یونائیٹڈ براوو اور بعد از فروخت سپورٹ کے امکانات


یونائیٹڈ آٹوز کل ایک خصوصی تقریب میں اپنی براوو ہیچ بیک جاری کرے گا۔ یہ گاڑی، یونائیٹڈ حکام کے مطابق، کئی جدید خصوصیات کے ساتھ آئے گی۔ پاورڈ ونڈوز سے لے کر ڈجیٹل کلسٹر میٹر، ٹچ ڈسپلے انفوٹینمنٹ سے لے کر ریورسنگ کیم تک، یہ سب خصوصیات زیادہ تر عوام جدید گاڑیوں سے طلب کرتے ہیں۔ مقامی طور پر اسمبل ہونے والی کوئی منی-ہیچ بیک ایسی نہیں جو براوو کی طرح لیس ہو۔ مہران بنیادی سیفٹی آلات تک سے محروم ہے، نئی خصوصیات تو رہنے دیں۔ اگر براوو کی قیمت درست رہی تو بلاشبہ یہ مقامی مارکیٹ میں تباہی پھیلا دے گی۔

united bravo ft

united bravo 4

united bravo 6

united bravo 7

united bravo

کسی بھی نئی گاڑی کی طرح چند پہلوؤں پر کچھ خدشات بھی ہیں۔ مثال کے طور پر بعد از فروخت سپورٹ کیسی ہوگی؟ حقیقت یہ ہے کہ یونائیٹڈ سونے کی کان پر بیٹھا ہے۔ پاکستانی آٹومیکرز کو سستی اور ساتھ مناسب طور پر لیس چھوٹی گاڑی کی ضرورت ہے۔ تمام خوبصورت درآمد شدہ گاڑیاں عام طور پر بہت مہنگی ہوتی ہیں اور ان کے اپنے مسائل ہیں۔ اس لیے براوو یونائیٹڈ کے لیے سونے کے انڈے دینے والی مرغی بن سکتی ہے۔ اور پاکستان کے آٹوموٹو سیکٹر میں یونائیٹڈ کو بڑا نام گرداننے کے بعد میں نہیں سمجھتا کہ آٹومیکر براوو کی بعد از فروخت سپورٹ کے حوالے سے مطمئن ہوگا۔ اور کوئی یقین سے نہیں کہہ سکتا ہے کہ یونائیٹڈ کو اپنی پوزیشن کا اندازہ ہے۔

dahe-linup

لیکن ایک پہلو جس کا لوگ یہ گاڑی خریدنے کے بعد ادراک کریںن گے کہ پرزہ جات کے حوالے سے براوو کی کتنی سپورٹ موجود ہے۔ خبریں بتاتی ہیں کہ یوننائیٹڈ براوو سوزوکی مہران کے چیسس پر مبنی ہے۔ ڈاہے، یونائیٹڈ کو براوو فروخت کرنے والا چینی ادارہ، چین میں آلٹو/مہران گاڑیاں بنانے کے حقوق رکھتا ہے۔ اس لیے یہ سمجھنا غلط نہ ہوگا کہ زیادہ تر مکینیکل پارٹس قابل تبدیل ہوں گے۔ اس میں انجن کے پارٹس کے ساتھ ساتھ دیگر آپریشنل مکینیکل پرزے جیسا کہ سسپنشن پارٹس شامل ہیں۔

ڈاہے نے گاڑی کی ظاہری شکل و صورت مکمل طور پر تبدیل کردی ہے اس لیے باڈی پارٹس بلاشبہ ایسا معاملہ ہیں جس پر یونائیٹڈ آٹوز کو معاملات بہتر بنانے کی ضرورت ہوگی۔ لیکن جہاں تک میکنیکل معاملات ہیں، براوو مالکان کو یقین رکھنا چاہیے کہ وہ پریشان نہیں ہوں گے۔

bravo v mehran

لیکن یہ سب مستقبل کے لیے ہے۔ انتظار کرتے ہیں اور دیکھتے ہیں کہ کل لانچ کے دوران براوو کیسی لگتی ہے۔

یونائیٹڈ براوو کی مزید خبروں کے لیے آتے رہیے۔ ہم براوو کے لانچ ایونٹ کی براہ راست اپڈیٹس بھی دیں گے۔


Top