ملائیشیا میں بھی نئی ٹویوٹا ہائی لکس 2016 پیش کردی گئی

Hilux-Desert-850x601

پاکستان میں ٹویوٹا ہائی لکس کے جتنے مداح ہیں کم و بیش اتنے ہی ناقدین بھی ہیں۔ ہائی لکس کو دیکھ کر عجیب و غریب منہ بنانے والے دراصل اس گاڑی سے نفرت نہیں کرتے بلکہ انہیں اصل چڑ ان لوگوں سے ہے جنہوں نے اسے VIP Culture کا روپ دے دیا ہے۔ بہرحال، دنیا کے جن ممالک میں باضابطہ طور پر نئی ٹویوٹا ہائی لکس پیش کی جارہی ہے ان میں اب ملائیشیا بھی شامل ہوچکا ہے۔

ملائیشیا میں نئی ٹویوٹا ہائی لکس 2016 کے چھ مختلف انداز متعارف کروائے گئے ہیں جن کی فہرست درج ذیل ہے:
٭ 2.8 جی آٹو 4×4
٭ 2.4 مینوئل 4×4
٭ 2.4 اسٹینڈرڈ، مینوئل 4×4
٭ 2.4 جی مینوئل 4×4
٭ 2.4جی آٹو 4×4
٭ 2.4 مینوئل 4×2

نئی ٹویوٹا ہائی لکس کی قیمت 89,900 ملائیشین رنگٹ (23,11,053 پاکستانی روپے) سے شروع ہو کر 133,900 ملائیشین رنگٹ (34,42,159 پاکستانی روپے) تک جاتی ہے۔

یہ بھی پڑھیں: ٹویوٹا ہائی لکس ریوو کے ساتھ 60 نئی سہولیات

ٹویوٹا کا دعویٰ ہے کہ گزشتہ ماڈلز کے مقابلے میں نئی ٹویوٹا ہائی لکس کا انجن 10 فیصد ایندھن کم خرچ کرنے کی اہلیت رکھتا ہے۔ نئی ٹویوٹا ہائی لکس کو نیوی گیشن سسٹم، اسپورٹس بار، ٹویوٹا پریمیم سیفٹی اور سیکورٹی فلم، ٹویوٹا اسینشل سولر فلم اور پورٹ ایبل ٹائر پمپ جیسی خصوصیات سے مزین کیا گیا ہے۔

پاکستان میں استعمال شدہ گاڑیوں کے کاروبار سے منسلک افراد بیرون ملک سے ٹویوٹا ہائی لکس منگواتے ہیں ۔ ان درآمد شدہ ہائی لکس کی اوسطاً قیمت 72 لاکھ روپے ہے۔ ٹویوٹا انڈس موٹرز کی جانب سے یہاں نئی ٹویوٹا ہائی لکس متعارف کروانے سے متعلق اب تک کوئی اشاہ موصول نہیں ہوا۔

Top