اوبر پانچ مفت رائیڈز کی پروموشن کے ساتھ اسلام آباد میں آ گیا ہے

islamabad

اسلام آباد اور راولپنڈی اوبر کے عالمی بڑھتے ہوئے نیٹ ورک میں پاکستانی تیسرے اور چوتھے شہر کے طور پر شامل ہو گئے ہیں۔ اسلام آباد حکومت اور اوبر حکام کے مابین 27 اپریل 2017 کو ایک میٹنگ ہوئی جس میں انہوں نے سستے، محفوظ، اور قابل اعتبار سفر پر بحث کی۔ اطلاعات کے مطابق، اس میٹنگ میں اسلام آباد حکومت کی جانب سے ڈپٹی کمشنر اسلام آباد کیپٹن مشتاق احمد اور سیکرٹری اسلام آباد ٹرانسپورٹ اتھارٹی سید جواد مظفر شامل ہوئے جبکہ اوبر کی جانب سے مڈل ایسٹ و افریقہ کے ہیڈ انتھونی لی روکس، اوبر پاکستان کے جنرل مینیجر شفیع شاہ، پالیسی ہیڈ گھسان ہداد، اور پلاننگ مینیجر میتھیو ریڈ نے شرکت کی۔

اوبر پاکستان کے جنرل مینیجر شفیع شاہ نے اس موقع پر کہا کہ ’ہم اس بڑھتی ہوئی معیشت کے اہم موڑ پر اسلام آباد میں اوبر لانچ کرنے پر فخر محسوس کرتے ہیں۔ جیسا کہ اسلام آباد کا انفراسٹرکچر تیزی سے شہری نظام میں تبدیل ہو رہا ہے جس کی وجہ سے سستی، قابل اعتبار اور محفوظ سفر کی مانگ مزید بڑھ رہی ہے‘

اس موقع کو بھرپور انداز میں منانے اور جڑواں شہروں میں مظبوط کسٹمر بیس قائم کرنے کے لیے اوبر 27 اپریل تا 30 اپریل مفت رائیڈز مہیا کر رہا ہے۔ پرومو کوڈ ’ UBERLOVESISB ‘ کو استعمال کر کے آپ 5 مفت رائیڈز حاصل کر سکتے ہیں جس میں ہر ایک رائیڈ کی قیمت 250 روپے تک ہو گی۔

آپ اپنے موبائل فون پر اوبر ایپلی کیشن کے زریعے گاڑی بک کروا سکتے ہیں۔ گاڑی بک کروانے کے دوران آپ گاڑی کا رجسٹریشن نمبر، ڈرائیور کی تصویر، اور اس گاڑی کی موجودہ لوکیشن چیک کرسکتے ہیں جب وہ آپ کی طرف روانہ ہورہی ہو گی۔

اسلام آباد اور راولپنڈی میں حالیہ لانچ ہونے والی اوبر گو کی تعارفی قیمت درج زیل ہے۔

بیس فیئر: 100 روپے

کم از کم کرایہ: 120 روپے

فی کلومیٹر: 6.84 روپے

فی منٹ: 3 روپے

Top