سوزوکی جمنی کی خصوصیات اور قیمت سامنے آ گئی – ذرا دیکھیں تو سہی


چوتھی جنریشن کی جمنی بالآخر منظرِ عام پر آ ہی گئی کیونکہ کمپنی نے مقامی مارکیٹ میں اس کی خصوصیات، تفصیلات اور قیمت ظاہر کردی ہے اور ساتھ ہی بکنگ کا آغاز بھی کردیا ہے۔ 

پاک ویلز پہلے ہی بتا چکا تھا کہ جاپانی آٹو مینوفیکچرر پاکستان میں چوتھی جنریشن کی جمنی لانچ کرنے کی تیاریاں کر رہا ہے۔ تو انتظار کی گھڑیاں ختم ہوئیں اور اب ہمیں نئی سوزوکی جمنی کے بارے میں تمام تفصیلات مل چکی ہیں۔ آٹو میکر جلد ہی اسے باضابطہ طور پر پاکستان میں لانچ کرے گا۔ عالمی سطح پر اس کی پیداوار کا آغاز پچھلے سال ہوا تھا جب اسے پہلی بار 5 جولائی 2018ء کو جاپان میں لانچ کیا گیا تھا۔ آٹو میکر کی جانب سے نئی جنریشن کی جمنی مکمل طور پر از سرِ نو بنائی گئی ہے لیکن اس کے ڈیزائن کا ذرا ڈبہ انداز اسے مارکیٹ کی دوسری گاڑیوں سے جُدا کرتا ہے۔ کمپنی نے حال ہی میں ایک teaser جاری کیا تھا کہ جس کے مطابق اس گاڑی میں وہ طاقت ہے جو کسی اور میں نہیں۔ یہ 4×4 ایک مرتبہ پھر نئی جنریشن کے ساتھ آ گئی ہے اور اِس مرتبہ اسے کئی جدید فیچرز سے لیس کیا گیا ہے۔ پاکستان میں سوزوکی جمنی کو ہمیشہ حد سے زیادہ مہنگی گاڑی سمجھا جاتا ہے، بالخصوص اگر فیچرز کے اعتبار سے دیکھیں تو۔ تیسری جنریشن کی جمنی کی ہی پاکستان میں قیمت 26,20,000 روپے تھی۔ واضح رہے کہ پاک سوزوکی ملک میں جمنی کا صرف ایک 5-اسپیڈ مینوئل ٹرانسمیشن ویرینٹ ہی پیش کرتا ہے۔ یہ 4WD گاڑی مکمل قیمت کی ادائیگی کے ساتھ بکنگ کے لیے دستیاب ہے اور مزید تفصیلات کے لیے صارفین سوزوکی کی قریبی ڈیلرشپ سے رابطہ کر سکتے ہیں۔ سوزوکی جمنی کا ڈلیوری ٹائم بکنگ کے وقت سے پانچ مہینے تک کا ہے۔ واضح رہے کہ جمنی completely built unit یعنی CBU کی حیثیت سے درآمد کی جائے گی۔ پاک سوزوکی چوتھی جنریشن کی جمنی کے لیے بَیس ماڈل کو بھی درآمد کر رہا ہے۔ 

قیمت: 

سوزوکی پاکستان چوتھی جنریشن کی جمنی 38,90,000 روپے کی تعارفی قیمت پر پاکستان لایا ہے۔ کمپنی کے مطابق قیمت محدود اسٹاک کے لیے ہے جس کا مطلب ہے کہ جلد ہی اس کی قیمت بڑھائی بھی جائے گی۔ جیسا کہ ہمیں معلوم ہے کہ یہ ایک CBU یونٹ ہے، اس لیے مختلف ڈیوٹیاں اور ٹیکس اِس کی قیمت بڑھانے میں اہم کردار ادا کرتے ہیں۔

انجن اور ٹرانسمیشن: 

