فوکس ویگن نے پریمیئر موٹرز لمیٹڈ کے ساتھ CKD اسمبلی معاہدے پر دستخط کردیے


7 نومبر 2018ء کو معروف آٹوموٹو ادارے فوکس ویگن AG اور پاکستان پریمیئر موٹرز لمیٹڈ (PML) نے کمرشل گاڑیاں بنانے کے لیے حتمی قانونی معاہدے پر دستخط کردیے۔

فریقین کے درمیان معاہدہ کراچی میں CKD اسمبلی کے لائسنسنگ معاہدے کی بنیاد پر ہے۔ یہ منصوبہ پاکستان میں آٹوموٹِو شعبے میں ایک زبردست اضافہ ثابت ہوگا اور ملک میں گاڑیوں کی رسد اور طلب کے درمیان موجود خلاء کو پُر کرنے میں مدد دے گا۔

Volkswagen

2017ء میں جب فوکس ویگن اور پریمیئر موٹرز لمیٹڈ نے 22 جون کو ایک ارادہ نامے پر دستخط کیے تو اس سے زبردست توقعات وابستہ ہوگئی۔ ادارے نے پاکستان میں سرمایہ کاری کرنے کا فیصلہ کیا۔ جرمن آٹومیکر فوکس ویگن کے بورڈ آف مینجمنٹ کے رکن ڈاکٹر جوزف بومرٹ نے وزیر اعظم سے ان کے دفتر میں ملاقات کی اور وزیر اعظم نے انہیں یقین دلایا کہ حکومت کمپنی کو تمام سہولیات فراہم کرے گی اور جس مدد کی ضرورت ہوئی وہ بھی دے گی۔

آٹو پالیسی 2016-21ء کے بعد کئی غیر ملکی ادارے پاکستان میں گاڑیاں بنانے کے کارخانے تعمیر کرنے کے لیے مقامی کمپنیوں کے ساتھ تعاون کر چکے ہیں۔ حکومت مارکیٹ میں نئے داخل ہونے والے اداروں کو ہر ممکن سہولت دینے کے لیے کوشاں ہے۔


I am a visual communications artist, I use arts and visual content to tell automotive stories to people.

Top