ویڈیو: ٹویوٹا کرولا GLi اور ٹویوٹا کرولا Xli کا تفصیلی جائزہ

PW-XLIvGLI.mp4_snapshot_03.35_[2015.10.13_13.39.23]

ٹویوٹا کرولا نے تو جیسے پاکستانیوں پر جادو سا کردیا ہے۔ اس کا انداز تو واقعی شاندار ہے لیکن کیا سہولیات کے اعتبار سے بھی یہ گاڑی ویسی ہی ہے جیسی نظر آتی ہے؟ یا دوسرے لفظوں میں کیا ٹویوٹا کرولا کی سیرت و صورت یکساں ہے؟ یہ اور ان جیسے بہت سے سوالوں کا جواب جاننے کے لیے ہم آج ٹویوٹا کرولا GLi اور ٹویوٹا کرولا XLi کا تقابل کرنے جا رہے ہیں۔

جی جی، ہمیں بھی علم ہے کہ دونوں گاڑیاں تقریباً ایک ہی جیسی ہیں لیکن ہم ان گاڑیو کی اس انفرادیت سے متعلق بات کریں گے جس کی وجہ سے انہیں دو مختلف عنوانات دیئے گئے۔ لیکن ویڈیو دیکھنے سے پہلے آپ کو ان دونوں گاڑیوں کا مختصر تعارف کرواتے چلیں۔

ٹویوٹا کرولا کے دونوں ورژن 1300 سی سی VVTi انجن کے حامل ہیں البتہ ان دونوں میں ایک اہم فرق ٹرانسمیشن کا ہے۔ XLi صرف مینوئل ٹرانسمیشن کے ساتھ آتی ہے جبکہ GLi میں آپ کو آٹومیٹک بھی دستیاب ہے۔ سادے لفظوں میں کہا جائے تو کرولا XLi ایک عام سی گاڑی ہے جو اپنے کام کے اعتبار سے نہایت موزوں ہے۔ دوسری طرف کرولا GLi میں چند چیزیں اضافی ہیں کہ جن کا تجزیہ ویڈیو میں تفصیل سے کیا گیا ہے۔

قیمت کی بات کریں تو XLi اس وقت 16 لاکھ 24 ہزار روپے کی دستیاب ہے جبکہ GLi خصوصیات کے اعتبار سے ڈیڑھ اور دو لاکھ اضافی قیمت پر مل جائے گی۔ مزید جاننے کے لیے چلتے ہیں ویڈیو کی طرف لیکن آخر میں تبصرہ کرنا مت بھولیے گا۔

Top