سوزوکی جمنی GA جدید K15-B چار-سلنڈر 1.5L VVT پٹرول انجن سے لیس ہے جس کے اندر 12 والوز ہیں۔ یہ پہلے سے کہیں زیادہ جاندار ہے اور آف روڈ کے لیے نمایاں طاقت رکھتی ہے۔ جمنی ایک جز وقتی 4WD گاڑی ہے جو 5-اسپیڈ مینوئل ٹرانسمیشن سے لیس ہے۔ 1462 cc کے انجن کے ساتھ یہ 10 کا کمپریشن ریشو رکھتی ہے جبکہ بور اور اسٹروک 74.0 x 85.0 ہیں۔ 4WD خاص طور پر آف روڈ ڈرائیونگ کے لیے تیار کیا گیا ہے اور یہ 6000 RPM پر زیادہ سے زیادہ 75 Kw کی آؤٹ پٹ طاقت پیدا کرتا ہے۔ ملٹی پوائنٹ فیول انجکشن سسٹم کے ساتھ اس کا انجن 4000 RPM پر 130 Nm کا زیادہ سے زیادہ ٹارک بھی پیدا کر سکتا ہے۔ گاڑی زیادہ سے زیادہ 145 کلومیٹر فی گھنٹے کی رفتار پکڑ سکتی ہے۔ سوزوکی جمنی اپنے طاقتور اور زبردست انجن کی وجہ سے آپ کو طاقت کے احساس کے ساتھ ساتھ بہترین ایندھن بچت بھی دیتی ہے۔ 

پیمائش: 

سوزوکی جمنی کا نیا ماڈل پچھلے ماڈلز کے مقابلے میں ذرا بڑا ہے۔ بمپر سے بمپر تک دیکھیں تو اس کی لمبائی 3480 mm ہے جبکہ اگلے بمپر سے پچھلے اسپیئر ویل تک پیمائش کریں تو یہ 3625 mm کی ہو جاتی ہے۔ اس کی چوڑائی اور لمبائی بالترتیب 1645 mm اور 1720 mm ہیں۔ یہ 2250 mm کا وِیل بَیس رکھتی ہے، جو اگلے اور پچھلے ٹائروں کے درمیانی حصوں کا فاصلہ ہے۔ اس میں 210 mm کی زبردست گراؤنڈ کلیئرنس ہے، جو اسے ہر قسم کے آف روڈ ایڈونچر کے لیے بہترین گاڑی بناتی ہے۔ اس میں 4.9 میٹرز کا کم از کم ٹرننگ ریڈیئس بھی ہے جو چھوٹی سی جگہ میں بھی مڑنے میں مدد دیتا ہے۔ اس پیمائش اور تفصیلات کے ہوتے ہوئے یہ گاڑی گہری اُترائی، رکاوٹوں، اچانک چڑھائی وغیرہ میں باآسانی چلنے کی زبردست صلاحیت رکھتی ہے۔ ڈیپارچر اینگل، ریمپ بریک-اوور اینگل اور اپروچ اینگل سمیت اس کے کشادہ باڈی اینگلز 210 mm کی گراؤنڈ کلیئرنس کے ساتھ مل کر اس گاڑی کو نیچے سے یا بمپرز پر کسی بھی رگڑ سے محفوظ رکھتے ہیں۔ اس کا ڈیپارچر اینگل 49 ڈگری ہے جبکہ ریمپ بریک اوور اور اپروچ اینگل بالترتیب 28 ڈگری اور 37 ڈگری کے ہیں۔ 

گنجائش اور وزن: 

4×4 جمنی چار افراد کو جگہ دے سکتی ہے۔ البتہ اس میں کارگو کے لیے کافی جگہ ہے کہ جو پچھلی سیٹیں فولڈ کرکے زیادہ سے زیادہ 830 لیٹر کی گنجائش تک پہنچ جاتی ہے۔ صارفین کارگو کے لیے درکار جگہ کے حساب سے ایک یا دونوں سیٹیں فولڈ کر سکتے ہیں۔ جمنی کا خالص وزن 1080 کلو گرام ہے جبکہ زیادہ سے زیادہ وزن 1435 کلو گرام تک جاتا ہے۔ مجموعی وزن میں چیسی (chasis)، انجن، مسافر وغیرہ شامل ہیں۔ مزید یہ کہ اس کے فیول ٹینک میں 40 لیٹر کی گنجائش ہے۔ 

چیسی، بریکنگ اور سسپنشن: 

