سوزوکی کلٹس بمقابلہ سوزوکی ویگن آر:(خریداروں کی مدد کیلئے)۔

feature
اگر آپ ایک نئی ہزار سی سی گاڑی لینا چاہتے ہیں توآپ کے پاس بے پناہ آپشنز ہیں۔لیکن ان میں زیادہ تر گاڑیاں جے ڈی ایم ہیں سوائے دو پی کے ڈی ایم گاڑیوں کے جواس وقت مارکیٹ پر چھائی ہوئی ہیں۔سوزوکی کلٹس اور ویگن آر دونوں ہی کسی تعارف کی محتاج نہیں، ان دونوں گاڑیوں کی کامیابی یقینی ہے کیونکہ دونوں کا شمار پاکستان کی مشہور گاڑیوں میں ہوتا ہے۔سوزوکی ویگن آر کو چند برس پہلے متعارف کروایا گیا جبکہ سوزوکی کلٹس نوے کی دہائی سے مارکیٹ میں ہے اور اب اپنی سیکنڈ جنریشن میں ہے۔اب ہم ان گاڑیوں کا آپس میں موازنہ کریں گے اور یہ فیصلہ کرنے میں آپ کی مدد کریں گے کہ آپکو اپنے لئے ان میں سے کس گاڑی کا انتخاب کرنا چاہئے۔
٭     انٹیریئر۔
ints
              دونوں گاڑیاں ہی دو طرح کے ماڈلز میں آتی ہیں وی ایکس ایل اور وی ایکس آر اور یہ چیز قابلِ غور ہے کہ کلٹس وی ایکس ایل اور بیس ماڈل وی ایکس آر میں بہت کم فرق ہے۔جیسا کہ،لاگیج سیلف،چارجنگ ڈوک،وینیٹی مِررز،الیکٹرونکلی ایڈجسٹ ایبل سائیڈ مِررز،کروم بیزلزاور دروازوں میں اپ ہولسٹری یہ سب خصوصیات وی ایکس آر ماڈل میں نہیں ہیں۔جبکہ ویگن آر کے وی ایکس ایل ماڈل میں پاور ونڈوز ہے جو کہ اندر سے اسے وی ایکس آر سے منفرد بناتی ہے۔سوزوکی کلٹس اور ویگن آر دونوں کا انٹیریئر بنیادی قسم کا ہے مگر سوزوکی کلٹس میں استعمال کیے جانے والے میٹیریل کی کولٹی ذرا بہتر معلوم ہوتی ہے۔اس کے علاوہ سوزوکی کلٹس کی بوٹ کپیسٹی بھی 235لیٹرز کے ساتھ سوزوکی ویگن آر کی 180لیٹرز سے بہتر ہے جو کہ سوزوکی کلٹس کو سامان لانے لے جانے کے لحاظ سے بھی بہتر گاڑی بناتی ہے۔
٭     ایکسٹیریئر۔
exts
                  جب ایکسٹیریئر کی بات آتی ہے تو ویگن آر ایک اونچی ویگن نما باڈی رکھتی ہے۔اس کا ڈیزائن بھی بہت سادہ ہے جس پر کسی قسم کی کریکٹر لائنز بھی نہیں دی گئیں جو اسے اور زیادہ سادہ اور نمائیاں بناتی ہے۔کلٹس اس کے بر عکس ایک روائتی ہیچ بیک نما کم اونچائی اور سینٹر گریویٹی والے ڈیزائن کی حامل ہے۔اس کے ساتھ کلٹس اپنے فرنٹ فینڈر سے لے کر پیچھے تک ایک کریکٹر لائن بھی رکھتی ہے جو اسے مزید مہنگی اور ممتاز لک دیتی ہے۔کلٹس اور ویگن آر دونوں کی لمبائی چھتیس سو ایم ایم ہے لیکن کلٹس ذرا کھلی ہے جس کی پچھلی نشستوں پر تین لوگ با آسانی بیٹھ سکتے ہیں۔جیسا کہ پہلے بھی ذکر آیا ہے کہ دونوں گاڑیاں دو قسم کے ماڈلز میں آتی ہیں اورصرف چند پہلو ہیں جو دونوں وی ایکس ایل ماڈلز کو وی ایکس آر ماڈل سے جدا بناتے ہیں۔کلٹس وی ایکس ایل دروازوں کے رنگوں کے ڈور ہینڈلز ر،ٹرنک ریلیز،فوگ لائٹس،الائے رِمزاور کروم گرل رکھتی ہے جو کہ وی ایکس آر ماڈل میں نہیں ہیں۔جب ویگن آر کی بات کریں تو ایک ہی چیز ہے جو دونوں ماڈلز کو ایک دوسرے سے جدا کرتی ہے اور وہ ہیں ڈور ہینڈلز،وی ایکس ایل میں ڈور ہینڈلز باڈی کے رنگ کے ہیں جبکہ وی ایکس آر میں یہ کالے رنگ کے ہیں۔
٭    تحفظ کی خصوصیات اور سازوسامان۔
سوزوکی ویگن آر،وی ایکس آر۔
٭      ایموبیلائزر۔
٭      پاور اسٹیئرنگ۔
٭      سینٹرل لاکنگ سسٹم۔
