یونائیٹڈ نے 2018ء یونائیٹڈ US150 پاکستان میں جاری کردی


یونائیٹڈ موٹر سائیکلز نے ایک نئی 150cc اسٹریٹ موٹر سائیکل، یونائیٹڈ US150، جاری کی ہے۔ نئی یونائیٹڈ موٹر سائیکل کافی حد تک ہونڈا CB150 Fجیسی لگتی ہے۔ موٹر سائیکل کافی عرصے سے تیار تھی لیکن یونائیٹڈ چند وجوہات کی بناء پر جاری کرتے ہوئے پس و پیش سے کام لے رہا تھا۔ البتہ اس ماہ ادارے نے بالآخر اسے پیش کردیا ہے۔

موٹر سائیکل، جیسا کہ نام سے ظاہر ہے کہ 150cc انجن رکھتی ہے۔ یہ 4 اسٹروک ایئر-کولڈ سنگل سلینڈر موٹر ہے جو ادارے کے مطابق 12 bhp بناتی ہے۔ US150 فائیو-اسپیڈ لینیئر شفٹ ٹرانسمیشن کے ساتھ آتی ہے۔ موٹر سائیکل کک اور الیکٹرک سیلف-اسٹارٹ دونوں رکھتی ہے۔ US150 لمبائی میں 2060 ملی میٹر، چوڑائی میں 760 ملی میٹر اور اونچائی میں 1080 ملی میٹر کی ہے۔ فیول کی ٹنکی میں 13 لیٹرز ایندھن آ سکتا ہے۔

united us150 pw

اس کے علاوہ آپ کو الائے ویلز، آگے 2.75-18 اور پیچھے 3.00-18 ٹائر، اور آگے ڈسک اور پیچھے ڈرم بریکس ملتے ہیں، اس کی گراؤنڈ کلیئرنس 168 ملی میٹر ہے (ہونڈا CBF150 F بھی اتنی ہی گراؤنڈ کلیئرنس رکھتی ہے)۔ یونائیٹڈ US150 کی ویل بیس 1320 ملی میٹر ہے۔ موٹر سائیکل کا وزن 132 کلو گرام ہے۔ یونائیٹڈ US150 ابھی سرخ اور سیاہ رنگوں میں دستیاب ہے۔

united 150black-right2united 150red-right3

اس موٹر سائیکل کا 150cc انجن  پاکستان میں دستیاب ہر دوسری چینی موٹر سائیکل میں موجود عام 150cc انجن جیسا ہے۔ ہر چینی موٹر سائیکل بنانے والا اس وقت موٹر سائیکلوں میں عام انجن ہی استعمال کر رہا ہے۔ یونائیٹڈ US150 کا 150cc انجن 57.3 ضرب 57.8 ملی میٹر کا بور اور اسٹروک رکھتا ہے اور یہ وہی بور x اسٹروک ہے جو ہونڈا CB150 F کے انجن میں ہے۔

یہ اچھی بات ہے کہ پاکستان کی موٹر سائیکل مارکیٹ میں اب مزید آپشنز بھی موجود ہیں، لیکن کچھ سال استعمال کے بعد یہ موٹر سائیکل کہاں پہنچتی ہے، یہ صرف وقت ہی بتائے گا۔


I am an avid automotive enthusiast and like to write about cars and motorcycles.

Top