ٹویوٹا IMC نے چھٹی جنریشن کے ہائی ایس ماڈل کی پاکستان میں رونمائی کا اشارہ دے دیا


ٹویوٹا انڈس موٹر کمپنی (IMC) اپنے صارفین کو چھٹی جنریشن ماڈل کی ہائی ایس کی جھلک دکھا رہا ہے جو فروری 2019ء میں فلپائن میں متعارف کروائی گئی تھی۔ 

ٹویوٹا ہائی ایس کی teaser تصویر بتاتی ہے کہ نیا ماڈل پاکستان میں جلد متعارف کروایا جائے گا۔ البتہ اب تک آٹومیکر کی جانب سے اس کی حتمی تاریخ ظاہر نہیں کی گئی۔ جاپانی آٹو مینوفیکچرر پاکستان میں سب سے بڑی آٹوموبائل کمپنیوں میں سے ایک ہے جو اپنے صارفین کو بہترین مصنوعات پیش کرنے کا عہد کرتا ہے۔ ٹویوٹا اپنی نئی ہائی ایس کو “Discover the unreachable” کا نعرہ دیتا ہے یعنی “ناقابلِ رسائی کی دریافت”، جو ظاہر کرتا ہے کہ یہ مارکیٹ میں دستیاب موجودہ ہائی ایس کے مقابلے میں کہیں بہتر مسافر وین ہوگی ۔ کمپنی سمجھتی ہے کہ یہ مخصوص ماڈل صارفین کو ان منزلوں تک پہنچائے گی جہاں وہ پہلے کبھی نہیں گئے۔ چھٹی جنریشن کی ٹویوٹا ہائی ایس نئی منزلوں کی تلاش کے لیے پہلا قدم ہوگی۔ 

ٹویوٹا پاکستان کے آفیشل فیس بک پیج پر ٹویوٹا ہائیس کے ٹیزر ہمیں اشارہ دیتے ہیں کہ پاکستان میں لانچ کیا جانے والا ماڈل عالمی ویرینٹ سے قریب تر ہوگا۔ آنے والے ماڈل سے توقعات بہت زیادہ ہے کیونکہ یہ کشادہ کیبن اور بڑے سائز کی وجہ سے مسافروں کی ضروریات زیادہ بہتر انداز میں پوری کرے گا۔ اگر ہم ہائی ایس کے عالمی ورژن کو دیکھیں تو یہ سائز، سیٹوں کی گنجائش اور آرام کے لحاظ سے بہت برتر ہے۔ بین الاقوامی مارکیٹ میں ٹویوٹا ہائی ایس کی چھٹی جنریشن ماڈل کے تین ورژنز ہیں جن میں اسٹینڈرڈ، ہائی-روف اور دو سیٹوں والی کارگو ویگن شامل ہیں جو بالترتیب سفر، سیاحت اور ساز و سامان کی ترسیل کی ضروریات کو پورا کرتے ہیں۔ یہ عالمی ماڈلز پرانے ماڈلز کے مقابلے یہ پیمائش رکھتے ہیں: 

عالمی ویرینٹس مجموعی طور پر 29 سیٹنگ لے آؤٹس میں متعارف کروائے گئے تھے۔ اس نئی گاڑی کا سب سے نمایاں پہلو اس کی شکل و صورت ہے، جو پہلی بار آگے بڑھے ہوئے بونٹ کی صورت میں آئی ہے جو انجن کو مناسب انداز میں اگلے حصے میں فٹ کرنے میں مدد دیتی ہے۔ سیمی-ہُڈ ڈیزائن کے ساتھ آگے بیٹھے مسافر اور ڈرائیور کے لیے اب انجن کے شور اور وائبریشن کا مسئلہ نہیں رہے گا۔ انجن کے لیے کشادہ کیبن مکینک کے لیے بھی آسانیاں پیدا کرے گا۔ ہائی ایس کا عالمی ماڈل دو انجن کنفیگوریشنز میں متعارف کروایا گیا تھا ایک 2.8 لیٹر فور-سلنڈر ٹربو-ڈیزل انجن اور دوسرا 3.5 لیٹر V6 پٹرول انجن۔ دونوں بین الاقوامی مارکیٹ میں سکس -اسپیڈ مینوئل اور آٹومیٹک ٹرانسمیشن میں دستیاب ہیں۔ 

جہاں تک فیچرز، انجن کنفیگوریشن، سیٹنگ لے آؤٹ اور ویرینٹس کا تعلق ہے، صرف وقت ہی بتائے گا کہ ٹویوٹا IMC پاکستان میں پیش کردہ نئی ہائی ایس میں کیا لائے گا۔ موجودہ پانچویں جنریشن کی ہائی ایس 3 ویرینٹس میں آتی ہے، اسٹینڈرڈ، مِڈ رینج اور ہائی-روف ماڈل۔ یہ سب 2.5 ڈیزل یا 2.7 پٹرول انجن سے لیس ہیں۔ یہ مارکیٹ میں اسٹینڈرڈ ورژن کے لیے 44 لاکھ 27 ہزار روپے اور ہائی روف ماڈل کے لیے 57 لاکھ 75 ہزار روپے میں دستیاب ہے۔ اس کی موجودہ قیمت ظاہر کرتی ہے کہ نیا ماڈل 50 لاکھ روپے تک میں دستیاب ہوگا اور بہتر ورژن کی قیمت باآسانی 60 لاکھ سے تجاوز کر جائے گی۔ غیر مستحکم معیشت کی وجہ سے ملک کے موجودہ حالات میں یہ قیمت مزید بھی بڑھ سکتی ہے۔ بہرحال، ہائی ایس کا اگلی جنریشن کا ماڈل متعارف کروانے کا فیصلہ کرنے سے پہلے آٹومینوفیکچرر کی جانب سے مزید تصاویر سامنے آنے کی بھی توقع ہے۔ کسی بھی صورت میں نئی چھٹی جنریشن کی ٹویوٹا ہائی ایس بس آنے ہی والی ہے اور ہمیں اس کی بہت خوشی ہے۔ 

اس ہائی ایس کے اجراء اور تفصیلی معلومات کے حوالے سے تازہ ترین خبروں کے لیے پاک ویلز پر آتے رہی۔ اپنے خیالات نیچے تبصروں میں پیش کیجیے۔


Google App Store App Store

Apart from being an Electrical Engineer by profession, he is an automotive content writer at PakWheels, a web designer and a photographer.

Top