لاہور-اسلام آباد کے درمیان ولوو کی پرتعیش بس سروس کا آغاز

volvo luxury bus pakistan

گزرے وقتوں کی بات یہ ہے کہ ایک شہر سے دوسرے شہر پہنچنے کے لیے بیڈفورڈ (Bedford) کمپنی کی پرانی بسیں استعمال کی جاتی تھیں۔ گو کہ انہیں عرف عام میں “راکٹ” کہا جاتا تھا لیکن یہ اپنے نام کے بالکل برعکس انتہائی سست، بے آرام سفر اور شور شرابہ والی تھیں۔ بعد ازاں ٹویوٹا (Toyota) کوسٹر بسوں کے ذریعے شاہراہوں پر سفر شروع ہوا جو بیڈفورڈ بسوں کے مقابلے ہر لحاظ سے بہتر تھا۔ پھر وہ دور آیا کہ جب موٹرویز بننا شروع ہوئے۔ اسلام آباد – لاہور موٹروے بنا تو ڈائیوو بس سروس کا بھی آغاز ہوا جس کے ذریعے مسافروں کو ایک شہر سے دوسرے شہر تک معیاری سفر نصیب ہوا۔

یہ بھی پڑھیں: آلودگی کے خلاف جہاد: خیبر پختونخوا میں برقی رکشا کی آمد متوقع

ڈائیوو کی بس سروس نے حقیقی معنی میں سفر کو نیا انداز بخشا۔ اس سروس میں استعمال ہونے والی بسیں معیار میں بہترین اور آرامدے ہوا کرتی تھیں۔ بس کا عملہ بھی بہت بااخلاق اور معاون ہوتا تھا۔ لیکن پھر وہی ہوا کہ جو ہر ابھرتے ہوئے شعبے کے ساتھ ہوتا ہے۔ ڈائیوو کی دیکھا دیکھی درجنوں اداروں نے کم پیسوں کے عوض یہی سروس شروع کردی اور پھر اس کا معیار کم سے کم تر ہوتا چلا گیا۔ بہرحال، اس سے فائدہ یہ ہوا کہ اب آپ کراچی سے اسلام آباد جانا چاہیں یا پھر سوات، آپ کو ایک نہیں کئی ایک بس سروسز مل جائیں گی جنہیں آپ اپنی سہولت کے اعتبار سے منتخب کرسکتے ہیں۔

volvo luxury bus pakistan (4)

ایک طویل عرصے تک غیر حاضر رہنے کے بعد اب ولوو (Volvo) نے ایک بار پھر پاکستان میں قدم رکھنے کا فیصلہ کیا ہے۔ اس سے قبل 1980 کی دہائی میں ولوو پاکستان میں کافی سرگرم رہ چکا ہے۔ ولوو کی متعارف کردہ نئی Connect سروس کے ذریعے اب پاکستان بھر میں شہروں کے درمیان بسیں چلائی جائیں گی۔ ولوو نے اس سروس کے لیے انتہائی مہنگی اور پرتعیش بسیں شامل کی ہیں جس کا مقصد مسافروں کو بہترین سہولیات اور خدامت کی فراہمی ممکن بنانا ہے۔ ولوو کی متعارف کروائی جانے والی بسوں میں صرف 21 نشستیں ہوں گی۔ تمام مسافروں کو TV، لیپ ٹاپ اور موبائل فون چارجنگ، WiFi، تفریحی پروگرام دیکھنے کے لیے خصوصی ٹچ اسکرین جیسی بے شمار سہولیات دستیاب ہوں گی۔ ولوو کی لاہور تا اسلام آباد بس سروس بغیر رکے ایک شہر سے دوسرے شہر تک سفر کرے گی۔ اس بس میں سفر کا یک طرفہ کرایہ 3300 روپے ہے۔

ولوو نے اس بس سروس کے لیے فورٹریس اسٹیڈیم، لاہور اور کشمیر ہائی وے، راولپنڈی و اسلام آباد میں اپنے ٹرمنلز قائم کیے ہیں۔ ولوو کی شاندار پیش کش دیکھتے ہوئے کہا جاسکتا ہے کہ ان شہروں میں سفر کرنے والے لوگ اسے ضرور پسند کریں گے۔ ولوو نے جلد ہی اسلام آباد-کراچی اور کراچی-لاہور موٹر وے پر بھی اسی نوعیت کی سروس شروع کرنے کا عندیہ دیا ہے۔

volvo luxury bus pakistan (2)

volvo luxury bus pakistan (5)

volvo luxury bus pakistan (6)

volvo luxury bus pakistan (7)

volvo luxury bus pakistan (8)

volvo luxury bus pakistan (9)

volvo luxury bus pakistan (10)

volvo luxury bus pakistan (3)

volvo luxury bus pakistan (1)

  • Shaikh Abdul Qayyum

    kisi shehansha ne bna k haseen Taj Mahal, hum ghareebo ki mohabbat ka uraya he mazaq.

  • Ali Mehdi

    bhai sab kia ala comment kia hai, hamare jazbaat ki exact tarjomani ki hai….. alaaa

  • Shaikh Abdul Qayyum

    thanks

  • wah khy khoob kaha sheikh sab zarori ni paisy ni numaish ho apna dil nikal kay dy dyn mutyar ko gareeboh ki bhe muhabbat ki dastan ban jay gee

  • Saghir Hussain

    Boht alaw

  • Saghir Hussain

    Awesome but so expensive

  • Syed Shahzad

    Be positive don’t show your stupidty

Top