ٹویوٹا ہیریئر: پاکستان کے لیے موزوں ترین ہائبرڈ SUVs میں سے ایک

harrier-hybrid-10

کراس اوور، SUVاور چار پہیوں کی قوت سے چلنے والی 4WD گاڑیوں کا ایک اپنا ہی انداز ہے۔ اس طرز کی گاڑیوں کی بڑھتی ہوئی مقبولیت دیکھتے ہوئے اب تمام ہی کار ساز ادارے SUV اور کراس اوور گاڑیوں کی تیاری میں دلچسپی لے رہے ہیں۔ بیش قیمت اور پرحجم گاڑیوں کے علاوہ اب اوسطاً کم قیمت گاڑیاں بھی اسی انداز میں بنائی جانے لگی ہیں۔ ماضی میں ایسی گاڑیوں کو بہت زیادہ ایندھن پینے والی سواریوں کے طور پر جانا جاتا تھا۔ لیکن ہائبرڈ ٹیکنالوجی یعنی متبادل توانائی پر گاڑی چلانے کی سہولت متعارف ہونے کے بعد ایسی گاڑیوں کی مشہوری میں مزید تیزی دیکھی گئی۔نتیجہ یہ ہوا کہ آج ہمیں ہائبرڈ SUV کی فہرست میں جہاں مہنگی ترین لیکسز 570h، پورشے کایان، لیکسز 450h اور درمیانے سائز کی ٹویوٹا RAV4، نسان X ٹریل شامل ہیں وہیں چھوٹی SUV جیسے ہونڈا وِزل، نسان جوک، آڈی Q4 اور ٹویوٹا C-HR بھی موجود ہیں۔ البتہ پاکستان میں چند ہی گاڑیاں بالخصوص SUV ہائبرڈ ٹیکنالوجی کے ساتھ دستیاب ہیں۔

پاکستان کے لیے موزوں ترین ہائبرڈ SUV گاڑیوں میں تیسری جنریشن کی ٹویوٹا ہیریئر (Toyota Harrier) ہائبرڈ بھی شامل ہے۔ نئے انداز کی حامل ہیریئر ہائبرڈ جنوری 2014 میں پیش کی تھی جس نے 3300cc V6 ہیریئر کی دوسری جنریشن (30 سیریز) کی جگہ حاصل کی۔ تیسری جنریشن کی ہیریئر کو 60 سیریز بھی کہا جاتا ہے۔ K پیٹ فارم پر تیار ہونے والی ہیریئر کی پہلی اور دوسری جنریشن کے برعکس نئی ہیریئر کو RAV4 کے MC پلیٹ فارم پر تیار کیا گیا ہے۔

harrier-hybrid-9

ٹویوٹا ہیریئر کی تیسری جنریشن کا باہری حصہ پہلے کے مقابلے میں کہیں زیادہ مختلف اور خوبصورت ہے۔ اس کا مجموعی ڈیزائن اور انداز خاصہ جدید، ہموار اور دلکش ہے۔ گاڑی کے اگلے حصے کو طول دیا گیا ہے اور فرنٹ گارڈ کو بھی بالکل نیا انداز دیا گیا ہے۔

یہ بھی پڑھیں: ہونڈا وِزل کی مدمقابل ٹویوٹا C-HR میں ٹربوچارجڈ 1200cc انجن لگایا جائے گا

اندرونی حصے پر نظر ڈالیں تو وہاں بھی قابل ذکر تبدیلیاں نظر آئیں گی۔ ڈیش بورڈ کا انداز بہت اچھا ہے اور اس کے ساتھ شامل دیگر حصوں کو بھی بشمول کنٹرول پینل کو دیگر حصوں سے ہم آہنگ کیا گیا ہے۔اگلی دونوں نشستوں کے لیے ایئربیگز بھی موجود ہیں۔ اس کے علاوہ ایئرکنڈیشن، TV نیوی گیشن اور نیلے رنگ کی ایل ای ڈی لائٹس بھی موجود ہیں۔

پرانی جنریشن میں 3300cc V6 انجن شامل تھا جبکہ نئی ہیریئر میں 4-سلینڈر 2500cc انجن (2AR-FXE14) شامل ہے جسے 2500cc کیمری ہائبرڈ میں بھی استعمال کیا جاچکا ہے۔اس میں 7-اسپیڈ 4WD خودکار ٹرانسمیشن شامل ہے جو تقریباً 22 کلومیٹر فی لیٹر مائلیج فراہم کرسکتا ہے۔نئی ہیریئر میں شامل انجن 6000rpm پر 152 ہارس پاور اور 150 پاؤنڈ فٹ ٹارک فراہم کرسکتا ہے۔پانچ نشستوں پر مشتمل نئی ہیریئر 4720 ملی میٹر لمبی، 1835 ملی میٹر چوڑی اور 1690 ملی میٹر اونچی ہے۔

نئی ہیریئر تین مختلف انداز بنام گرینڈ (Grand)، ایلی گینس (Elegance) اور پریمیئم (Premium) کے ساتھ پیش کی جاتی ہے۔ گرینڈ میں 17 انچ کے الائے ویلز کے دستی کپڑے والی نشستیں شامل ہیں۔ ایلی گینس میں برقی نشستوں کے علاوہ نستباً خوبصورت 17 انچ الائے ویلز استعمال کیے گئے ہیں۔ سب سے بہترین ہیریئر پریمیم میں 18 انچ کے الائے ویلز اور چمڑے کی برقی نشستیں موجود ہیں۔

حکومتِ پاکستان کی جانب سے 1800cc سے زائد طاقتور انجن کی حامل ہائبرڈ گاڑیاں درآمد کرنے پر کسٹم ڈیوٹی میں 25 فیصد رعایت دے رہی ہے۔ خوش قسمتی سے گزشتہ سال یکم دسمبر 2015 کو گاڑیوں کی درآمد پر بڑھائی گئی ڈیوٹی سے ہائبرڈ گاڑیوں کو مستثنی قرار دیا گیا۔ اس صورتحال سے فائدہ اٹھاتے ہوئے اگر ہیریئر گرینڈ 2014 درآمد کی جائے تواس پر تقریباً 65 لاکھ روپے خرچ ہوں گے۔

Zubair Hashmi

Brig. Muhammad Zubair Hashmi (r), after retirement from Pakistan Army in 2008, joined a multinational company involved in water front resort development as MD. Based in Islamabad, he has keen interest in automobiles, and worked a lot in introducing hybrid cars in the country. His first on hybrid cars was published on Pakwheels in 2013 and was keenly read by enthusiasts. He contributes regularly to Pakwheels Blog.

Top