نئی صورت کی حامل سوزوکی وٹارا 2019 اگلے سال جاری ہوگی


سوزوکی کی ننھی اور خوبصورت سی SUV وٹارا کو نئے انجن اور نئے سیفٹی فیچرز کے ساتھ ایک نئی بھی صورت مل رہی ہے۔ سوزوکی وٹارا مقامی مارکیٹوں بالخصوص پاکستان اور بھارت جیسے ممالک میں SUVs کی زبردست طلب کی وجہ سے جاری کی تھی۔ وٹارا پہلی بار 1988ء میں جاری کی گئی تھی اور اس وقت اس کی چوتھی جنریشن مارکیٹ میں موجود ہے۔

اس وقت سوزوکی وٹارا 1.6L پیٹرول (پاکستان) اور ڈیزل (غیر ملکی مارکیٹوں میں) انجنوں سے لیس آتی ہے جو آٹومیٹک اور مینوئل گیئر بکسز کے ساتھ ہوتی ہیں۔ لیکن سوزوکی اب متعدد نئے انجنز دیتے ہوئے 1.6L انجن کو ختم کر رہا ہے۔ جیوک کا مقابلہ کرنے والی سوزوکی کی وٹارا SUV سال 20019ء کے لیے مختلف جمالیاتی و تکنیکی بہتریوں کے ساتھ تازہ دم کی گئی ہے۔

Suzuki Vitara 2019 facelift (1)

2019ء کے لیے ظاہری تبدیلیاں

نئی وٹارا میں اندر اور باہر متعدد تبدیلیاں کی گئی ہیں۔ سیفٹی آلات کو بھی اپگریڈ کیا گیا ہے۔ چند تبدیلیاں یہ ہیں:

انجن

وٹارا 2019ء اب 1.0L اور 1.4L بوسٹر-جیٹ ٹربوچارجڈ پیٹرول انجنز کے ساتھ آئے گی۔ 1.0L انجن 109 ہارس پاور اور 125 lb-ft (169.5 Nm) ٹارک پیدا کرتے ہیں۔ 1.4L انجن 138 ہارس پاور اور 162 lb-ft (220 Nm) ٹارک پیدا کرتا ہے۔ دونوں انجنز مختلف ویریئرنس کے لیے تیار کیے گئے ہیں۔ 1.4L انجن زیادہ اسپورٹی وٹارا S کے لیے رکھا گیا ہے۔

ٹرانسمیشن

ٹرانسمیشن کی تفصیلات ابھی تک ظاہر نہیں کی گئیں، البتہ ماہرین کو توقع ہے کہ 1.0L اور 1.4L انجنز کے لیے بالترتیب ایک 5-اسپیڈ مینوئل اور 6-اسپیڈ ٹرانسمیشن ہوگی۔ 6-اسپیڈ آٹومیٹک کا آپشن دونوں کے لیے رکھا گیا ہے۔

4-ویل ڈرائیو

علاوہ 1.4L ویریئنٹ میں مینوئل گیئربکس کے ساتھ آل-گرپ فور-ویل ڈرائیو دستیاب ہے۔

الائے ویلز

اس فیس لفٹ میں نئے الائے ویلز آنا بھی شامل ہے۔

سیفٹی خصوصیات

سوزوکی نے اپنے مقابل کا سامنا کرنے کے لیے اس بار سکیورٹی فیچرز کو بھی بہتر بنایا ہے۔ ان فیچرز میں شامل ہیں:

خودکار ایمرجنسی بریک سسٹم کے لیے ڈوئل سینسر بریک سپورٹ

لین ڈپارچر وارننگ اور شاہراہوں پر لین تبدیل کرنے پر ممانعت

ٹریفک اشاروں کو پہچاننے کی صلاحیت

بلائنڈ اسپاٹ مانیٹر

ریئر کراس ٹریفک الرٹ

جدید سوزوکی وٹارا 2019ء تکنیکی لحاظ سے اب تک کی جدید ترین سوزوکی ہوگی۔

نئے رنگ

اس بار دو نئے رنگ بھی متعارف کروائے گئے ہیں۔ رنگ اب تک ظاہر تو نہیں کیے گئے لیکن جلد ہی یہ تفصیلات سامنے آ جائیں گی۔

ایکسٹیریئر

سامنے موجود جالی کو چھ عمودی کروم بارز کے ساتھ ری ڈیزائن کیا گیا ہ۔ پیچھے کا بمپر نیچے کرکے گاڑی کو اسپورٹی شکل دی گئی ہے۔ اس میں نئے LED بریک لیمپس بھی ہیں۔ سامنے LED ڈے ٹائم رننگ لائٹیں لگائی گئی ہیں۔ جالی کے ساتھ ہیڈلائٹس کو بھی اپڈیٹ کیا گیا ہے۔

Suzuki Vitara 2019 facelift (3)

انٹیریئر

کیبن اب ڈیش بورڈ کے لیے زیادہ معیاری چمڑے اور پلاسٹک کے ساتھ آتا ہے جو پینل کے لیے نرم ملائم احساس دیتا ہے۔ ایک رنگین اسکرین بھی نصب ہے جس کے ساتھ انسٹرومنٹ کلسٹر کو انفارمیشن ڈسپلے کے لیے ری ڈیزائن کیا گیا ہے۔

Suzuki Vitara 2019 facelift (4)

گاڑی کی قیمت جاری کرنے کی تاریخ کے قریب ظاہر کی جائے گی۔ سوزوکی وٹارا 2019ء سوزوکی کی تاریخ میں ٹیکنالوجی کے اعتبار سے سب سے جدید گاڑی ہوگی۔ یہ SUV پہلے ہی اپنی مسابقتی قیمت کے ذریعے دیگر SUV بنانے والوں کو سخت مقابلہ دے چکی ہے۔ اس وقت سوزوکی وٹارا دنیا بھر کے 191 ممالک میں فروخت کی جا رہی ہے۔ اس کی مجموعی فروخت 3.7 ملین یونٹس کو عبور کر چکی ہے۔ جدید وٹارا کی قیمت بلاشبہ گزشتہ ماڈلز کے مقابلے میں زیادہ ہوگی۔ یہ رواں سال ہی یورپ میں اور 2019ء میں ایشیا اور دیگر ممالک میں فروخت ہونے کی توقع ہے۔ دیکھتے ہیں کہ پاک سوزوکی اسے پاکستان لاتا ہے یا نہیں۔


Ahsan Ismail

My name is Muhammad Ahsan Ismail. I have been a PakWheeler for many years now. I love talking about the cars and their stuff.

Top