ملکیت کی لاگت، سوزوکی مہران نے بہترین کار کا اعزاز جیت لیا


گاڑی خریدنا ایک مشکل کام ہے کیونکہ اس میں حفاظتی خصوصیات، کارکردگی اور قیمت وغیرہ جیسے کئی پہلوؤں پر غور کرنا پڑتا ہے۔ پاکستان میں گاڑیاں بنانے کی مقامی صنعت تبدیلی کے مرحلے میں ہے اور کئی نئے کھلاڑی میدان میں داخل ہو رہے ہیں جو زیادہ متنوّع مارکیٹ کی قیادت کریں گے اور صارفین کو زیادہ آپشنز دے رہے ہیں۔ PakWheels.com پاکستان کا نمبر 1 آٹوموٹو پورٹل ہے جو ملک بھر میں تمام اقسام کے صارفین کی ضروریات کو پورا کر رہا ہے۔ PakWheels.com کئی سالوں سے ایک آٹو سروے کر رہا ہے تاکہ صارفین کی رائے جان سکے کہ وہ موجودہ آٹو صنعت کے بارے کیا سمجھتے ہیں اور کسی مخصوص برانڈ کے بارے میں ان کی ترجیحات کیا ہیں۔

2017ء میں PakWheels.com نے ایک انڈسٹری سروے کیا تھا، جس میں کاروں اور موٹر سائیکلوں کے صارفین/مالکان سے گاڑیوں کے متعلق کئی سوالات کیے گئے تھے۔ لوگوں نے اپنی پسند اور ترجیحات کی بنیاد پر مختلف برانڈز کو ووٹ دیے۔ سروے میں موجود سوالات میں سے ایک پاکستان میں ملکیت کی لاگت کے حوالے سے بہترین کار کے بارے میں تھا اور جواب دینے والوں کی اکثریت نے سوزوکی مہران کے حق میں رائے دی تھی اور اسے مقامی گاڑیوں کے زمرے میں ملکیت کی لاگت کی بنیاد پر بہترین کار قرار دیا، جبکہ درآمد شدہ گاڑیوں کے زمرے میں لوگوں نے ٹویوٹا ایکوا کو ترجیح دی۔

پاک سوزوکی نے 1989ء میں مہران کی پہلی جنریشن جاری کی تھی اور 2012ء میں EFI انجن کے ساتھ دوسری جنریشن متعارف کروائی۔ 2017ء میں پاک سوزوکی نے 42,985 گاڑیاں فروخت کی جس نے اسے سب سے زیادہ فروخت ہونے والی ہیچ بیک بنایا۔ مہران دو ویریئنٹس VX اور VXR میں آتی ہے۔ لوگ اس کی قیمت، ایندھن بچت، فاضل پرزوں کی دستیابی، ملکیت کی لاگت وغیرہ کی وجہ سے اس گاڑی کو پسند کرتے ہیں۔

یہ بات بھی قابل ذکر ہے کہ ہونڈا سوک نے سال 2017ء کے لیے بہترین کار کا ایوارڈ جیتا۔

مکمل رپورٹ اور جیتنے والوں کی فہرست کے لیے یہاں کلک کیجیے!

ملک بھر سے کل 19,155 جوابات اکٹھے کیے گئے۔ سروے خرچ کرنے کی عادت، ڈرائیونگ رویّوں، توقعات اور پاکستان میں آٹوموبائل شعبے کی عام طریقوں کا احاطہ کرتا ہے۔

اس بارے میں اپنی رائے نیچے تبصروں میں پیش کیجیے۔


My name is M. Ali Laghari and I love to read and write about Cars.

Top