کیا 8,50,000 روپے یونائیٹڈ براوو کی مناسب قیمت ہے؟


جب سے یونائیٹڈ نے اپنی گاڑی براوو کے اجراء کا اعلان کیا تھا، تب سے اس کے بارے میں گفتگو بڑھتی ہی رہی۔ چند تجزیہ کاروں کے مطابق یونائیٹڈ آٹوز کی جانب سے 800cc ہیچ بیک کا اجراء مقامی آٹو انڈسٹری کو بدل کر رکھ دے گا، لیکن جیسے ہی گاڑی لانچ ہوئی تمام امیدیں اور توقعات دم توڑ گئیں، گاڑی کی بھاری قیمت اور کم تر معیار کی وجہ سے۔

مقامی صنعتی تجزیہ کاروں نے اس گاڑی کو سوزوکی مہران کے براہ راست مقابل کے طور پر پیش کیا تھا، لیکن میری ناقص رائے میں شو شا کے سوا اور مہران سے زیادہ فیچرز کے علاوہ، گاڑی کی مجموعی بلڈ کوالٹی بہت گھٹیا ہے۔ انٹیریئر اور ایکسٹیریئر میں استعمال شدہ مٹیریل اچھا نہیں ہے اور وہ بھی 8,50,000 روپے کی قیمت کے ساتھ، یہ کسی بھی لحاظ صارف کی توجہ حاصل کرنے والی قیمت نہیں ہے۔ یہ بتانا ضروری ہے کہ افتتاحی تقریب میں پیش کردہ گاڑیوں میں کوالٹی کے بڑے مسائل تھے۔

ذرا نیچے والی تصاویر دیکھیں اور اندازہ لگائیں کہ 8,50,000 روپے میں آپ کو کیا ملے گا۔

United Bravo Interior1

United Bravo2

United Bravo Interior

1

اجراء سے پہلے ہی لوگ اس کی بلڈ کوالٹی کے بارے میں تشویش میں مبتلا تھے، کیونکہ معلوم ہوا تھا کہ یہ گاڑی ایک چینی کمپنی بنا رہی ہے، البتہ ادارے نے تمام منفی تاثرات کو اس وقت بالائے طاق رکھا اور زور دیا کہ گاڑی کی بلڈ کوالٹی اچھی ہوگی اور یہ کئی فیچرز کے ساتھ صارفین کے لیے پیش کی جائے گی۔ بلاشبہ گاڑی ایک CBU یونٹ ہے، جو ایسے فیچرز رکھتی ہے جو ہماری مقامی ہیچ بیکس میں موجود ہی نہیں لیکن قیمت کہیں زیادہ ہے۔ اسے 7 لاکھ سے کم قیمت پر فروخت کرنا بہت اچھی حکمت عملی ہوگا۔

چینی پروڈکٹ کے طور پر یہ دیکھنا بھی دلچسپ ہوگا کہ یہ گاڑی پاکستانی ‎سڑکوں اور ماحول میں کس طرح کام کرے گی، جو ہرگز دوستانہ نہیں ہے۔ مجھے جس چیز کا خوف ہے کہ گاڑی کے ٹوٹنے کا خطرہ زیادہ ہے۔ ڈجیٹل میٹر ہمارے موٹر وے ٹرپ کے دوران ہی گر گیا، پاور ونڈوز کار واش کے بعد درست کام نہیں کر رہی تھیں، ٹچ انفوٹینمنٹ سسٹم پاکستان کی سخت گرمی میں چند روز کے بعد کام کرنا چھوڑ گیا؛ “خدشات” لامحدود ہیں۔ صرف وقت ہی بتائے گا کہ یہ گاڑی کتنی لچک دار اور پائیدار ہے۔

چند تجزیہ کار ان کا تقابل فا کی گاڑیوں سے کر رہے تھے، لیکن میں آپ کو بتا دوں کہ فا کی گاڑیاں حقیقتاً اچھی چینی پروڈکٹس ہیں جو پاکستان میں ثابت شدہ معیار کی حامل ہیں۔

اس کے علاوہ یہ گاڑی ریئر ویو کیمرے، لکڑی کے پینلز، فوگ لائٹس، الیکٹرک پاور اسٹیئرنگ، ایئر کنڈیشننگ، الائے ویلز، USB پپورٹس، سیٹ بیلٹ وارننگ انڈیکیٹر وغیرہ جیسی خصوصیات کے ساتھ آتی ہے۔

2

3

یہ 3-سلینڈر واٹر کولڈ اننجن سے لیس ہے جس کے ساتھ 4-اسپیڈ مینوئل ٹرانسمیشن ہے جو 40 bhp اور 60 Nm پیدا کرتی ہے اور تین رنگوں میں دستیاب ہے: سفید، سرمئی اور نقرئی۔

Bravo

 

4

6

1

تقریب سے خطاب کرتے ہوئے سی ای او یونائیٹڈ آٹوز ثناء اللہ چوہدری نے کہا کہ “یہ گاڑی چند روز بعد ہماری ملک بھر میں قائم 3S ڈیلرشپس پر دستیاب ہوں گی۔”

واضح رہے کہ ادارہ اعلان کرچکا ہے کہ وہ چند ماہ میں اس کا آٹومیٹک ویریئنٹ پیش کرے گا۔ ہم ڈیلرشپس اور ڈلیوری ٹائم معلومات موصول ہونے پر اپنے قارئین کو آگاہ کریں گے، تب تک کے لیے PakWheels.com پر آتے رہیے۔

گاڑی کی مکمل خصوصیات کی فہرست نیچے دیکھیں:

United Bravo

PakWheels.com کے یونائیٹڈ براوو کے بارے میں پہلے تاثر کی وڈیو نیچے منسلک ہے:

اپنی رائے نیچے تبصروں میں ضرور پیش کریں۔


Top