انڈس موٹرز نے پاکستان میں ٹویوٹا لینڈ کروزر کا نیا انداز متعارف کروا دیا

photo_2016-07-28_15-34-11

پاکستان میں ٹویوٹا لینڈ کروزر (Land Cruiser) کا نام کسی تعارف کا محتاج نہیں ہے۔ گزشتہ 65 سالوں کے دوران اس گاڑی نے دور دراز علاقوں کی ٹوٹی پھوٹی سڑکوں پر راج کرنے سے لے کر پُرتعیش مہنگی رینج رُووَر سے مسابقت سمیت ہر سطح پر خود کو منوایا ہے۔ نہ صرف یورپی اور امریکی خطے بلکہ پاکستان جیسے ملک میں بھی اس گاڑی کو بے تحاشہ کامیابی حاصل ہوئی ہے۔

photo_2016-07-28_17-10-56

یہ بات کسی سے ڈھکی چھپی نہیں ہے کہ رواں ہفتے گاڑیوں کے شعبے میں سِوک 2016 کی آمد کا چرچہ رہا اور پھر ہونڈا CR-Z کی پاکستان سے رخصتی کا بھی ذکر آتا رہا۔ لیکن اب ایسا محسوس ہوتا ہے ہونڈا کے روایتی حریف ٹویوٹا نے ایک بار پھر اپنی موجودگی کا احساس دلانے کی کوشش کی ہے۔ یہی وجہ ہے کہ انہوں نے اپنی مقبول ترین گاڑیوں میں سے ایک ٹویوٹا لینڈ کروزر کا نیا انداز پاکستان میں متعارف کروا دیا ہے۔

photo_2016-07-28_16-33-01

لینڈ کروزر کا یہ نیا انداز عالمی سطح پر گزشتہ سال پیش کیا گیا تھا۔ گو کہ گاڑیاں درآمد کرنے والی کی جانب سے نئے انداز کی حامل لینڈ کروزر ZX سمیت متعدد ماڈل پاکستان منگوائے جاچکے ہیں تاہم باضابطہ طور پر انڈس موٹرز (Toyota) کمپنی نے اب پیش کرنا شروع کیا ہے۔

نئی ٹویوٹا لینڈ کروزر کی قیمتیں

لینڈ کروزر GX-R (ڈیزل) 5 –اسپیڈ مینوئل: قیمت 2,06,99,000 روپے
لینڈ کروزر VX (ڈیزل) 6-اسپیڈ ECT: قیمت 2,39,99,000 روپے
لینڈ کروزر VX (پیٹرول) 6-اسپیڈ ECT: قیمت 2,41,00,000 روپے

یہ بھی پڑھیں: 2015 ٹویوٹا لینڈ کروزر ZX کا پہلا تجربہ

photo_2016-07-28_17-09-31

لینڈ کروزر میں شامل انجن

لینڈ کروزر کے دو ماڈل GX-R اور VX (ڈیزل) میں 8-سلینڈر (V8) 32-والو 4500cc انجن شامل ہے۔ یہ انجن لینڈ کروزر GX-R میں 220 ہارس پاور اور 430 نیوٹن میٹر ٹارک جبکہ لینڈ کروزر VX میں 232 ہارس پاور اور 615 نیوٹن میٹر ٹارک فراہم کرسکتا ہے۔ اس کے علاوہ لینڈ کروزر VX ( پیٹرول) میں V8 – 4500cc انجن شامل ہے جو 305 ہارس پاور اور 439 نیوٹن میٹر ٹارک فراہم کرنے کی اہلیت رکھتا ہے۔

photo_2016-07-28_16-32-43

لینڈ کروزر میں شامل نمایاں خصوصیات

٭ اسمارٹ انٹری (ریموٹ کنٹرول)
٭ ملٹی میڈیا انفارمیشن ڈسپلے (MID)
٭ جدید تفریحی نظام
٭ مرکزی کنسول میں A/C اور ملٹی میڈیا کنٹرول
٭ کولر باکس

photo_2016-07-28_16-32-51

ٹویوٹا انڈس موٹرز کی جانب سے لینڈ کروزر کیا نیا انداز پیش کیے جانے کے بعد آپ پاکستان میں اس کا مستقبل کیسے دیکھتے ہیں؟ ہمیں اپنی قیمتی آراء سے ضرور آگاہ کیجیے۔

Adan Ali

Adan is a Tribe Leader at Drive Tribe, who writes to share his passion for cars, culture and gadgetry through words. So far his writings and contributions have been able to make their way to media outlets like PakWheels and Dawn. Reach out to him by tweeting @adanali12

Top