یہ نئی آنے والی سپرپاور ای کار انٹرنیٹ پر بہت مقبول ہو رہی ہے

1377536-imgwa-1491581566-332-640x480

کراچی ایکسپو سنٹر میں منعقد ہونے والی تین روزہ نمائش کے دوران سپرپاور نے اپنی الیکٹرک کار بے نقاب کی جو کہ آنے والے چند ماہ میں لانچ کی جائے گی۔

مینوفیکچرر کے مطابق، اس نئی ڈیزائن کردہ ای کار کی حد رفتار 50 کلومیٹر فی گھنٹہ ہے اور اسے 7 گھنٹے کے الیکٹرک ری چارج کی ضرورت ہوگی تاکہ یہ 120 کلومیٹر کا فاصلہ طے کر سکے۔

img-20170407-wa0011-1491581729

img-20170407-wa0012-1491581732

img-20170407-wa0013-1491581735-e1491581790999

img-20170407-wa0017-1491581727-e1491581897376

یہ نئی سپرپاور ای کار دو ویرینٹ میں دکھائی گئی، ایک دو دروازوں والا ویرینٹ اور ایک چار دروازوں والا ویرینٹ۔ کمپنی کا دعوی ہے کہ دو دروازوں والے ویرینٹ کی قیمت 600000 روپے کے لگ بھگ ہوگی جبکہ اطلاعات کے مطابق چار دروازوں والے ویرینٹ کی قیمت 650000 روپے کے قریب ہوگی۔

میڈیا نمائندوں سے بات کرتے ہوئے این جے آٹو انڈسٹریز کے مارکیٹنگ ایگزیکٹو کا کہنا تھا کہ آنے والے سالوں میں ای کار کی مارکیٹ دن دگنی رات چگنی ترقی کرے گی تو اس موقع کو دیکھتے ہوئے ہم نے اس مارکیٹ میں انٹری کا فیصلہ کیا۔ ان کا کہناتھا کہ یہ گاڑیاں 1 روپے میں 1 کلومیٹر کا انتہائی سستا مائیلیج دیں گی جس سے پاکستانی صارفین کو ریلیف ملے گا۔ اطلاعات کے مطابق یہ گاڑی ایک 12 وولٹ کی بیٹری سے لیس ہے اور اسے گھر پر ایک انورٹر یا یو پی ایس کی طرح چارج کیا جاسکتا ہے۔ یہ الیکٹرک گاڑی چائنہ سے درآمد کی جارہی ہے اور توقع ہے کہ یہ پاکستان کی آٹو انڈسٹری پر بہت زبردست طریقے سے اثر انداز ہو گی۔

Shaf Younus

I'm an Auto Enthusiast, a Computer Science Graduate and above all, Citizen of Pakistan.

Top