سوزوکی جمنی 2019ء کارکردگی اور سیفٹی تفصیلات ظاہر

Suzuki-Jimny-2019-2-640x360

جب سوزوکی نے گزشتہ ماہ اپنی آنے والی 2019ء جمنی SUV کی چند باضابطہ تصاویر جاری کیں تو اس نے کافی توجہ سمیٹی۔ اب ادارے نے اپنی سوزوکی جمنی 2019ء کی حفاظتی اور کارکردگی خصوصیات کی مکمل معلومات پیش کرکے گویا پورا البم جاری کردیا ہے۔ تصاویر سوزوکی جمنی 2019ء کے تقریباً ہر زاویے کا احاطہ کرتی ہیں، جن میں انٹیریئر اور ایکسٹیریئر دونوں شامل ہیں، اس لیے ظاہری شکل و صورت کے بارے میں تو اس موقع پر کوئی بھی سوال نہیں ہونا چاہیے۔ البتہ کارکردگی اور حفاظتی خصوصیات اس وقت کا موضوع ہیں۔

کارکردگی کے لحاظ سے سب سے بڑی خبر ہے اس نئی جمنی کا واحد انجن آپشن اس سے کہیں زیادہ طاقتور ہے جس کی ہم توقع کر رہے تھے۔ آنے والی SUV میں ہوگا 1.5 لیٹر فور-سلینڈر گیسولین انجن جو فراہم کر رہا ہے 100 ہارس پاور اور 96 پاؤنڈ-فیٹ ٹارک۔ بلاشبہ اس وقت SUV میں اس کے علاوہ انجن کا کوئی دوسرا انتخاب موجود نہیں۔ البتہ ہو سکتا ہے کہ کبھی اس میں تبدیلی آئے۔

Suzuki Jimny 2019

Suzuki Jimny 2019

کو کہ کئی افراد توقع رکھتے تھے کہ سوزوکی جمنی 2019ء کا ایک ہائبرڈ انجن ویریئنٹ بنائے گا، لیکن اب تک اس بارے میں کچھ سننے کو نہیں ملا، اس لیے کم از کم میں تو بڑی امیدیں نہیں لگاؤں گا۔ ٹرانسمیشن کا انتخاب البتہ دلچسپ ہے؛ آپ فور-اسپیڈ آٹومیٹک ٹرانسمیشن یا فائیو-اسپیڈ مینوئل میں سے کسی ایک کا انتخاب کر سکتے ہیں۔ دونوں صورتوں میں 4WD موڈ دستیاب ہوگا جسے علیحدہ گیئر لیور کے ذریعے ایکٹیویٹ یا ڈی ایکٹیویٹ کیا جا سکتا ہے۔ حالیہ خبروں کے مطابق 2019ء جمنی SUV کا وزن کم از کم 2,400 پاؤنڈز ہے۔

بلاشبہ حفاظتی خصوصیات کا بھی وعدہ کیا گیا ہے۔ نئی SUV کی بڑی حفاظتی خصوصیات میں لین ڈپارچر وارننگ سسٹم مع ویونگ الرٹ، آٹومیٹک ایمرجنسی بریکس اور ٹریفک سائن ڈٹیکشن شامل ہیں۔ یہ کسی بھی چھوٹی SUV کے لیے کافی اعلیٰ ٹیکنالوجی ہو سکتی ہے، لیکن مؤخر الذکر حفاظتی خصوصیات شاذ ہی استعمال ہوں گی اگر آپ اپنی سوزوکی جمنی 2019ء کو وہاں جائیں کہ جہاں وہ اصل کمال دکھائے گی، یعنی آف روڈ۔ اس SUV کا اپروچ اینگل 47 ڈگری؛ ڈپارچر اینگل 49 ہے جبکہ ریمپ بریک اوور اینگل 28 ڈگری ہے۔ کم از کم گراؤنڈ کلیئرنس 8.2 انچ بتائی گئی ہے۔

Suzuki Jimny 2019

Suzuki Jimny 2019

Suzuki Jimny 2019

Suzuki Jimny 2019


Top