ٹوکیو آٹو سلون 2016 میں V8 انجن کی حامل لیکسز LFA کا دھمال

Tokyo-Auto-Salon-2016-D1-Grand-Prix-Exhibition

ہر سال کی طرح اس بار بھی ٹوکیو آٹو سلون جاپان کے شہر چیبا میں پورے زور و شور سے جاری ہے۔ اس شو کا مقصد گاڑیاں اور ان کے پرزے تیار کرنے والوں کو منفرد کام اور آٹوموٹیو ٹیکنالوجی کے مظاہرے کا موقع فراہم کرنا ہے۔ گاڑیوں کی ٹیوننگ کرنے والے جاپان بھر کے ادارے اس شو میں شرکت کرتے ہیں۔

اس شو کی رنگا رنگی میں اضافے کے لیے DP1 GP نے گاڑیوں کی ڈرفٹنگ کا شاندار پروگرام منعقد کیا۔ اس میں عام گاڑیوں جیسے سِلویا، 240sx اور جی ٹی آر کے ساتھ ساتھ مشہورِ زمانہ لیکسز LFA بھی شامل تھی۔ لیکسز LFA کو معروف ڈرائیور یوچی امامورا چلا رہے تھے۔

بہت سے قارئین جانتے ہی ہوں گے کہ LFA میں یاماہا کا تیار کردہ انتہائی طاقتور v10 انجن لگایا جاتا ہے۔ لیکن یوچی اور ان کی ٹیم نے v10 انجن کی جگہ ٹویوٹا ناسکار کا تیار کردہ V8 انجن لگا دیا۔ یہ انجن ٹویوٹا ریسرچ اینڈ ڈیولپمنٹ شعبے نے بنایا ہے جو پہلے سے بنائی گئی گاڑیوں میں جدت اور ان کی قوت میں شدت بھرنے کی وجہ سے مشہور ہے۔

ذیل میں موجود ٹوکیو آٹو سلون میں کی گئی شاندار ڈرفٹنگ کی منفرد ویڈیو میں V8 انجن کی حامل لیکسز LFA کا دھمال ملاحظہ کریں جس میں V8 انجن لگایا گیا تھا۔

Top