ٹویوٹا سپرا کے لیے ایک مینوئل ٹرانسمیشن ویریئنٹ ممکن


اس پر کافی بحث ہو رہی تھی کہ آیا نئی A90 سپرا کو مینوئل ویرئنٹ ملے گا یا نہیں۔ تو بالآخر اس سوال کا جواب دے دیا گیا ہے۔

کاروں کے شوقین افراد کے لیے تین پیڈلز اور ایک اِسٹک شفٹ کی حامل گاڑی گویا ان کی دعاؤں کی تکمیل ہے، کیونکہ یہ آپ کو گاڑی پر زبردست کنٹرول اور ڈرائیونگ کا اصل مزا دیتے ہیں۔ یہ ہر اسپورٹس کار کا حُسن ہے کہ آپ اسے مینوئل ٹرانسمیشن میں پائیں۔ لیکن کچھ عرصے سے ایسی گاڑیاں غائب ہوتی جا رہی ہیں کیونکہ تقریباً تمام ہی گاڑیاں بنانے والے اب آٹومیٹک ٹرانسمیشن کا انتخاب کر رہے ہیں، جو زیادہ تیز ہے لیکن اتنی مزیدار نہیں، بالکل یہی معاملہ A90 سپرا کی رونمائی کے وقت سامنے آیا۔

ایسی ان گنت افواہیں موجود تھیں کہ جس گاڑی کا عرصے سے انتظار کیا جا رہا ہے اس مرتبہ اس کا اِسٹک شفٹ ورژن نہیں ہوگا۔ بذات خود ٹویوٹا کی باتوں سے بھی یہی لگتا تھا کہ اس مرتبہ مینوئل ویریئنٹ نہیں ہوگا اور مینوئل BMW Z4 کی آمد نے اس خبر کو اور مستحکم کیا کہ ممکنہ طور پر مینوئل ویرئنٹ متعارف نہیں کروایا جائے گا۔ لیکن گزشتہ ہفتے کی خبر نے ظاہر کردیا کہ دونوں کمپنیوں کے انجینیئرز ایک سال قبل الگ ہوگئے تھے، جس سے جاپانیوں کو کھلی اجازت مل گئی کہ وہ جو چاہے کریں جیسا کہ مینوئل سپرا بنانا جو ٹویوٹا کر چکا ہے۔

52c7ad60332c219f1d753002a0ec12bb

اسسٹنٹ چیف انجینیئر ماسایوکی کائی نے کار ایڈوائس آسٹریلیا سے بات کرتے ہوئے اس خبر کی تصدیق کی۔

“اس کا [مینوئل ٹرانسمیشن متعارف کروانے کا] حتمی فیصلہ اب تک نہیں ہوا، اور مارکیٹ کے فیڈبیک پر منحصر ہے، پھر ہم فیصلہ کریں گے آیا مینوئل ٹرانسمیشن متعارف کروانی چاہیے، ہم اسے بنا چکے ہیں اور اس کا ہارڈویئر تیار ہے۔ رائٹ ہینڈ ڈرائیو؟ جی ہاں، بلاشبہ۔ اسے جاپان میں فروخت کیا جانا ہے، جو ایک رائٹ ہینڈ ڈرائیو مارکیٹ ہے۔”

لیکن ایک مسئلہ ہے ، لیفٹ اینڈ ڈرائیور (LHD) مینوئل ٹرانسمیشن سپرا کا کوئی ذکر نہیں۔ اس کا مطلب ہرگز یہ نہیں کہ یہ پیش نہیں کی جائے گی؛ لیکن کچھ بھی ممکن ہے کیونکہ اس مرحلے پر غور کیا جائے تو مینوئل ٹرانسمیشن بھی منصوبوں میں شامل نہیں تھی۔ جہاں تک آٹومیٹک ٹرانسمیشن کا تعلق ہے، کیونکہ سپرا Z4 کے ساتھ پلیٹ فارم شیئر کرتی ہے جو کہ صرف 8-اسپیڈ آٹومیٹک ٹرانسمیشن میں دستیاب ہے اس لیے آپ سپرا میں بھی ویسی ہی ٹرانسمیشن کی توقع رکھ سکتے ہیں۔ اسسٹنٹ چیف انجینیئر نے یہ بھ کہا کہ وہ کنورٹیبل ورژن متعارف کرنے کے امکان کو بھی رد نہیں کر سکتے۔

“ابھی کی بات کریں تو جی ہاں۔ لیکن اگر BMW ایک coupe بنانا چاہتا ہے تو یہ ان کا اپنا فیصلہ ہے۔ کوئی پابندی نہیں – جیسا کہ، اگر ہم چاہیں تو ہم کھلی چھت والی سپرا بھی بنا سکتے ہیں۔ لیکن اس پر فی الحال غور نہیں کیا جا رہا۔ کبھی بھی ناں مت کہیں، سب کچھ ممکن ہے۔”

یہ خبر سن کر پرجوش نہ ہونا تقریباً ناممکن ہے، لیکن ذہن میں رکھیں کہ ابھی حتمی فیصلہ نہیں ہوا کہ یہ گاڑی پروڈکشن تک پہنچے گی بھی یا نہیں۔


Saad Ikram

Petrol head by a young age. My passion and obsession with cars began with the release of the Fast and Furious franchise. I love reading and writing about anything related to cars. Currently doing bachelors in computer science from FAST.

Top