چوتھی جنریشن کی سوزوکی جمنی آف روڈ ایڈونچر میں اپنی حریف گاڑیوں کا سخت مقابلہ کرنے والی گاڑی ہے۔ کمپنی اپنی خاص علامت یعنی طاقتور ladder فریم برقرار رکھے ہوئے ہے جو اسے ہر قسم کی جگہ پر زیادہ سے زیادہ جم کر سفر کرنے کے لیے مضبوط بنیاد فراہم کرتا ہے۔ جیسا کہ پہلے بتایا گیا ہے کہ اس میں تین مختلف باڈی اینگلز ہیں، جن میں ڈیپارچر اینگل، ریمپ بریک-اوور اینگل اور اپروچ اینگل شامل ہیں، جو اسے اترائی اور اچانک چڑھائی پر مدد دیتے ہیں۔ اس میں اگلے اور پچھلے حصوں میں کوائل اسپرنگ کے ساتھ 3-لنک rigid axle سسپنشن ہے جو مختلف جگہوں پر بہتر گرفت کو یقینی بناتے ہیں۔ کسی رکاوٹ کی صورت میں ایک پہیہ اوپر کو اٹھ جاتا ہے تو ایکسل دوسرے پہیے کو نیچے کرکے آگے بڑھنے میں مدد دیتا ہے، جس سے ٹائر کا سطح کے ساتھ ربط بڑھ جاتا ہے اور ڈرائیور کو گاڑی پر کافی گرفت مل جاتی ہے۔ سوزوکی جمنی اگلے پہیوں میں ڈسک بریکس کے ساتھ آتی ہے جبکہ پچھلے پہیے ڈرم بریکس سے لیس ہیں۔ 

ایکسٹیریئر: 

سوزوکی جمنی ایک ریٹرو-اسٹائل کی گاڑی ہے کہ جو اپنے پچھلے ماڈلز کے ڈیزائن انداز کی روایت کو برقرار رکھے ہوئے ہے۔ چوتھی جنریشن کی جمنی بھی ڈبہ شکل کی ہے جس کے ساتھ clamshell بونٹ اور horizontal slit-like ڈیزائن ہے۔ اس کے گول شکل کے ملٹی رفلیکٹر ہیلوجن ہیڈلیمپس ہیں جو گول انڈی کیٹرز کے ساتھ ہیں۔ اگلی ریڈی ایٹر گرِل کالے رنگ کی ہے اور اس میں vertical پٹیاں ہیں۔بمپر بھی کالے رنگ کا ہی ہے کہ جو angular کناروں کے ساتھ ڈیزائن کیا گیا ہے جو راستے میں آنے والی رکاوٹوں سے گزرنے میں مدد دیتا ہے۔ گاڑی کی باڈی گول کالے رنگ کے سیف گارڈز کے ساتھ پیش کی گئی ہے جو باڈی کوخراشوں اور پتھروں کی رگڑ سے بچانے کے لیے پروٹیکٹرز کا کام کرتے ہیں۔ جمنی کی وِنڈ اسکرینUV گلاس سے بنائی گئی ہے۔ وِنڈ اسکرین کے وائپرز intermittent اور واشر کے ساتھ 2 اسپیڈ کنٹرول میں فراہم کیے گئے ہیں۔ سائیڈ سے دیکھنے پراس کی باڈی horizontal  کناروں سے واضح ہوتی ہے۔باہری دروازے کے ہینڈلز باڈی کے رنگ کے ہی ہیں جبکہ سائیڈ مررز تقریباً چوکور شکل کے اور سیاہ رنگ کے ہیں۔سوزوکی جمنی مضبوط باڈی رکھتی ہےکہ جسے ہر طرح کے موسمی حالات اور علاقوں کے لیے تیار کیا گیا ہے۔ مینو فیکچرر کی جانب سے استعمال کیا جانے والا عام ٹائر سائز 195/80 R15 ہے اور یہ اسٹیل ویلز کے ساتھ آتا ہے۔ اسی سائز کا ایک اضافی ٹائر گاڑی کی باڈی سے جڑا ہوا بھی ہے۔ چوکور ٹیل لائٹس بمپر میں نصب ہیں۔ یہ پچھلی جانب ایک ہائی ماؤنٹ بریک لیمپ بھی رکھتی ہے۔ اس کی تمام کھڑکیاں، اگلے دروازے ، کوارٹر اور ٹیل گیٹ وِنڈوز سمیت سب، ہرے رنگ کی جھلک رکھتی ہیں۔ اس میں پچھلی اسکرین پر واشر کے ساتھ وائپر بھی موجود ہے کہ جسے ایک اسپیڈ پر چلایا جا سکتا ہے۔ پچھلے دروازے کو گاڑی کی چابی کے ذریعے کھولا جا سکتا ہے۔ 

انٹیریئر اور فیچرز: 

