ٹویوٹا سنچری GRMN – جاپانی کمپنی کی مکمل نئی لگژری سیڈان کی جھلک نظر آ گئی


ٹویوٹا کی سب سے اعلیٰ سیڈان سنچری لگژری گاڑیوں کے حوالے سے بالکل جداگانہ انداز رکھتی ہے، اور صرف اسی وجہ سے دنیا بھر میں گاڑیوں کے شوقین افراد کی توجہ حاصل کرچکی ہے۔ یہ آڈی A8 جیسی ششکے رکھنے والی گاڑی نہیں یا ایس-کلاس جیسی مشہور زمانہ یا BMW جیسی ہینڈلنگ کی حامل بھی نہیں۔ یہ مارکیٹ میں موجود کسی بھی لگژری کار سے زیادہ سادہ ہے جو خود اس کی تعریف ہے۔ چند روز قبل ٹویوٹا سنچری کے ایک ایسے  پہلو کے حوالے سے ٹوئٹ انٹرنیٹ پر گردش کرنے لگا، جس کے بارے میں پہلے کبھی نہیں سوچا گیا۔

کہا جا سکتا ہے کہ ٹویوٹا خفیہ طور پر ایک GRMN ٹویوٹا سنچری پر کام کر رہا ہے اور ہم اس پر بہت خوش ہیں۔ صرف جاپان کے لیے بنائی جانے والی گاڑی ہونے کے باوجود اس خاص GRMN سنچری کو کافی داد و تحسین اور توجہ ملی ہے اور چند افراد ان وجوہات کی بنیاد پر اسے درآمد کرنے کے بھی خواہش مند ہیں کہ ٹویوٹا نے کس طرح جدید عناصر کو ایک بظاہر پرانی گاڑی میں شامل کیا ہے۔ قبل ازیں ٹوئٹس میں تصاویر سے بہت زیادہ ظاہر نہیں ہو رہا تھا، اس لیے ہم نے انہیں شیئر کرنا مناسب نہیں سمجھا اور اس گاڑی کے بارے میں معلومات بھی سنچری کی طرح بہت محدود تھیں۔

1_578_872_0_70_http___cdni.autocarindia.com_ExtraImages_20180924031137_Toyota-Century-GRMN-5

1_578_872_0_70_http___cdni.autocarindia.com_ExtraImages_20180924031141_Toyota-Century-GRMN-4

لیکن جاپان میں موجود افراد کی بدولت مزید تصاویر اور زیادہ معلومات آنا شروع ہوگئیں۔ معلوم ہوا کہ یہ گاڑی ٹویوٹا موٹر کارپوریشن کے موجودہ صدر آکیو ٹویوڈا کے روزمرہ استعمال میں ہے۔ اس پر ایک مکمل نمبر پلیٹ ہے جو ٹویوٹا انڈسٹریز کے بانی اور آکیو کے پڑدادا ساگیچی ٹویوڈا کے سن پیدائش کو ظاہر کرتی ہے۔ جاپانی میڈیا  کے مطابق ٹویوڈا کا دعویٰ ہے کہ میرا اس گاڑی کو مارکیٹ کرنے کا کوئی منصوبہ نہیں ہے۔

sedan-toyota-century-grmn-amused-unconventional-appearance

1_578_872_0_70_http___cdni.autocarindia.com_ExtraImages_20180924031146_Toyota-Century-GRMN-3

کیونکہ سنچری جاپان میں زیادہ تر سرکاری اشرافیہ کی جانب سے استعمال کی جاتی ہے اس لیے یہ دیکھنا مشکل نہیں کہ آخر ٹویوڈا نے یہ ایک خاص GRMN سنچری کیوں بنائی، جو شاید کبھی فائنل پرڈکٹ نہ بنے۔ پچھلی سنچری کے مقابلے میں یہ نئی کار V12 کے مقابلے میں زیادہ مؤثریت کے لیے ایک V8 ہائبرڈ انجن رکھتی ہے۔ اور کسی کارکردگی کو ذہن میں رکھے بغیر اتنی بڑی گاڑی کے ساتھ ٹویوڈا کی جانب سے استعمال ہونے والا یہ خاص ماڈل کچھ پرفارمنس ٹیوننگ کے بجائے محض ایک مصنوعی حالت رکھ سکتا ہے۔ ہو سکتا ہے کہ یہ وجہ ہے کہ ٹویوٹا کا اسے مارکیٹ میں لانے کا کوئی منصوبہ نہیں ہے لیکن پھر بھی ہم منتظر ہیں، سنچری کا ایک GRMN ورژن کچھ سمجھ آتا ہے۔ اس جیسے اچھوتے خیالات کو اس وقت دنیا میں پیش کرنے کی ضرورت ہے کیونکہ تمام نئی گاڑیاں ایک خودکار مستقبل کی طرف جا رہی ہیں۔ لیکن دیکھتے ہیں کہ ٹویوٹا کو اتنی تحریک ملتی ہے کہ وہ GRMN سنچری کو ان لوگوں کے لیے پیش کرے جو ویسے اسٹاک سنچری نہیں خریدیں گے۔


Awais Yousaf

He started to love cars and lived happily ever after. THE END You can follow me on Facebook: www.facebook.com/awais.xlr and YouTube https://www.youtube.com/channel/UCaP7emzqAHHPifWtmTiwlCA

Top