نئی ٹویوٹا پاسو 2016 پیش کردی گئی؛ جاپان میں فروخت شروع!

2016 Toyota PASSO

گزشتہ دہائی سے استعمال شدہ جاپانی گاڑیوں کی درآمد میں زبردست تیزی دیکھی جارہی ہے۔ ان گاڑیوں میں متعدد برانڈز اور ماڈلز شامل ہیں لیکن چھوٹی گاڑیوں میں ٹویوٹا پاسوکو سب سے زیادہ پسند کیا جا رہا ہے۔ قارئین کے بے حد اصرار پر ہمارے ساتھی بلاگر نے ٹویوٹا پاسو 2014 پر تفصیلی تبصرہ بھی پیش کیا تھا تاکہ دلچسپی رکھنے والے خریدار اس گاڑی کے بارے میں تمام بنیادی باتیں پڑھ سکیں۔ جاپان میں ٹویوٹا اس گاڑی کو اپنے ذیلی برانڈ ڈائی ہاٹسو کے تحت سیریون/ بون کے نام سے پیش کرتا ہے لیکن پاکستان میں یہ پاسو (Toyota Passo) ہی کے نام سے مشہور ہے۔

ٹویوٹا پاسو کے چاہنے والوں کے لیے خوشخبری یہ ہے کہ جاپان میں ٹویوٹا نے نئی پاسو 2016 متعارف کروادی ہے۔ اسے بالکل نئے انداز سے تیار کیا گیا ہے۔ پاسو 2016 دو مختلف ورژن X اور Moda میں پیش کی گئی ہے۔ X اس کا سادہ ورژن ہے جبکہ Moda میں اضافی خصوصیات شامل ہیں۔ نئی پاسو کی اگلی اور پچھلی نشستوں کے درمیان 3 انچ فاصلہ بڑھا کر عقبی نشست پر سفر کو مزید آرامدے بنایا گیا ہے۔گاڑی کے اگلے حصے کو بھی نیا انداز دیا گیا ہے اور یہاں گول ایل ای ڈی لائٹس کا اضافہ کافی نمایاں ہیں۔

نئی پاسو 2016 میں ٹویوٹا نے اعزاز یافتہ 1000cc انجن (1KR-FE) کے ساتھ CVT گیئر باکس لگایا ہے۔ یہ انجن ہائبرڈ ٹیکنالوجی کے بغیر بھی بہترین مائلیج فراہم کرنے کے لیے مشہور ہے۔ اپنی طرز کی دیگر گاڑیوں کے مقابلے میں یہ ایندھن بچانے کی وجہ سے بھی معروف ہے۔ نئی ٹویوٹا پاسو میں اگلے پہیوں (FWD) اور چاروں پہیوں (AWD) کی قوت سے چلنے کی خصوصیت بھی موجود ہے۔ اگلے پہیوں کی قوت سے چلنے والی ٹویوٹا پاسو 28 کلومیٹر فی لیٹر سفر کرسکتی ہے جبکہ تمام پہیوں کی قوت سے چلنے والا ماڈل 24.4 کلومیٹر فی لیٹر مسافت فراہم کرسکتا ہے۔

ٹویوٹا کے مطابق نئی پاسو پہلے کے مقابلے میں زیادہ مضبوط لیکن وزن میں ہلکی ہے۔اس میں حفاظتی سہولیات کا بھی اضافہ کیا گیا ہے۔ باہری حصے کو انتہائی اعلی درجے کے اسٹیل سے تیار کیا گیا ہے جبکہ اگلے اور پچھلے سسپنشن کے ساتھ حفاظتی سلاخیں بھی لگائی گئی ہیں۔ اسی ضمن میں متعدد خصوصیات بھی شامل کی گئی ہیں جن میں گاڑی ٹکرانے سے قبل ہنگامی بریک لگانے، پید ل چلنے والوں یا کسی دوسری شے سے ممکنہ تصادم کی اطلاع دینے اور مخصوص لین کی خلاف ورزی پر تنبیہ دینے جیسی خصوصیات شامل ہیں۔ اگلی نشستوں پر سوار مسافروں کے لیے ایئربیگز کے علاوہ دائیں اور بائیں جانب بھی حفاظتی ایئربیگز دیئے گئے ہیں۔

نئی ٹویوٹا پاسو 2016 کے بہترین ماڈل (Moda) کی قیمت 14,31,000 جاپانی یَن (13,80,273 پاکستانی روپے علاوہ ٹیکس) ہے جبکہ اگلے پہیوں کی قوت پر چلنے والے سادہ ماڈل X کی قیمت 11,50,200 جاپانی یَن (11,09,427 پاکستانی روپے علاوہ ٹیکس) رکھی گئی ہے۔ اسے 12 دیدہ زیب رنگوں میں پیش کیا جائے گا۔

اگر آپ بھی اس گاڑی کو پسند کرتے ہیں تو ابھی پاک ویلز فورم پر موجود ٹویوٹا پاسو کمیونٹی کا حصہ بنیں۔ اور اگر آپ پاک ویلز کے ذریعے جاپان سے ٹویوٹا پاسو 2016 درآمد کرنا چاہیں تو یہاں کلک کریں۔

2016 Toyota Passo

2016 Toyota Passo

2016 Toyota Passo

2016 Toyota Passo

2016 Toyota Passo 2016 Toyota Passo

2016 Toyota Passo Specs 2016 Toyota Passo Specs

Fazal Wahab

I am Civil Engineer by Profession and have love for High Rise Towers and Underground construction. But Automobiles is my first love. Its my passion to know and share about anything new in automobile industry.

Top