چوتھی جنریشن کے ماڈل کا انٹریئر مکمل طور پر دوبارہ سے بنایا گیا ہے کیونکہ یہ ایک حقیقت پسندانہ ڈیزائن رکھتا ہے۔ کالے رنگ کا اسٹائلش ڈیش بورڈ سادہ اور ڈیزائن میں سیدھا سا ہے البتہ اس میں تفصیلات بہت باریکی سے دی گئی ہیں۔ کیبن بہت کشادہ ہے خاص طور پر اگر پچھلے ورژنز سے تقابل کریں تو۔ یہ گاڑی ایئر کنڈیشنر سے لیس آتی ہے کہ جو مینوئل کلائمٹ کنٹرول فیچر رکھتا ہے۔ درمیانی ایئر وَینٹس چوکور شکل کے ہیں جبکہ سائیڈوں والے گول ہیں۔ ہیٹنگ سسٹم بھی اس طاقتور جمنی کے اندر موجود ہے۔ پولن فلٹر کا اضافہ اس گاڑی کا ایک دلچسپ پہلو ہے۔ اس میں ایک ڈجیٹل کلاک اور 3 پوزیشن کنٹرول کے ساتھ ایک فرنٹ کیبن لائٹ بھی ہے۔ سن وائزرز ڈرائیور اور مسافر دونوں کے لیے فراہم کیے گئے ہیں۔ جمنی کے اندر مسافر اور پیچھے بیٹھنے والوں کے لیے بھی assist grips دی گئی ہیں۔ گیئر شفٹ knob یوریتھین سے بنا ہوا ہے اور سیاہ رنگ کا ہے۔ پارکنگ بریک ریلیز بٹن بھی کالے رنگ کا ہے۔ ریئر وِیو مرر دن/رات کے لیے مینوئل ڈِمنگ فیچر رکھتا ہے۔ اس میں ایک ریموٹ fuel lid اوپنر بھی ہے۔ خراب موسمی حالات میں بہتر نظر آنے کے لیے ٹیل گیٹ ونڈو میں ایک demister فیچر ہے۔ انٹرٹینمنٹ کے لحاظ سے اس میں دیکھنے کے لیے بہت کچھ نہیں ہے۔ اس میں چھت پر پیچھے کی جانب ایک انٹینا لگایا گیا ہے۔ جمنی بنیادی انٹرٹینمنٹ ساؤنڈ کے لیے کیبن کے اندر دو اسپیکرز سے لیس ہے۔ کیبن میں ایک 12v کا ساکٹ بھی درمیانی کونسول میں موجود ہے جو آپ کی بیٹریوں کو ہمہ وقت چارج رکھتا ہے۔ 

انسٹرومنٹ پینل ہر وقت چمکتا رہتا ہے، چاہے دن ہی کیوں نہ ہو۔ یوں دن ہو یا رات، یہ ہر وقت واضح نظر آتا ہے اور اسے بالکل سادہ طریقے سے بنایا گیا ہے۔ یہ اسپیڈو میٹر اور دوسرے فوری پیرامیٹرز کی فہرست رکھتا ہے۔ فیول کم ہو جانے کی صورت میں  اور دروازے کھلا رہ جانے کی وارننگز الگ روشنیوں کی صورت میں ہوتی ہے۔ ایک لیمپ اور الارم سسٹم بھی موجود ہے جو سیٹ بیلٹ نہ پہننے کی صورت میں جل اٹھتا ہے اور آواز کے ذریعے ڈرائیور کو خبردار کرتا ہے۔ 

آرام اور سہولت: 

سوزوکی نے چوتھی جنریشن کے ماڈل میں جمنی میں آرام کے لیول کو بہت بڑھا دیا ہے۔ پیچھے بیٹھے مسافروں کے داخل ہونے اور نکلنے کا راستہ تو walk-in میکانزم کے ذریعے مسافر کی سائیڈ سے ہی ہے ، لیکن یہ پہلے سے کہیں زیادہ آرام دہ ہے۔ نشستوں میں لگایا گیا کپڑا بہت اعلیٰ معیار کا ہے جو سیاہ رنگ کا ہے۔ خراب راستوں پر آف روڈ ایڈونچرز پر جانے کے لیے بہتر آرام کے لیے head restraints بھی دیے گئے ہیں۔ سیٹیں بھی بہت زیادہ آرام دہ ہیں، جو بغیر کسی تھکاوٹ کے ڈرائیونگ کو یقینی بناتی ہیں۔ پچھلی سیٹیں 50:50 split single folding فیچر رکھتی ہیں تاکہ سامان کی گنجائش کو بڑھایا جا سکے۔ کیبن میں اسٹوریج کے لیے مختلف جگہیں ہیں جن میں درمیانی کونسول میں دو کپ ہولڈرز بھی شامل ہیں۔ یہ 3-اسپوک پاور اسٹیئرنگ ویل رکھتی ہے جو ڈرائیور کی سہولت کے لیے tilt-adjustment فیچر رکھتا ہے۔ 

