ٹویوٹا کرولا 2020ء متحدہ عرب امارات میں متعارف کروا دی گئی


گزشتہ ہفتے میں ٹویوٹا کرولا کے چاہنے والوں کے لیے ایک اچھی خبر یہ رہی کہ دنیا بھر میں 47 ملین سے زیادہ یونٹس کی فروخت کے ساتھ ٹویوٹا کی مقبول ترین سیڈان کرولا نے اپنی 12 ویں جنریشن متحدہ عرب امارات میں متعارف کروا دی ہے۔ کرولا کی تاریخ میں پہلی بار ایک ہائبرڈ الیکٹرک پاورٹرین ورژن عرب امارات میں متعارف کروایا گیا۔ الفطیم ٹویوٹا کی جانب سے پیش کردہ 12 ویں جنریشن کی کرولا ایک جدید ڈائنامک ایکسٹیریئر ڈیزائن، غیر معمولی کارکردگی، بہتر اور اضافی فیچرز، لگژری قسم کا انٹیریئر اور ہائبرڈ ورژن کی غیر معمولی فیول اکانمی دیتی ہے۔ 

الفطیم ٹویوٹا کے مینیجنگ ڈائریکٹر جناب سعود عباسی نے کہا کہ 

“نئی 2020ء ٹویوٹا کرولا اس مشہورِ زمانہ گاڑی کی سب سے جدید صورت ہے۔ پٹرول ویرینٹ کے علاوہ صارفین کو ہائبرڈ الیکٹرک آپشن بھی ملے گا، یوں کرولا کی کشش میں اضافہ ہو رہا ہے جبکہ متحدہ عرب امارات میں ماحول دوست سواری کی بڑھتی ہوئی ضرورت کا جواب بھی مل رہا ہے۔” 

انہوں نے مزید کہا کہ 

“الفطیم ٹویوٹا متحدہ عرب امارات میں ماحول دوست گاڑیوں میں پیش پیش رہا ہے اور 2008ء میں پہلی ہائبرڈ الیکٹرک گاڑی پیش کی تھی۔ نئی کرولا ہائبرڈ کااجراء امارات 2021ء وژن سے ہماری وابستگی کو مضبوط کرتا ہے۔ اگلے چند سالوں میں صارفین کی نظریں مختلف مزاج اور ضروریات پر پورا اترنے والے HEV ماڈلز کی بڑی تعداد پر ہو سکتی ہیں۔” 

اب 12 ویں جنریشن کرولا میں فراہم کیے گئے ٹویوٹا کے ویرینٹس کی بات کرتے ہیں، جو نئی 2020ء کرولا میں کُل تین ہیں۔ پیش کیے گئے نئے 2.0 لیٹر فور سلینڈر ڈائنامک فورس انجن سے شروع کرتے ہیں جو نئے D-4S فیول انجکشن سسٹم کے ساتھ ہے اور 168 ہارس پاور اور 200 Nm ٹارک پیدا کرتا ہے اور نئی 10-اسپیڈ سیکوئنشل شفٹ میٹک ٹرانسمیشن سے لیس ہے۔ دوسرا ویرینٹ 1.6 لیٹر فور سلینڈر انجن رکھتا ہے جو 121 ہارس پاور اور 154 Nm ٹارک پیدا کرتا ہے۔ یہ ملٹی ڈرائیو 7S سیون-اسپیڈ آٹومیٹک ٹرانسمیشن سے لیس ہے۔ اب بات کرتے ہیں نئے الیکٹرک ہائبرڈ پاور ٹرین کی، جو پاور کے دو ذرائع رکھتا ہے جو 97 ہارس پاور پیدا کرنے اور 142 Nm ٹارک دینے والا پٹرول انجن اور 71 ہارس پاور اور 163 Nm ٹارک دینے والی دو الیکٹرک موٹرز پر مشتمل ہے جو مجموعی طور پر 121 ہارس پاور دیتی ہیں۔ یہ Electrically Controlled Continuously Variable Transmission یعنی E-CVT سے لیس ہے جو 27.6 کلومیٹر فی لیٹر کی زبردست ایندھن کھپت دیتی ہے۔ 

