ٹویوٹا تُندرا: 10 لاکھ میل چلنے کے باوجود بھی بالکل نئی جیسی حالت!

jntydjmqkmccogidsajn

اگر اس دنیا میں موجود لافانی چیزوں کی فہرست بنائی جائے تو بلاشبہ اس میں ٹویوٹا کی گاڑیاں بھی شامل ہوں گی۔بعض اوقات ہم ٹویوٹا گاڑیوں کے انتہائی فضول ڈیزائن دیکھ کر غم و غصے کا اظہار کرتے ہیں لیکن اس میں کوئی شک نہیں کہ ٹویوٹا کی گاڑیوں سب سے زیادہ قابل بھروسہ ہوتی ہیں۔ جس مقصد کے لیے یہ گاڑیاں بنائی جاتی ہیں، یہ انہیں بخوبی پورا کرتی ہیں۔

ایسی ہی ایک گاڑی، یا جسے آپ ٹرک بھی کہہ سکتے ہیں، 2007 ٹویوٹا تُندرا ہے۔ یہ وکٹر شیپرڈ نامی شخص کے زیر استعمال ہے جس نے دس سال سے بھی کم عرصے میں اس پر 10 لاکھ میل سے زائد سفر طے کرلیا ہے۔ اور سب سے دلچسپ بات یہ ہے کہ ٹویوٹا تُندرا کا انجن، گیئر حتیٰ کہ اس کا رنگ (paint) اب تک اصلی حالت میں ہی موجود ہے۔ یہ ناقابل یقین حد تک حیرت انگیز ہے۔

اپنی ہی گاڑی (Toyota Tundra) کی اتنی شاندار کارکردگی پر خود ٹویوٹا بھی حیران ہوئے بغیر نہ رہ سکا۔ جاپانی کار ساز ادارے نے اس ٹویوٹا تُندرا پر تحقیق کرنے کا فیصلہ کیا ہے۔ ایک اعلامیہ میں ٹویوٹا نے کہا کہ 10 لاکھ میل چلنے والے اس ٹرک میں 4000cc کا V6 انجن موجود ہے۔ اس پورے عرصے میں ماسوائے چند ایک معمولی کاموں جیسے بیلٹ اور انجن آئل کی تبدیلی اور شیڈول کی جانچ کے علاوہ انجن میں کوئی کام نہیں کیا گیا۔

fyfzwxcyjaybnbzjvzoi

وکٹر شیپرڈ اپنے پرانے تُندرا کو امریکی ریاست نیو اورلینز میں قائم ٹویوٹا ڈیلر شپ لے کر آئے جہاں انہیں نیا ٹویوٹا تُندرا 2016 دیا گیا۔ یہ وکٹر کی زندگی میں شامل ہونے والا 16 واں تُندرا ہے۔ اپنے پرانے ٹرک سے متعلق بات کرتے ہوئے وکٹر نے کہا کہ

چند ایک معمولی ڈینٹ کے علاوہ میرا ٹرک بالکل نئے ٹرک جیسا نظر آتا ہے۔ اس کی سیٹس بھی اب تک بالکل ویسی ہی ہیں جیسی اسے پہلی بار خریدتے ہوئے تھیں۔ گوکہ یہ پہلے جیسی صاف ستھری نہیں لگتیں لیکن یہ اب بھی بے شمار خرابیوں سے پاک اور آرامدے ہیں۔

برطانوی نشریاتی ادارے BBC کے مقبول پروگرام ٹاپ گیئر میں ‘کلنگ دا ٹویوٹا’ کے عنوان سے ایک قسط نشر کی گئی تھی۔ اس پروگرام کو نہ صرف ٹیلی ویژن بلکہ یوٹیوب پر موجود ریکارڈنگ کو بھی لاکھوں بار دیکھا گیا۔ جس شخص نے بھی یہ ویڈیو دیکھی وہ یہ بات تسلیم کرے بغیر نہ رہ سکا کہ طویل عرصہ استعمال کیے جانے کے باوجود ٹویوٹا گاڑیوں کی کارکردگی متاثر نہیں ہوتی۔

ماضی میں ٹویوٹا تُندرا پاکستان میں اپنی دھاک بٹھا چکی ہے۔ تاہم سال 2007 کے بعد جب ٹویوٹا نے اسے امریکا میں تیار کرنا شروع کیا تو یہاں لوگوں کا اعتماد باقی نہ رہا۔ امید ہے کہ یہ مضمون پڑھنے اور ذیل میں موجود ویڈیو دیکھنے کے بعد ٹویوٹا تُندرا پر لوگوں کا اعتماد ایک بار پھر بحال ہوگا اور ہائی لکس ویگو (Hilux Vigo) کے خریدار تُندرا کی طرف بھی راغب ہوں گے۔

ٹویوٹا نے اس شاندار ٹرک پر تحقیق کا فیصلہ تو کیا ہے لیکن کاروباری ادارہ ہونے کی وجہ سے وہ اسے اپنی تشہیری مہم کے لیے بھی استعمال کرے گا۔ اور ہمیں یقین ہے کہ بہت سے ٹویوٹا ناقدین کی رائے میں تبدیلی لائی جاسکے گی۔

Top