سیفٹی فیچرز: 

جاپانی آٹو مینوفیکچرر نے اگلے حصے میں دو SRS ایئر بیگز فراہم کرکے ڈرائیور اور مسافر کی حفاظت کو یقینی بنایا ہے۔ 3-پوائنٹ ELR سیٹ بیلٹ بھی ڈرائیور اور مسافر کے لیے موجود ہیں جبکہ 2-پوائنٹ ELR سیٹ بیلٹ پچھلی سیٹوں کے لیے فراہم کی گئی ہیں۔ پیچھے دو ISO-FIX چائلڈ سیٹ anchorages بھی موجود ہیں جو کہ اس گاڑی کا ایک اور اہم سیفٹی فیچر ہیں۔ سوزوکی جمنی ABS بریکس رکھتی ہے جو فوری ردعمل دکھانے والے اور محفوظ بریکنگ دیتے ہیں اور ڈرائیونگ کے دوران زیادہ سہولت دیتے ہیں۔ کسی سائیڈ سے تصادم کی صورت میں اس کے دروازے اضافی سیفٹی کے لیے beams سے لیس ہیں۔ پیچھے کی جانب یہ ایک ہائی ماؤنٹ بریک لیمپ رکھتی ہے جو پیچھے سے آنے والے ٹریفک کو بریکنگ کا واضح اشارہ کرتے ہیں۔ جمنی سکیورٹی مقاصد کے لیے ایک اموبیلائزر سے لیس ہے۔ 

کیونکہ آٹو میکر نے یہ گاڑی خاص طور پر آف روڈ سفر کے لیے بنائی ہے اس لیے اس میں اس لحاظ سے مختلف سیفٹی فیچرز موجود ہیں جن میں hill hold کنٹرول، hill descent کنٹرول اور بریک LSD ٹریکشن کنٹرول شامل ہیں۔ hill hold کنٹرول ڈرائیور کو اونچی چڑھائی پر جاتے ہوئے گاڑی کی رفتار پر قابو رکھنے میں مدد دیتا ہے۔ یہ اچانک چڑھائی پر بھی گاڑی کو پیچھے جانے سے روکتا ہے۔ اسی طرح جیسا کہ نام ظاہر کرتا ہے hill descent  کنٹرول ہے جو اچانک اترائی کے دوران خودکار طور پر بریک لگانے اور ایک مخصوص رفتار کو برقرار رکھنے سے ڈرائیور کو مدد دیتا ہے۔ بریک LSD ٹریکشن کنٹرول نامی بریکنگ assist سسٹم پھسلن کی جگہوں پر مدد دیتا ہے۔ یہ سسٹم اس طرح ڈیزائن کیا گیا ہے کہ جیسے ہی پہیے زمین پر اپنی گرفت کھولے لگتے ہیں، یہ پھسلتے ہوئے پہیوں پر بریکس لگا دیتا ہے۔ اسی دوران سسٹم ٹارک کو دوسرے دو پہیوں پر منتقل کرتا ہے اور یوں صورت حال سے بچنے میں مدد دیتا ہے۔ 

رنگ: 

نئی جمنی پانچ رنگوں میں دستیاب ہے جن میں چار یکساں اور دو دہری رنگت کے حامل رنگ شامل ہیں: 

Blush Black Pearl 3

Superior White

Silky Silver Metallic

Jungle Green

Kinetic Yellow + Blush Black Pearl 3 (دہری رنگت) 

نئی سوزوکی جمنی کے بارے میں اپنی رائے نیچے تبصروں میں پیش کیجیے۔ گاڑیوں سے متعلق مزید خبروں کے لیے پاک ویلز کے ساتھ رہیں


Google App Store App Store

Apart from being an Electrical Engineer by profession, he is an automotive content writer at PakWheels, a web designer and a photographer.

Top