کیا سوزوکی کلٹس کی رخصتی کا حتمی فیصلہ کرلیا گیا ہے؟

suzuki-cultus

پاک سوزوکی نے اب سے تقریباً 16 سال قبل سوزوکی کلٹس کو پاکستان میں متعارف کروایا۔ اس کا شمار ان گاڑیوں میں کیا جاسکتا ہے کہ جنہیں پاک سوزوکی نے اکیسویں صدی کے آغاز پر پیش کیا۔ اب سے کوئی دو سال قبل پاک ویلز بلاگ نے یہ خبر دی تھی کہ سوزوکی کلٹس کو سال 2016 میں رخصت کردیا جائے گا۔ اب جبکہ سال 2016 جاری ہے بلکہ مالی سال 2016-17 کے بھی دو ماہ ختم ہوا چاہتے ہیں تو سوال پیدا ہوتا ہے کہ کیا اب بھی دو سال پرانی پیش گوئی پر یقین کیا جائے یا پھر صورتحال میں کوئی تبدیلی واقع ہوئی ہے۔

مزید پڑھیں: کلٹس کا دور ختم؛ سوزوکی سلیریو آیا چاہتی ہے!

درحقیقت، سوزوکی کلٹس (Cultus) کی رخصتی کے حوالے سے پیشن گوئی کرتے ہوئے کہا گیا تھا کہ پاک سوزوکی ایک نیا ماڈل، جو ممکنہ طور پر سوزوکی سلیریو ہوگا، لانا چاہتا ہے جو کلٹس کی جگہ لے گا۔ اس پیشن گوئی کا درپردہ کلٹس کا وہ تاریخی پس منظر ہے کہ جسے ہمارے قارئین بخوبی جانتے ہی ہوں گے۔ سوزوکی کلٹس پرانی جنریشن کی گاڑیوں سے تعلق رکھتی ہے جن کی اکثر ممالک میں تیاری و فروخت بند کی جاچکی ہے۔ پاکستان میں سوزوکی کلٹس جیسی گاڑیوں کی فراہی نے ہی لوگوں کو مجبور کیا کہ وہ بین الاقوامی مارکیٹ سے ملک میں تیار ہونے والی گاڑیوں کا موازنہ کریں۔ بہرحال، اب سوال یہ پیدا ہوتا ہے کہ آیا سوزوکی پاکستان اب بھی اپنے ‘خفیہ منصوبے’ پر کام کر رہا ہے؟

suzuki-cultus-2016-11474068

اس کا جواب ہے: شاید۔ بہت سے قارئین جانتے ہوں گے کہ پاک سوزوکی نے کچھ ماہ قبل کلٹس کا ایک لمیٹڈ ایڈیشن جاری کیا ہے۔ گو کہ اس کلٹس میں شامل خصوصیات اور قیمت بڑھائی گئی ہیں تاہم قابل ذکر امر یہ ہے کہ کار ساز ادارے اس طرح کا ایڈیشن تبھی نکالتے یں کہ جب انہیں اپنے گوداموں سے اس گاڑی کا اسٹاک ختم کرنا مقصود ہو۔ یہی وجہ ہے کہ پاک سوزوکی کے اس قدم سے یہی اندازہ لگایا جارہا ہے کہ ہو نہ ہو پیشن گوئی درست ثابت ہونے والی ہی ہے۔ لیکن پھر سوال پیدا ہوتا ہے کہ ایسا کب ہوگا؟

cultus-around-the-world

اس سوال سے قطع نظر اگر اس ممکنہ گاڑی سے متعلق بات کرلی جائے تو زیادہ مناسب ہوگا کہ جو سوزوکی کلٹس کی جگہ لے سکتی ہے۔ اس گاڑی کا نام سیلیریو ہے جسے سال 2013 میں تھائی لینڈ اور اس کے بعد فروری 2014 میں دیگر جنوبی ایشیائی ممالک کے لیے پیش کیا گیا تھا۔

suzuki-celerio-5-doors

Suzuki-Celerio-interior

celerio-feature

سوزوکی سلیریو اندرون شہر سفر کے لیے بہترین گاڑی سمجھی جاتی ہے کیوں کہ اسے روز مرہ کے ٹریفک نظام کو مدنظر رکھتے ہوئے بنایا گیا ہے۔ کلٹس کی طرح سلیریو میں بھی 1000cc انجن شامل ہے تاہم سلیریو کا انجن 3-سلینڈر اور سوزوکی کی اعزاز یافتہ K-سیریز سے بہترین K-Next سیریز سے تعلق رکھتا ہے۔ سوزوکی سلیریو میں شامل انجن کو K10B کا کوڈ دیا گیا ہے۔

ماہرین کے خیال میں سوزوکی سلیریو کی آمد 2016 کے وسط تک متوقع تھی تاہم پاکستانی صارفین کی ویگن آر (WagonR) میں بڑھتی ہوئی دلچسپی دیکھتے ہوئے شاید پاک سوزوکی نے سیلیریو کی پیش کش کو ملتوی کرنے کا فیصلہ کیا ہے۔

یہ بھی پڑھیں: پاک سوزوکی ویگن آر بمقابلہ درآمد شدہ ویگن آر – ایک مختصر جائزہ

WagonR

We all make mistakes in life but I believe in learning from them and that is why I have opted to become an auto-journalist. I have a tech background but I prefer to write and express my views on cars because I am petrol head.

  • Shoaib Ayob Khan

    i am waiting for Celerio

  • Aatif Azio

    Celerio a gayi tu Swift nahin Bikni Suzuki ki
    Pakistanis ka mindset aur terhan ka hai. Idher har gari successful nahin hoti
    Suzuki already suffering from low sales of WAGON R

Top