو نقصان نہیں پہنچتا۔ تاہم برق رفتاری کے دوران ہونے والے اکثر حادثات میں SUV کے مقابلے میں کراس اوور میں سفر کرنے والوں کو کم نقصان اٹھاتے دیکھا گیا ہے۔ کراس اوورز چونکہ وزن میں ہلکی ہوتی ہیں اس لیے ان کا کرمپل زون SUV کے مقابلے میں زیادہ موثر رہتا ہے۔

3: کارکردگی (Performance)

Goa-Drive4

2012-toyota-land-cruiser-off-road-wallpaper-4

اب بات کرتے ہیں گاڑیوں کے سب سے اہم پہلو یعنی کارکردگی پر۔ SUV کے سب سے مثبت نکات میں طویل ویل بیس بھی شامل ہے۔ اگر کارکردگی کے اعتبار سے ان دونوں گاڑیوں کا موازنہ کیا جائے تو کہا جاسکتا ہے کہ SUV ایک ایسی گاڑی ہے کہ جو اپنے بھاری بھرکم وزن کے ساتھ کہیں بھی جاسکتی ہے۔ تاہم کراس اوور میں چونکہ مسافروں کا بخوبی خیال رکھا جاتا ہے اس لیے آپ ٹھندے گرم موسم میں بھی آرامدے سفر کا لطف اٹھا سکتے ہیں۔ البتہ دو دراز صحرائی اور پہاڑی علاقوں میں سفر کے لیے SUV ہی کراس اوور سے بہتر ہے۔

یہ بھی پڑھیں: ٹویوٹا ہیریئر: پاکستان کے لیے موزوں ترین ہائبرڈ SUVs میں سے ایک

3345114the-glk-and-g-class-scoop-awards-in-off-road-readers-poll

گزشتہ چند سالوں کے دوران SUV اور کراس اوور دونوں ہی طرز کی گاڑیوں نے خاصی اچھی پیش رفت کا مظاہرہ کیا ہے۔ تاہم انہیں پسند کرنے والوں کا زیادہ تر انحصار معیار زندگی پر ہے کہ آیا وہ اتنی مہنگی گاڑیوں کو خریدنے کی سکت رکھتے ہیں یا نہیں۔ ایلمونیم سے تیار کردہ گاڑیوں کی باڈی اور ہلکے وزن کے حامل انجن کی آمد سے اب SUV کی افادیت میں بھی اضافہ ہوچکا ہے۔ جبکہ کراس اوور میں شامل جدید خصوصیات انہیں منفرد بنانے میں اپنا کردار ادا کر رہی ہیں۔ علاوہ ازیں دونوں ہی گاڑیوں میں سامان رکھنے کی خاصی جگہ دستیاب ہے جو بہرحال ایک مثبت پہلو ہے۔ جہاں تک بات ہے ایندھن بچانے کی صلاحیت کی تو گاڑیاں تیار کرنے والے اداروں کی جانب سے انجن کو بہتر سے بہتر اور ماحول دوست بنانے کی کوششیں جاری ہیں جن سے طاقتور انجن کی تیاری بھی ممکن ہوسکے گی۔

یہ بھی پڑھیں: مہندر KUV: بھارت میں تیار ہونے والی پہلی کراس اوور

nissanjuke2012

Honda-Vezel-Exterior-Wallpaper-Picture

مزید برآں بہت سی کراس اوور گاڑیاں (مثلاً ہونڈا وزل اور نسان جیوک) نئی ہائبرڈ ٹیکنالوجی کے ساتھ بھی دستیاب ہیں۔ یوں کراس اوور گاڑیوں میں حفاظتی سہولیات، سامان رکھنے کی اضافی جگہ کے ساتھ ایندھن بچانے کی صلاحیت میں اضافہ بھی ان کی افادیت اور مقبولیت میں اضافہ کر رہی ہے۔ کیا آپ سمجھتے ہیں SUV پر کسی ہائبرڈ کراس اوور کو ترجیح دینا درست ہوگا؟ ہمیں اپنے تبصروں سے ضرور آگاہ کریں۔

We all make mistakes in life but I believe in learning from them and that is why I have opted to become an auto-journalist. I have a tech background but I prefer to write and express my views on cars because I am petrol head.

  • Syed Waqar Ahmed Moin

    Thanks for sharing 🙂

Top