وی ایکس ایل ماڈل کی اضافی خصوصیات۔
٭       پاور ونڈوز۔
٭       کی لیس انٹری۔
٭       پاور ڈور لاکس۔
سوزوکی کلٹس وی ایکس آر۔
٭       ایموبیلائیزر۔
٭       پاور سٹیئرنگ۔
٭       پاور ڈور لاکس۔
 جبکہ کلٹس کے اپ ڈیٹ ماڈل وی ایکس ایل میں ہیں۔
٭       ڈیول ایس آر ایس ایئر بیگز۔
٭       اے بی ایس۔
٭       الیکٹرکانکلی ایڈجسٹ ایبل سائیڈ مِررز۔
٭ انجن، ٹرانسمیشن اور فیول اکانومی۔
          دونوں گاڑیاں تین سیلنڈر اِن لائن انجن رکھتی ہیں جو کہ پانچ سپیڈ مینویل گیئر باکس پر مشتمل ہے۔دونوں انجن سڑسٹھ ایچ پی دے کر ویگن آر کے آٹھ سو تیس کلو گرام اور کلٹس کے سات سو اسی کلو گرام وزن کو مزید ہلکا بناتے ہے۔اس کا اندازہ ٹویوٹا وِٹز کے وزن سے ہوتا ہے جو کہ ایک ہزار پچاس کلو گرام ہے۔تو سوزکی کلٹس اور ویگن آر کے کم پیٹرول استعمال کرنے کی ایک بڑی وجہ انکا کم وزن ہونا بھی ہے جو کہ انہیں بیس سے بائیس کلو میٹر پر لیٹر دینے کے قابل بناتاہے۔تو چا ہے آپ کلٹس لیں یا ویگن آر پیٹرول کی ایوریج کے معاملے میں دونوں ہی آپ کو نا امید نہیں کرتیں۔
٭  قیمت اورحتمی رائے۔
         پاکستان میں صارفین کا گاڑی خریدتے وقت زیادہ انحصار قیمت پر ہوتا ہے۔تو چلیں ان دونوں گاڑیوں کے دونوں ماڈلز کی قیمت پر بات کر تے ہیں۔
٭       سوزوکی ویگن آر (وی ایکس آر) دس لاکھ چون ہزار روپے۔
٭       سوزوکی ویگن آر (وی ایکس ایل) دس لاکھ چورانوے ہزار روپے۔
٭       سوزوکی کلٹس (وی ایکس آر)  بارہ لاکھ پچاس ہزار روپے۔
٭       سوزوکی کلٹس(وی ایکس ایل)  تیرہ لاکھ اکیانوے ہزار روپے۔
دونوں گاڑیوں ویگن آر اور کلٹس کی قیمتوں میں کافی بڑافرق ہے اور اس فرق میں آپ بے پناہ خصوصیات حاصل کرتے ہیں جو کہ ویگن آر میں نہیں ہیں۔اگر آپ کلٹس وی ایکس ایل کا انتخاب کرتے ہیں تویہ ان سب میں بہترین گاڑی ہے نہیں تو ویگن آر وی ایکس ایل نہائت ہی کم قیمت میں وہ تمام خصوصیات دیتی ہے جن کا حامل کلٹس کا بیس ماڈل وی ایکس آر ہے۔اگر آپ کو کلٹس کا نیا ماڈل پسند نہیں آرہا  تو آپ بلا جھجک ویگن آر کا انتخاب کریں لیکن اگر آپ تحفظاتی سامان جیسا کہ ایئر بیگز اور اے بی ایس کو ترجیح دے رہے ہیں اور بہتر ڈیزائن کی تلاش میں ہیں تو کلٹس ایک اچھا فیصلہ ہے۔سوزوکی نے نئی کلٹس بخوبی ڈیزائن کی ہے،اور اس کی اب بہت ضرورت بھی تھی۔اگر ہم قیمتوں کو ایک طرف کریں اور اس بات کو بھی چھوڑیں کہ آپ کون سی گاڑی لے رہے ہیں تو آپ کو یہ جان کر خوشی ہو گی سوزوکی کی تمام گاڑیاں بھرسہ منداور قابلِ اعتماد ہیں جس کی وجہ اس کا پورے ملک پر محیط ڈیلر شِپ نیٹ ورک ہے جو کہ اپنے صارفین کے لئے ہمیشہ حاضرِ خدمت ہے۔
Awais Yousaf

One thing which he will never give up on is his love for cars. He is one of the first to jump in the conversations if you say any word related to automotive industry. Some say he thinks about cars so much that he often forgets that there exists a world around him! Poor soul. He also knows programming and is a very sociable guy. You can follow him on Facebook: www.facebook.com/awais.xlr and Instagram: awais_yf

Top