سوزوکی آلٹو بمقابلہ ڈائی ہاٹسو میرا – دو چھوٹی جاپانی گاڑیوں کا موازنہ

mira-vs-alto

پاکستان میں درآمد کی جانے والی سوزوکی آلٹو (Alto) اور ڈائی ہاٹسو میرا (Mira) کی تعداد دیگر چھوٹی گاڑیوں کے مقابلے میں کافی زیادہ ہے۔ یہ دونوں چھوٹی گاڑیاں Kei Cars کہلاتی ہیں اور ان کا شمار ہیچ بیک انداز کی حامل گاڑیوں میں کیا جاتا ہے۔ سوزوکی نے آلٹو کی آٹھویں جنریشن سال 2014 کے آخر میں متعارف کروائی جبکہ ڈائی ہاٹسو میرا کی ساتویں جنریشن سال 2006 میں پیش کی گئی تھی۔ ان دونوں ہی گاڑیوں میں چند ایک مماثلتیں بھی پائی جاتی ہیں۔ مثلاً دونوں ہی میں 3-سلینڈ انجن شامل ہے جو گاڑی کے اگلے حصے میں لگایا گیا ہے۔ آئیے اب پاکستان میں مقبول ہوتی ان دونوں چھوٹی گاڑیوں کے درمیان موجود فرق کی۔

یہ بھی پڑھیں: پاکستان میں دستیاب 10 بہترین 660cc گاڑیاں

انجن (Engine)

Alto HA36 engine 1

نئی آلٹو میں سوزوکی کا تیار کردہ 660cc ٹربو چجارڈ انجن شامل ہے جس کے ساتھ مینوئل اور CVT گیئر پیش کیے جاتے ہیں۔ اس انجن کی قابلیت کا ثبوت دینے کے لیے یہ بتانا کافی ہے کہ سوزوکی آلٹو صرف ایک لیٹر میں 37 کلومیٹر تک سفر کرسکتی ہے۔ دوسری جانب ڈائی ہاٹسو میرا 660cc اور 1000cc انجن کے ساتھ پیش کی جاتی ہے۔ میرا میں شامل 600cc انجن 58 ہارس پاور فراہم کرتا ہے جبکہ اس کا ٹربو ماڈل 63 ہارس پاور تک فراہم کرسکتا ہے۔ آلٹو کی طرح میرا میں بھی مینوئل اور آٹو گیئر باکس میں سے انتخاب کی سہولت دستیاب ہے۔

daihatsu-mira-g-smart-drive-package-2014-11072381

اندرونی حصہ (Interior)

Alto HA36 interior

سوزوکی آلٹو اور ڈائی ہاٹسو میرا کے اندرونی حصہ پر نظر ڈالیں تو آپ کو ہی جیسا معلوم ہوگا۔ لیکن اس کے باوجود دونوں کے رنگ اور ڈیزائن میں فرق محسوس کیا جاسکتا ہے۔ ایک طرف سوزوکی آلٹو میں جہاں کچھ جذباتی اور شوخ انداز نمایاں ہے تو دوسری طرف میرا کا انداز نستباً سادہ معلوم ہوتا ہے۔ دونوں ہی گاڑیوں میں گیئر تقریباً ڈیش بورڈ کے درمیان سے ملا ہوا محسوس ہوتا ہے۔آلٹو کے مقابلے میں میرا کا ڈیش بورڈ زیادہ کشادہ لگتا ہے۔ دونوں گاڑیوں میں واضح فرق اونچائی کا بھی ہے جس میں آلٹو کو میرا پر برتری حاصل ہے۔

mira ES interior

ظاہری انداز (Exterior)

Alto HA36

چونکہ ظاہری انداز کی پسندیدگی ہر شخص کے لیے مختلف ہوسکتی ہے اس لیے آلٹو کو میرا سے اچھا قرار دینا یا پھر میرا کو آلٹو سے زیادہ خوبصورت کہنا درست نہ ہوگا۔ سوزوکی آلٹو گاڑیاں ایک بڑے ڈبے جیسی شکل کی ہے اور بہت سے لوگوں کو یہ قدیم سوزوکی FX کی بھی یاد دلاتی ہے۔اس کا مجموعی اندازموجودہ دور کی Kei کارز سے کافی مختلف ہے۔ آلٹو کا دایاں اور بایاں حصہ بہت سادہ جبکہ پچھلی جانب بھی سوائے ایک سطر کے کوئی بھی چیز قابل غور نہیں۔آلٹو کےاگلے حصے میں شامل فینڈرز میٹل کے بجائے PVC سے تیارکیے گئے ہیں۔

Mira ES

دوسری جانب ڈائی ہاٹسو میرا کا ظاہری انداز کافی جدید معلوم ہوتا ہے۔ اس پر مختلف ہلکی اور گہری سطور دیکھی جاسکتی ہیں۔ اگلا حصہ بھی نئی آلٹو کے برعکس کافی بہتر لگتا ہے۔ اس کے علاوہ میرا کے 3 اور 5 دروازوں والے مختلف ماڈل بھی پیش کیے جاتے ہیں۔ نیز اگلے پہیوں (FWD) اور چاروں پہیوں (AWD)کی قوت سے چلنے والے ماڈلز بھی دستیاب ہیں۔

اگر آپ کو ان دونوں گاڑیوں میں سے کسی ایک کے انتخاب کا موقع دیا جائے تو آپ آلٹو پسند کریں گے یا میرا؟ ہمیں اپنی رائے سے ضرور آگاہ کیجیے!

  • Punjabi Boy

    660 cc are best for city bust worst for PirSohawa, Nathia Galli , Murree and Kashmir……with 5 punjabi Persons on Board. Feels like you are sitting in a Blanket or a Remote Control Toy Car.

  • Bhai Jan Pir sohawa me tu GLI 1.6 bhi reh jati hy agr kisi Mor pe break lg jaye..

Top