نئی کرولا 4630 mm کی لمبائی، 1780 mm کی چوڑائی اور 1435 mm کی اونچائی رکھتی ہے جبکہ کل وزن 1800 کلوگرام ہے اور ویل بیس 2700 mm کی ہے۔ یہ 15 انچ اسٹیل رِمز یا 16 اور 17 انچ کے الائے رِمز کے ساتھ آتی ہے۔ تمام ویرینٹ باڈی کے رنگ کے پاور سائیڈ مِررز پیش کرتے ہیں جبکہ ہائبرڈ میں ری ٹریکٹ ایبل مررز ہیں۔ یہ کروم ڈور ہینڈلز بھی پیش کرتی ہے۔ اسپورٹی لُک کے لیے اس میں ریئر ٹرنک اسپائلر بھی شامل کیا گیا ہے۔ فرنٹ فوگ لیمپس، ریئر فوگ لیمپس اور ڈے ٹائم رننگ لائٹس (DRLs) بھی فراہم کی گئی ہیں۔ اسٹیئرنگ ویل کنٹرول تمام ویرینٹس میں اسٹینڈرڈ کے طور پر موجود ہے ساتھ ہی سینٹرل لاکنگ اور کی لیس انٹری کے ساتھ ساتھ اینٹی تھیفٹ اموبیلائزر بھی۔ 

اندرونی کیبن مسافروں اور ڈرائیورز کے لیے بہت کچھ پیش کرتا ہے۔ یہ پیچھے بیٹھے مسافروں کے لیے AC وینٹس، 7 انچ یا 4.2 انچ کا ٹچ اسکرین ملٹی میڈیا انفوٹینمنٹ سسٹم بمطابق ٹرِم لیول، کروز کنٹرول، ریورس کیمرا، ٹائر پریشر وارننگ سسٹم، ریئر پارکنگ سینسرز، ون ٹچ مون روف، 6 اسپیکر ساؤنڈسسٹم، 60:40 اسپلٹ فولڈنگ ریئر سیٹس اور پاور ڈرائیور سیٹ رکھتی ہے۔ 

ٹویوٹا نے 12 ویں جنریشن کرولا کے سیفٹی فیچرز بھی بہتر بنائے ہیں۔ اب یہ ڈوئل فرنٹ اور سائیڈ ایئربیگز، بہتر وہیکل اسٹیبلٹی کنٹرول، الیکٹرانک بریک فورس ڈسٹری بیوشن، ہل اسٹارٹ اسسٹ اور اینٹی لاک بریکنگ سسٹم رکھتی ہے۔ ٹویوٹا نیو گلوبل آرکی ٹیکچر (TNGA) پلیٹ فارم کا استعمال کرتے ہوئے ٹویوٹا نے بہتر ہینڈلنگ اور اسٹیبلٹی کے لیے سفری آرام کو کم کیے بنا 60 فیصد زیادہ سخت باڈی کے ساتھ کرولا کا سینٹر آف گریوِٹی نیچے کیا ہے ۔ مختصر یہ کہ یہ بہتر آرام، ہینڈلنگ، ثابت قدمی اور سیفٹی فراہم کرتی ہے۔ 

قیمت 71،900 اماراتی درہم سے شروع ہوتی ہے اور 95،900 درہم تک جاتی ہے جو پاکستانی روپے میں 32 لاکھ سے 43 لاکھ روپے بنتے ہیں۔ پاکستان میں متعارف کروانے کے بعد یہ بہت ہی مہنگی گاڑی ہوگی۔ نئی کرولا کے بارے میں اپنی رائے نیچے تبصروں میں پیش کیجیے اور مزید خبروں کے لیے پاک ویلز پر آتے رہیے۔


Google App Store App Store
Ahsan Ismail

I have been a PakWheeler for many years and I write about cars stuff as cars are my hobby.

Top