یونائیٹڈ براوو ڈیلرشپس پر آ گئی، بکنگ کا آغاز


ہمیں اپنے باخبر ذرائع سے معلوم ہوا ہے کہ یونائیٹڈ آٹوز 4 اکتوبر 2018ء سے پاکستان بھر میں اپنی ڈیلرشپس پر 800cc ہیچ بیک براوو پیش کرنے کے لیے مکمل طور پر تیار ہے۔

لانچ کے بعد ادارے نے عوام کو ڈیلرشپس تک کار کی آمد کے انتظار میں چھوڑ دیا بلکہ اس سلسلے میں کسی تاریخ کا اعلان بھی نہیں کیا۔ البتہ ہمارے ذرائع کو یقین ہے کہ کمپنی مذکورہ بالا تاریخ پر ڈیلرز کو گاڑی فراہم کردے گی، ہم اس انکشاف کے بارے میں مزید کام کریں گے اور اس خبر کو اپڈیٹ کردیں گے۔

یونائیٹڈ آٹوز نے طویل انتظار کے بعد 8 ستمبر 2018ء کو لاہور کے ہوٹل فلیٹیز میں اپنی گاڑی کا اجراء کیا۔ ہیچ بیک ایک کمپلیٹلی بلٹ یونٹ ہے اور 8,50,000 روپے کی قیمت کے ساتھ اور تین رنگوں سفید، سرمئی اور سلور میں جاری کیا گیا ہے۔

افتتاحی تقریب میں ہی عوام نے گاڑی کی بلٹ کوالٹی پر سنجیدہ سوالات اٹھا دیے تھے؛ جی ہاں، یہ گاڑی کئی فیچرز سے لیس ہے، لیکن جو ایونٹ میں دکھائی گئی تھی اس کی ساخت اور رنگ میں سنگین مسائل تھے۔

یونائیٹڈ براوو ایونٹ لانچ یہاں دیکھیں:

یہ خبر ابھی تازہ ہے، اس لیے مزید اپڈیٹس کے لیے آتے رہیے۔

[اپڈیٹ]

چند یونائیٹڈ آٹوز ڈیلرشپس نے بکنگ لینا بھی شروع کردی ہیں۔ اپنے لیے براوو بک کروانے سے قبل آپ کو 2,00,000 لاکھ روپے ایڈوانس بکنگ فیس جمع کروانے کی ضرورت ہوگی۔ البتہ ابھی تک یہ معلوم نہیں کہ ڈلیوریز کا آغاز کب ہوگا۔ یونائیٹڈ آٹوز نے ابھی تک تو اپنی ویب سائٹ کو ڈیلرشپس کے ناموں کے ساتھ اپڈیٹ نہیں کیا کہ جہاں یہ گاڑی دستیاب ہے۔ یونائیٹڈ براوو کے بارے میں مزید خبروں کے لیے آتے رہیے۔


Top